ជនសង្ស័យចំនួន៨នាក់ព្រមទាំងវត្ថុតាង ត្រូវបានបញ្ជូនទៅសាលាដំបូងខេត្ត
ខេត្តកំពត ៖ កម្លាំងការិយាល័យបង្ក្រាបបទល្មើសគ្រឿងញៀ.នខេត្តកំពតបានកសាងសំណុំរឿងបញ្ជូនជនសង្ស័យចំនួន៨នាក់ព្រមទាំងវត្ថុតាងទៅសាលាដំបូងខេត្តចាត់ការទៅតាមនីតិវិធីច្បាប់
ខេត្តកំពត ៖ កម្លាំងការិយាល័យបង្ក្រាបបទល្មើសគ្រឿងញៀនខេត្តកំពតបានកសាងសំណុំរឿងបញ្ជូនជនសង្ស័យចំនួន៨នាក់ព្រមទាំងវត្ថុតាងទៅសាលាដំបូងខេត្តចាត់ការទៅតាមនីតិវិធីច្បាប់ ពាក់ព័ន្ធនឹងករណីជួញដូរ និងប្រើប្រាស់គ្រឿងញៀន ដែលសមត្ថកិច្ចបង្ក្រាបបានចំនួន៣ករណីនៅកន្លែងផ្សេងៗគ្នា វេលាម៉ោង១២និង១៥នាទី ថ្ងៃទី១៤ ខែកុម្ភៈ ឆ្នាំ២០១៧។ លោកវរសេនីយ៍ឯក ទូច ឌន នាយការិយាល័យគ្រឿងញៀន នៃស្នងការដ្ឋាននរគបាលខេត្តកំពត បានឲ្យដឹងថា ក្នុងប្រត្តិបត្តិការបង្ក្រាបគ្រឿងញៀននេះ សមត្ថកិច្ចបានឃាត់ខ្លួនជនសង្ស័យចំនួន៨នាក់ នៅក្នុងស្រុកទឹកឈូ ស្រុកបន្ទាយមាស និងក្រុងកំពត។
ករណីទី១ នៅភូមិកំពង់ក្រុង ឃុំកំពង់គ្រែង ស្រុកទឹកឈូ។ ឃាត់ខ្លួនជនសង្ស័យបានចំនួន០៣នាក់ (ប្រុស) រួមមាន១-ឈ្មោះ ស៊ន សង អាយុ១៧ឆ្នាំ នៅភូមិ-ឃុំព្រៃឃ្មុំ ស្រុកទឹកឈូ ២-ឈ្មោះ ម៉ាត់ ហ្វារ៉េត អាយុ២៤ឆ្នាំ នៅភូមិកំពង់កណ្តាល ឃុំជុំគ្រៀល ស្រុកទឹកឈូ ទី៣-ឈ្មោះ នួន ម៉ុន ភេទប្រុស អាយុ៤៥ឆ្នាំ នៅភូមិកំពង់ក្រុង ឃុំកំពង់គ្រែង ស្រុកទឹកឈូ និងដកហូតបានថ្នាំញៀនចំនួន១កញ្ចប់តូច។
ករណីទី២នៅថ្ងៃទី១៤ ខែកុម្ភៈ ឆ្នាំ២០១៧ វេលាម៉ោង១និង៥២នាទី កម្លាំងជំនាញស្រុកបន្ទាយមាស បានសហការជាមួយកម្លាំងប៉ុស្តិ៍រដ្ឋបាលឃុំទូកមាសខាងលិច បង្ក្រាបបានករណីចែកចាយគ្រឿងញៀនមួយករណីនៅភូមិប្រផុង ឃុំសំរោងលើ ស្រុកបន្ទាយមាស។ ឃាត់ខ្លួនជនសង្ស័យបានចំនួន០១នាក់ (ប្រុស) ឈ្មោះ បេន លីហុង អាយុ២២ឆ្នាំ នៅភូមិត្រាំសសរ ឃុំសំរោងលើ ស្រុកបន្ទាយមាស និងដកហូតបានថ្នាំញៀនចំនួន០១កញ្ចប់តូច។
ករណីទី៣ ឃាត់ខ្លួនជនសង្ស័យបានពីរនាក់ប្តីប្រពន្ធដែលជាមុខសញ្ញាចាស់ដែលធ្លាប់ចែកចាយថ្នាំញៀនកន្លងមក នៅសង្កាត់ក្រើយកោះ ក្រុងកំពត ដកហូតបានតែឧបករណ៍ប្រើប្រាស់មួយកំប្លេ និងស្នាប់ដៃមួយ ទូរស័ព្ទ២គ្រឿង មិនមានថ្នាំញៀនទេ។ ជនសង្ស័យប្រុសស្រីទាំង៨នាក់រួមនឹងវត្ថុតាងត្រូវបានសមត្ថកិច្ចការិយាល័យប្រឆាំងបទល្មើសគ្រឿងញៀននៃស្នងការនគរបាលខេត្តកសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធី៕
ចែករំលែកព័តមាននេះ