ឃាត់ខ្លួនមុខសញ្ញាប្រើប្រាស់ និងចែកចាយថ្នាំញៀន២នាក់នៅស្រុកក្រគរ
ខេត្តពោធិ៍សាត់ ៖ ប្រតិបត្តិការបង្ក្រាបគ្រឿងញៀ.នបានបន្តធ្វើដូចភ្លៀងរលឹមនៅក្នុងខេត្តពោធិ៍សាត់ ហើយបានឃាត់ខ្លួនមុខសញ្ញាប្រើប្រាស់
ខេត្តពោធិ៍សាត់ ៖ ប្រតិបត្តិការបង្ក្រាបគ្រឿងញៀ.នបានបន្តធ្វើដូចភ្លៀងរលឹមនៅក្នុងខេត្តពោធិ៍សាត់ ហើយបានឃាត់ខ្លួនមុខសញ្ញាប្រើប្រាស់
ខេត្តពោធិ៍សាត់ ៖ ប្រតិបត្តិការបង្ក្រាបគ្រឿងញៀនបានបន្តធ្វើដូចភ្លៀងរលឹមនៅក្នុងខេត្តពោធិ៍សាត់ ហើយបានឃាត់ខ្លួនមុខសញ្ញាប្រើប្រាស់ និងជួញដូរព្រមទាំងវត្ថុតាងបានជាបន្តបន្ទាប់បញ្ជូនទៅកាន់សាលាដំបូងខេត្ត។ ជាក់ស្ដែងវេលាម៉ោង១០ព្រឹក ថ្ងៃទី១៥ ខែកុម្ភៈ ឆ្នាំ២០១៧នេះ សមត្ថកិច្ចនគរបាលប្រឆាំងគ្រឿងញៀនខេត្ត សហការជាមួយនគរបាលជំនាញស្រុកក្រគរ និងនគរបាលប៉ុស្តិ៍រដ្ឋបាលក្បាលត្រាចបានចុះបង្ក្រាបគ្រឿងញៀននៅភូមិត្រពាំងរំដេញ ឃុំក្បាលត្រាច ស្រុកក្រគរ ឃាត់ខ្លួនអ្នកប្រព្រឹត្តបានចំនួន០២នាក់ និងថ្នាំញៀនចំនួនមួយកញ្ចប់ធំ។
លោកអធិការនគរបាលស្រុកឲ្យដឹងថា ជនសង្ស័យដែលឃាត់ខ្លួនបាននេះម្នាក់ឈ្មោះ ខ្វៃ ម៉េន ភេទប្រុសអាយុ២៦ឆ្នាំ រស់នៅភូមិត្រពាំងរំដេញ ឃុំក្បាលត្រាច ស្រុកក្រគរ និងម្នាក់ទៀតឈ្មោះ ស៊ឹម សុទ្ធារិទ្ធ ភេទប្រុស អាយុ២៧ឆ្នាំ មានទីលំនៅភូមិចម្ការចេក ខាងជើងសង្កាត់ផ្ទះព្រៃ ក្រុងពោធិ៍សាត់។ ទាំងពីរនាក់ជាមុខសញ្ញាប្រើប្រាស់ និងជួញដូរថ្នាំញៀនដែលស្ថិតក្នុងការតាមឃ្លាំមើលរបស់សមត្ថកិច្ចយើងជាយូរមកហើយ។
នៅព្រឹកថ្ងៃទី១៥ នោះ សមត្ថកិច្ចមូលដ្ឋានបានផ្ដល់ព័ត៌មានមកថា មុខសញ្ញាជនសង្ស័យទាំងពីរនាក់ខាងលើ កំពុងជួបគ្នានៅក្នុងផ្ទះស្ងាត់ជ្រងំក្នុងភូមិត្រពាំងរំដេញ ឃុំក្បាលត្រាចស្រុកក្រគរ សង្ស័យកំពុងសេព ឬចែកចាយគ្រឿងញៀន។ ភ្លាមៗនោះយើងបានសហការគ្នារវាងនគរបាលប្រឆាំងគ្រឿងញៀននៃស្នងការដ្ឋាននគរបាលខេត្ត ជាមួយកម្លាំងជំនាញនគរបាលស្រុក និងប៉ុស្តិ៍រដ្ឋបាលក្បាលត្រាច ចុះមកបង្ក្រាបជាបន្ទាន់។
កម្លាំងយើងបានពទ្ធ័នៅកន្លែងគោលដៅជាប់ ហើយបានចូលឆែកឆេររកឃើញម្សៅក្រាមសថ្លាមួយកញ្ចប់ធំ ដែលជាសារធាតុញៀន និងឧបករណ៍បម្រើឲ្យការជក់មួយចំនួនទៀត។ដោយមានភស្ដុតាងបែបនេះ សមត្ថកិច្ចយើងក៏ធ្វើការឃាត់ខ្លួនមុខសញ្ញាទាំងពីរនាក់តែម្ដង។ មុខសញ្ញាជនសង្ស័យទាំង២នាក់រួមជាមួយនឹងវត្ថុតាងបានបង្កសំណុំរឿងបញ្ជូនទៅសាលាដំបូងនារសៀលថ្ងៃទី១៥នេះដើម្បីចាត់ការបន្តតាមនីតិវិធី៕
ចែករំលែកព័តមាននេះ