ផ្អើលស្វាយរៀង ! ឆែកផ្ទះទាហានការពារព្រំដែន ឃើញច្រើនសន្ធឹកសន្ធាប់
ខេត្តស្វាយរៀង ៖ លោក អ៊ីវ ឯកសាវតី រដ្ឋបាលព្រៃឈើថ្នាក់កណ្តាល ដឹកនាំមន្ត្រីរដ្ឋបាលព្រៃឈើ សហការជាមួយមន្ត្រី នៃមន្ទីរកសិកម្ម ខេត្តស្វាយរៀង ស្ទាក់ចាប់រថយន្ត១គ្រឿង …
ខេត្តស្វាយរៀង ៖ លោក អ៊ីវ ឯកសាវតី រដ្ឋបាលព្រៃឈើថ្នាក់កណ្តាល ដឹកនាំមន្ត្រីរដ្ឋបាលព្រៃឈើ សហការជាមួយមន្ត្រី នៃមន្ទីរកសិកម្ម ខេត្តស្វាយរៀង ស្ទាក់ចាប់រថយន្ត១គ្រឿង …
ខេត្តស្វាយរៀង ៖ លោក អ៊ីវ ឯកសាវតី រដ្ឋបាលព្រៃឈើថ្នាក់កណ្តាល ដឹកនាំមន្ត្រីរដ្ឋបាលព្រៃឈើ សហការជាមួយមន្ត្រី នៃមន្ទីរកសិកម្ម ខេត្តស្វាយរៀង ស្ទាក់ចាប់រថយន្ត១គ្រឿងដឹកឈើគ្រញូងពេញទ្រុង និងឃាត់ខ្លួនអ្នកបើកបរបានម្នាក់នៅចំណុចភូមិគយត្របែកសង្កាត់ គយត្របែក ក្រុងស្វាយរៀង កាលពីវេលាម៉ោង០១យប់រំលងអាធ្រាត ឈានចូលថ្ងៃទី១៤ ខែកុម្ភៈ ឆ្នាំ២០១៧ ដកហូតរថយន្ត និងឈើគ្រញូងប្រមាណជាង២០តោន និងបន្តឆែកឆេរផ្ទះឈ្មោះ ពេជ្រ យី ជាទាហានវរៈការពារព្រំដែនប៉ុស្តិ៍ច្រករបៀងសំយ៉ោង រឹបអូសបានឈើគ្រញូងជាង៥០០គីឡូក្រាម ឈើប្រណិតប្រភេទធ្នង់ និងនាងនួន ជាង៣ម៉ែត្រគីម និងគ្រឿងកែច្នៃរួចមួយចំនួន ។
បើតាមមន្ត្រីខណ្ឌរដ្ឋបាលព្រៃឈើស្វាយរៀង បានបង្ហើបឲ្យដឹងថា រថយន្តដឹកឈើគ្រញូងនេះម៉ាកហ៊ីយ៉ាន់ដាយ ពាក់ស្លាកលេខ 67L-3706 ចំណុះ៨តោន ជាឡានរបស់វៀតណាមចូលមកដឹកឈើគ្រញូងចេញពីផ្ទះឈ្មោះ ពេជ្រ យី ជាទាហានអនុប្រធានប៉ុស្តិ៍វរៈការពារព្រំដែនច្រករបៀងសំយ៉ោង មានទីលំនៅភូមិឡរ សង្កាត់ពោធិ៍តាហោ ក្រុងស្វាយរៀង ។
ប្រភពដដែលបន្តទៀតថា រថយន្តដឹកឈើគ្រញូង១គ្រឿងនេះបម្រុងដឹកឆ្លងព្រំដែនទៅប្រទេសវៀតណាមតាមច្រករបៀងសំយ៉ោង ស្ថិតនៅឃុំសំយ៉ោង ស្រុកកំពង់រោទិ៍ ខេត្តស្វាយរៀង ក៏ប៉ុន្តែត្រូវកម្លាំងសមត្ថកិច្ចចុះស្ទាក់បង្ក្រាបបានខណៈដឹកចេញពីផ្ទះឈ្មោះ ពេជ្រ យី បានប្រមាណ៣គីឡូម៉ែត្រ ។ បន្ទាប់ពីសមត្ថកិច្ចធ្វើការសាកសួរ អ្នកបើបរជនជាតិវៀតណាមរូបនោះបានឆ្លើយសារភាពថា រូបគេគឺជាអ្នកស៊ីឈ្នួលបើកឡានឲ្យគេ ហើយឈើនេះដឹកចេញពីផ្ទះឈ្មោះ ពេជ្រ យី ជាទាហានវរៈការពារព្រំដែន ប៉ុស្តិ៍ច្រករបៀងសំយ៉ោង ។
ប្រភពបន្តទៀតថា ក្រោយពីទទួលចម្លើយពីអ្នកបើកបររថយន្ត ក៏បានរាយការណ៍ជូនលោកព្រះរាជអាជ្ញាអមសាលាដំបូងខេត្តស្វាយរៀង លោក គង់ ចន្ទ័ខេមរិទ្ធ បានសម្របសម្រួលដឹកនាំកម្លាំងទៅឡោមព័ទ្ធផ្ទះឈ្មោះ ពេជ្រ យី ទាំងយប់ ដើម្បីប្រមូលវត្ថុតាងបន្ថែមទៀត ដោយបានរកឃើញវត្ថុតាងមួយចំនួន រួមមានឈើគ្រញូងជាង៥០០គីឡូក្រាម ឈើប្រណីតប្រភេទធ្នង់, នាងនួន ប្រមាណជាង៣ម៉ែត្រគូប និងគ្រឿងកែច្នៃរួចមួយចំនួន ។ ហើយបានរឹបអូសលើកដាក់រថយន្តបញ្ជូនមកកាន់ខណ្ឌរដ្ឋបាលព្រៃឈើស្វាយរៀង ដើម្បីចាត់ការតាមនីតិវិធី ។ ចំណែករថយន្ត និងឈើគ្រញូងដែលចាប់បង្ក្រាបពីជនជាតិវៀតណាម ក៏បានបញ្ជូនទៅកាន់ខណ្ឌរដ្ឋបាលព្រៃឈើស្វាយរៀង ដើម្បីធ្វើការត្រួតពិនិត្យ ទម្លាក់ពីលើរថយន្ត និងបានថ្លឹងកាលពីវេលាម៉ោង១១ និង១០នាទីព្រឹក ថ្ងៃទី១៤ កុម្ភៈ រហូតដល់ម៉ោង៦ល្ងាចទើបរួចរាល់ ។
ចំពោះលទ្ធផល ថ្លឹងឈើគ្រញូងនោះ មកដល់វេលាម៉ោង១១ និង៣០នាទីព្រឹក ថ្ងៃទី១៥ កុម្ភៈ មន្ត្រីខណ្ឌរដ្ឋបាលព្រៃឈើស្វាយរៀងឆ្លើយថា លោកពុំដឹងចំនួនប៉ុន្មានទេ ដោយប្រាប់ថា ជាការងាររបស់នាយកដ្ឋានរដ្ឋបាលព្រៃឈើជាអ្នកថ្លឹង និងបូកសរុបលទ្ធផលគាត់មិនទាន់ដឹងទេ ម្យ៉ាងមេជាប់ប្រជុំ រីឯមន្ត្រីមកពីនាយកដ្ឋានមិនអនុញ្ញាតឲ្យជួបសម្ភាសន៍ទេ សូម្បីតែថតរូបភាពសកម្មភាពដាក់ចុះពីលើរថយន្ត និងការថ្លឹងឈើគ្រញូង ក្រុមសមត្ថកិច្ចបានឲ្យកងរាជអាវុធហត្ថអញ្ជើញអ្នកសារព័ត៌មានចេញពីបរវេណនៃស្នាក់ការខណ្ឌរដ្ឋបាលព្រៃឈើស្វាយរៀង និងមិនអនុញ្ញាតឲ្យឈមើល ឬថតរូបភាពឡើយ ។ ចំពោះជនសង្ស័យអ្នកបើកបររថយន្តល្មើសដឹកឈើគ្រញូងនោះក៏មិនអនុញ្ញាតឲ្យថតរូប ឬផ្តល់អត្តសញ្ញាណដែរ មិនដឹងថា សមត្ថកិច្ចដោះលែង ឬមានចំណាត់ការយ៉ាងណាឡើយ ជាពិសេសរថយន្តល្មើស និងឈើគ្រញូងដ៏ច្រើនសន្ធឹកសន្ធាប់នេះ និងអ្នកពាក់ព័ន្ធបទល្មើស សូមរង់ចាំព័ត៌មានបន្តទៀត ៕
ចែករំលែកព័តមាននេះ