កុំចេះតែហ៊ាន ! ក្នុងរយៈពេល១ថ្ងៃចាប់បាន៧នាក់ និងវត្ថុតាងយកទៅតុលាការ
ខេត្តសៀមរាប ៖ ការិយាល័យបទល្មើសគ្រឿងញៀ.ននៃកងរាជអាវុធហត្ថខេត្តសហការជាមួយកម្លាំងកងរាជអាវុធហត្ថមូលដ្ឋាន
ខេត្តសៀមរាប ៖ ការិយាល័យបទល្មើសគ្រឿងញៀននៃកងរាជអាវុធហត្ថខេត្តសហការជាមួយកម្លាំងកងរាជអាវុធហត្ថមូលដ្ឋាន បានចុះប្រតិបត្តិការបង្ក្រាបករណីរក្សាទុក ដឹកជញ្ជូន និងជួញដូរដោយខុសច្បាប់នូវសារធាតុញៀន រហូតឈានដល់ធ្វើការឃាត់ខ្លួនបានជាបន្តបន្ទាប់ចំនួន៧នាក់ នៅទីតាំងផ្សេងគ្នាក្នុងថ្ងៃតែមួយនៅខេត្តសៀមរាប ។
ក្នុងប្រតិបត្តិការបង្ក្រាបករណីគ្រឿងញៀននេះធ្វើឡើងនៅថ្ងៃទី១៤ កុម្ភៈ ស្ថិតនៅចំណុចក្នុងភូមិសាស្ត្រស្រុកអង្គរធំ , ស្រុកជីក្រែង និងនៅសង្កាត់់ស្រង៉ែ ក្រុងសៀមរាប ។
បើតាមប្រភពពីសមត្ថកិច្ចបានឱ្យដឹងថា ជនសង្ស័យដែលបានឃាត់ខ្លួនទាំង៧នាក់នោះមាន ទី១-ឈ្មោះ ពេជ្រ សីហា ភេទប្រុស អាយុ២៣ឆ្នាំ ជាបុគ្គលិកសែនសប្បាយ១ ស្នាក់នៅភូមិសាលាកន្សែង សង្កាត់ស្វាយដង្គំ ជាអ្នកជួញដូរ ទី២-ឈ្មោះ ប៉ោង ចក់ ភេទប្រុស អាយុ២៤ឆ្នាំ មុខរបរមិនពិតប្រាកដ រស់នៅភូមិបឹងដូនប៉ា សង្កាត់ស្លក្រាម ជាអ្នកចាត់ចែង ទី៣-ឈ្មោះ អ៊ុន ប៊ុនធឿន ភេទប្រុស អាយុ១៦ឆ្នាំ ជាកម្មករសំណង់ ស្នាក់នៅភូមិមណ្ឌល៣ សង្កាត់ស្លក្រាម ជាអ្នកចាត់ចែង ទី៤-ឈ្មោះ កុយ កំសត់ ភេទប្រុស អាយុ១៧ឆ្នាំ ជាសិស្ស រស់នៅភូមិមណ្ឌល៣ សង្កាត់ស្លក្រាម ជាអ្នកប្រើប្រាស់ ទី៥-ឈ្មោះ វឿន ពេងលី ភេទប្រុស អាយុ១៧ឆ្នាំ ជាជាងពិដាន ស្នាក់នៅភូមិមណ្ឌល៣ សង្កាត់ស្លក្រាម ជាអ្នកចាត់ចែង ទី៦-ឈ្មោះ ឡង ឡើយ អាយុ១៩ឆ្នាំ ទីលំនៅភូមិអង្គរក្រៅ សង្កាត់គោកចក ជាអ្នកប្រើប្រាស់ និងទី៧-ឈ្មោះ ឡេង លីណា អាយុ៣៦ឆ្នាំ ទីលំនៅភូមិប្រាសាទ ឃុំកំពង់ក្តី ស្រុកជីក្រែង ។
បន្ទាប់ពីបានឃាត់ខ្លួនបានជនសង្ស័យកម្លាំងជំនាញបានធ្វើការដកហូតវត្ថុតាងរួមមាន៖ ម៉ាទឹកកកចំនួន៥កញ្ចប់ ស្មើនឹង១,០៥ក្រាម និងទូរសព្ទ័២គ្រឿង ៕
ចែករំលែកព័តមាននេះ