រាជធានីភ្នំពេញ ៖ ដើម្បីចែករំលែកក្តីស្រឡាញ់ និងចូលរួមទិវានៃក្តីស្រឡាញ់របស់ប្រជាជននាពិភពលោក មណ្ឌលសុម៉ាលីម៉ម ដែលផ្ទុកទៅដោយកុមាររងគ្រោះ និងជនចាស់ជរាបានប្រារព្ធកម្មវិធីផ្តល់ក្តីស្រឡាញ់ដល់បណ្តា
រាជធានីភ្នំពេញ ៖ ដើម្បីចែករំលែកក្តីស្រឡាញ់ និងចូលរួមទិវានៃក្តីស្រឡាញ់របស់ប្រជាជននាពិភពលោក មណ្ឌលសុម៉ាលីម៉ម ដែលផ្ទុកទៅដោយកុមាររងគ្រោះ និងជនចាស់ជរាបានប្រារព្ធកម្មវិធីផ្តល់ក្តីស្រឡាញ់ដល់បណ្តាជនរងគ្រោះទាំងនោះ ។ កម្មវិធីនេះក្រោមការដឹកនាំរបស់លោកស្រីយឹម ឆៃលីន និងមានការចូលរួមពីអ្នកតារាចម្រៀងអ្នកនាងម៉េង កែវពេជ្ជតា;អ្នកនាងពេជ្រ សិរីរត្ន័ និងលោកអេឡិច ចិន្ត្រា ។
ការបង្កើតបរិយាកាសរីករាយនេះធ្វើឱ្យកុមាររងគ្រោះដោយអំពើ ផ្សេងៗ និងជនចាស់ជរាទទួលបានភាពកក់ក្តៅប្រកបដោយភាពរីករាយដោយឃើញជាក់ច្បាស់ពីការស្រឡាញ់រាប់អានរបស់សិល្បករល្បី និងអ្នកផ្សេងទៀតដោយមិនទុកពួកគេនៅឯកាឬស្អប់ខ្ពើម ។ មានការបើកចិត្តយកសភាពស្និទ្ធស្នាលផ្តល់យ៉ាងរួសរាយជូនពួកគ នេះជាទឹកចិត្តប្រពៃមួយ ។ ជាការចែករំលែកទឹកចិត្តមនុស្សធម៌ នៅក្នុងថ្ងៃបុណ្យនៃក្តីស្រលាញ់ លោកស្រីយឹម ឆៃលីន បានចែកជូនអាហារ ភេសជ្ជៈ និងសម្ភារសិក្សាមួយចំនួនដល់កុមាររងគ្រោះដោយការរំលោភបំពានផ្លូវភេទ និងក្មេងកំព្រានៅមណ្ឌលសុម៉ាលីម៉ម ។ នាំម្ហូបអាហារមួយចំនួនមានសម្លការី នំបញ្ចុក នំបុ័ង ភីហ្សា ភេសជ្ជៈចែកជូនក្នុងបរិយាកាសរីករាយទាំងអស់គ្នា ។
ជារឿយៗលោកស្រីយឹម ឆៃលីន តែងតែផ្តល់ជូននូវក្តីស្រលាញ់ ការអាណិតអាសូរ ដល់ជនទីទ័លក្រ ចាស់ជរានិងក្មេងកំព្រា និងជនរងគ្រោះជាច្រើនទៀតក្នុងន័យមនុស្សធម៌ ។
លោកស្រីយឹម ឆៃលីន បានផ្តាំដល់កុមាររងគ្រោះ និងជនចាស់ជរាឱ្យខំតស៊ូនិងត្រូវមានសង្ឃឹមក្នុងជីវិត ព្រមទាំងថែរក្សាសុខភាព ។
« ត្រូវគិតថាមិនឯកាទេគឺនៅមានអ្នកស្រឡាញ់គាំទ្រជាកម្លាំងចិត្ត ហើយកុមារទាំងអស់ត្រូវតបស្នងមកវិញនូវការខំរៀនសូត្រធ្វើជាមនុស្សល្អក្នុងសង្គមជាតិ» ៕
ចែករំលែកព័តមាននេះ