រាជធានីភ្នំពេញ៖ រដ្ឋបាលរាជធានីភ្នំពេញ បានប្រកាសថា ដើម្បីសម្រួលដល់ការធ្វើចរាចរប្រកបដោយសុវត្ថិភាព រដ្ឋបាលរាជធានីភ្នំពេញ បានអនុញ្ញាតឱ្យមន្ទីរសាធារណការ និងដឹកជញ្ជូន រាជធានីភ្នំពេញ ចាប់ផ្ដើមជួសជុលកំណាត់ផ្លូវជាតិលេខ៦ និងដាក់បំពង់លូ…
រាជធានីភ្នំពេញ៖ រដ្ឋបាលរាជធានីភ្នំពេញ បានប្រកាសថា ដើម្បីសម្រួលដល់ការធ្វើចរាចរប្រកបដោយសុវត្ថិភាព រដ្ឋបាលរាជធានីភ្នំពេញ បានអនុញ្ញាតឱ្យមន្ទីរសាធារណការ និងដឹកជញ្ជូន រាជធានីភ្នំពេញ ចាប់ផ្ដើមជួសជុលកំណាត់ផ្លូវជាតិលេខ៦ និងដាក់បំពង់លូ ដែលស្ថិតក្នុងភូមិសាស្ត្ររាជធានីភ្នំពេញ ដើម្បីបម្រើដល់ការចូលរួមប្រកួតកីឡាអាស៊ីអាគ្នេយ៍ (SEA Games) លើកទី៣២ ឆ្នាំ២០២៣។ ការដ្ឋាននេះ អាចបណ្តាលឱ្យរំខានដល់ប្រជាពលរដ្ឋ ដែលធ្វើដំណើរឆ្លងកាត់ និងកំពុងរស់នៅតាមបណ្ដោយកំណាត់ផ្លូវជាតិលេខ៦នេះ។
រដ្ឋបាលរាជធានីភ្នំពេញ ក៏បានអំពាវនាវដល់ប្រជាពលរដ្ឋ ដែលកំពុងរស់នៅ និងធ្វើចរាចរឆ្លងកាត់លើកំណាត់ផ្លូវជាតិលេខ៦ ដែលស្ថិតក្នុងភូមិសាស្រ្តរាជធានីភ្នំពេញ សូមមេត្តាយោគយល់អធ្យាស្រ័យ ចំពោះការរំខាន ក្នុងដំណើរការការដ្ឋាននេះ។
សូមរម្លឹកថា ចាប់តាំងពីខែសីហា ឆ្នាំ២០២២ កំណាត់ផ្លូវឈ្នះឈ្នះ ចាប់ពីស្ពានព្រែកព្នៅ ដល់ផ្លូវជាតិលេខ៦ ដែលជាផ្លូវចេញចូលពហុកីឡដ្ឋានជាតិមរតកតេជោ ជាកន្លែង ដែលនឹងត្រូវរៀបចំប្រកួតកីឡាស៊ីហ្គេម នៅឆ្នាំ២០២៣ ត្រូវបានក្រុមការងារ គាស់រំលើងផ្លូវបេតុងចាស់ ដាក់លូផង ធ្វើផ្លូវផង និងគាស់ទ្រូងផ្លូវ កាយស្មៅចេញផងដែរ។
គេរំពឹងថា ការដ្ឋានកាយគាស់ផ្លូវបេតុងចាស់ នៅកំណាត់ផ្លូវវិមានឈ្នះឈ្នះ ចាប់ពីផ្លូវជាតិលេខ៦ ដល់ស្ពានជ្រោយចង្វារ នឹងត្រូវធ្វើថ្មីរួចរាល់ នៅមុនឆ្នាំ២០២៣ ហើយសង្ឃឹមថា ពេលផ្លូវនេះ ធ្វើថ្មីរួច នឹងលែងមានឡានដឹកដី ដឹកខ្សាច់ និងដឹកថ្ម ដែលមួយថ្ងៃៗ នៅលើផ្លូវនេះ មិនដឹងប៉ុន្មានឡាន បើកដឹកដី ដឹកខ្សាច់ និងដឹកថ្ម ទាំងយប់ និងទាំងថ្ងៃ ជ្រុះរាយប៉ាយពេញផ្លូវ៕
ចែករំលែកព័តមាននេះ