កម្លាំងនគរបាលប៉ុស្ដិ៍ចោមចៅ បង្ក្រាបសង្វៀនជល់មាន់មួយទៀតហើយ
រាជធានីភ្នំពេញ ៖ កម្លាំងនគរបាលប៉ុស្ដិ៍ចោមចៅ និងកម្លាំងមន្ត្រីសាលាសង្កាត់ចោមចៅ បានធ្វើការបង្ក្រាប សង្វៀនជល់មាន់មួយកន្លែង ដោយចាប់បានមាន់គកចំនួន៣ក្បាល
រាជធានីភ្នំពេញ ៖ កម្លាំងនគរបាលប៉ុស្ដិ៍ចោមចៅ និងកម្លាំងមន្ត្រីសាលាសង្កាត់ចោមចៅ បានធ្វើការបង្ក្រាប សង្វៀនជល់មាន់មួយកន្លែង ដោយចាប់បានមាន់គកចំនួន៣ក្បាល
រាជធានីភ្នំពេញ ៖ កម្លាំងនគរបាលប៉ុស្ដិ៍ចោមចៅ និងកម្លាំងមន្ត្រីសាលាសង្កាត់ចោមចៅ បានធ្វើការបង្ក្រាប សង្វៀនជល់មាន់មួយកន្លែង ដោយចាប់បានមាន់គកចំនួន៣ក្បាល ដែលបានតខ្នាយដែករួចជាស្រេច បម្រុងនឹងជល់ភ្នាល់ដាក់លុយទៅហើយ ប៉ុន្តែខណៈនោះកម្លាំងបានចុះទៅដល់ ធ្វើឲ្យក្រុមអ្នកញៀនល្បែងជល់មាន់ទាំងនោះ នាំគ្នារត់គេចខ្លួនបាតជើងសព្រាត ចោលមាន់គក ហើយការរត់គេចខ្លួនមុនពេលកម្លាំងនគរបាលទៅដល់បែបនេះ ត្រូវបានគេសង្ស័យថាមានរនុកក្នុងចាំឲ្យការ និងប្រាប់ឲ្យរត់។
ប្រតិបត្តិការនោះបានធ្វើឡើង កាលពីវេលាម៉ោង៣និង៣០នាទីរសៀល ថ្ងៃទី១៥ ខែកុម្ភៈ ឆ្នាំ២០១៧នេះ នៅក្នុងភូមិថ្មគោល សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។ នគរបាលបានឲ្យដឹងថា សង្វៀនជល់មាន់ខាងលើនោះ បានបើកលេងដោយលួចលាក់ ប៉ុន្តែត្រូវទទួលបានការមិនពេញចិត្ត និងស្អប់ខ្ពើម ពីសំណាក់ប្រជាពលរដ្ឋ នៅក្នុងភូមិខាងលើ មិនតែប៉ុណ្ណោះបងប្អូនប្រជាពលរដ្ឋទាំងនោះបានសម្ដែងការព្រួយបារម្ភ ខ្លាចកើតមានចោរកម្មនឹងកើតចេញពីល្បែងបក្សីកីឡានោះមួយប្រភេទនោះទើប លួចខ្សឹបប្រាប់ឲ្យកម្លាំងចុះទៅធ្វើការបង្ក្រាបតែម្ដង។
ប៉ុន្តែអ្វីដែលគួរឲ្យមានការសោកស្ដាយនោះ គឺលើកណាក៏ចាប់បានតែមាន់ប៉ុណ្ណោះ មិនដែលចាប់បានមនុស្សដែលជាក្រុមអ្នកញៀនល្បែងនេះសោះ ដែលជាហេតុធ្វើឲ្យពួកនោះ មានឱកាសបានប្រមូលផ្ដុំគ្នាត្រឹមតែរយៈពេល២ឬ៣ថ្ងៃប៉ុណ្ណោះក្រោយពេលការបង្ក្រាប ទៅបើកសង្វៀនថ្មីទៀត ព្រោះពួកអ្នកលេងមាន់ជល់ទាំងនោះ សុទ្ធតែមុខក្រាស់មិនចេះរាងចាល នោះឡើយ ព្រោះអាងថាមិនដែលចាប់ខ្លួនពួកគេបានបែបនេះ។
ទន្ទឹមនឹងនេះនគរបាលបានស្នើសុំឲ្យ បងប្អូនប្រជាពលរដ្ឋទាំងអស់ មេត្តាជួយចូលរួមសហការណ៍ជាមួយកម្លាំងនគរបាល និងអាជ្ញាធរសង្កាត់ ផ្ដល់ព័ត៌មានពីទីតាំងដែលមានបើកសង្វៀនជន់មាន់ ឬល្បែងបៀរ អាប៉ោង ដើម្បីធ្វើការបង្ក្រាបបានទាន់ពេលវេលា និងកាត់បន្ថយរាល់បទល្មើសចោរកម្មនានានៅក្នុងភូមិ សង្កាត់ទាំងមូល៕
ចែករំលែកព័តមាននេះ