នគរបាលប៉ុស្តិ៍រដ្ឋបាលគគីរធំ ឃាត់ខ្លួនមុខសញ្ញាគ្រឿងញៀ.នបានម្នាក់
ខេត្តកណ្តាល ៖ កម្លាំងនគរបាលប៉ុស្តិ៍រដ្ឋបាលឃុំគគីរធំ បានចុះល្បាតតាមមូលដ្ឋានឃាត់ខ្លួនមុខសញ្ញាចែកចាយគ្រឿងញៀ.នបានម្នាក់ កាលពីវេលាម៉ោង១២និង៣០នាទីរសៀល
ខេត្តកណ្តាល ៖ កម្លាំងនគរបាលប៉ុស្តិ៍រដ្ឋបាលឃុំគគីរធំ បានចុះល្បាតតាមមូលដ្ឋានឃាត់ខ្លួនមុខសញ្ញាចែកចាយគ្រឿងញៀ.នបានម្នាក់ កាលពីវេលាម៉ោង១២និង៣០នាទីរសៀល
ខេត្តកណ្តាល ៖ កម្លាំងនគរបាលប៉ុស្តិ៍រដ្ឋបាលឃុំគគីរធំ បានចុះល្បាតតាមមូលដ្ឋានឃាត់ខ្លួនមុខសញ្ញាចែកចាយគ្រឿងញៀនបានម្នាក់ កាលពីវេលាម៉ោង១២និង៣០នាទីរសៀល ថ្ងៃទី១៥ ខែកុម្ភៈ ឆ្នាំ២០១៧នៅចំណុចភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល។
បើតាមរបាយការណ៍របស់នគរបាលប៉ុស្តិ៍រដ្ឋបាលគគីរធំ បានឲ្យដឹងថា នៅមុនពេលកើតហេតុកម្លាំងនគរបាលប៉ុស្តិ៍ដឹកនាំដោយលោកនាយប៉ុស្តិ៍បានជិះម៉ូតូល្បាតតាមមូលដ្ឋានដើម្បីរក្សាការពារសន្តិសុខសណ្តាប់ធ្នាប់ជូនប្រជាពលរដ្ឋលុះមកដល់ចំណុចខាងលើក៏បានជួបនឹងមុខសញ្ញាចែកចាយគ្រឿងញៀន២នាក់ ទី១.ឈ្មោះ អ៊ឹង រដ្ឋា ភេទប្រុស អាយុ២៩ឆ្នាំ(ខ្មែរ) និងទី២.ឈ្មោះ សុខ អាន (ហៅអាចុច) ភេទប្រុស អាយុ២៣ឆ្នាំ(ខ្មែរ) មានទីលំនៅភូមិឃុំខាងលើជាមួយគ្នា កំពុងជិះម៉ូតូឌុបគ្នាកម្លាំងក៏បានហៅឲ្យឈប់សួរនាំ ស្រាប់តែមិនទាន់បានហៅផងគ្រាន់តែឃើញសមត្ថកិច្ច ឈ្មោះ សុខ អាន (ហៅអាចុច) ដែលជិះពីក្រោយលោតចុះពីលើម៉ូតូបោះចោលកញ្ចប់ថ្នាំញៀនរត់គេចខ្លួនបាត់។
រីឯឈ្មោះ អ៊ឹង រដ្ឋា ក៏បានផ្តួលម៉ូតូរត់ដែរ តែកម្លាំងបានដេញតាមពទ្ធ័ចាប់បានភ្លាមៗ។ បន្ទាប់ឃាត់ខ្លួនសមត្ថកិច្ចនគរបាលដកហូតបានវត្តុតាងម្សៅក្រាមពណ៌សថ្លា (សង្ស័យម៉ាទឹកកក)ចំនួន១កញ្ចប់តូច ទូរស័ព្ទដៃចំនួន១គ្រឿង ម៉ាកណូគា(អិនចុចពិល)ពណ៌ខ្មៅ ម៉ូតូកញ្ចាស់១គ្រឿង និងបារីជាតិកន្លះកញ្ចប់។ ក្រោយសួរនាំរួចនគរបាលប៉ុស្តិ៍ក៏បានកសាងសំណុំរឿងបញ្ជូនជនសង្ស័យរួមជាមួយវត្ថុតាងទៅកាន់អធិការដ្ឋាននគរបាលស្រុកកៀនស្វាយចាត់ការបន្តតាមនីតិវិធី។ ចំណែកបក្ខពួកម្នាក់ទៀតឈ្មោះ សុខ អាន ហៅ(អាចុច)ដែលបានរត់គេចខ្លួនសមត្ថកិច្ចកំពុងស្រាវជ្រាវស្វែងរកចាប់ខ្លួនមកផ្តន្ទាទោសតាមផ្លូវច្បាប់៕
ចែករំលែកព័តមាននេះ