ពលរដ្ឋ ៖ ទប់ស្កាត់គ្រឿងញៀ.នមិនបាន បែរជាមករុះរើផ្ទះគាត់
រាជធានីភ្នំពេញ ៖ កាលពីព្រឹកថ្ងៃទី១៥ ខែកុម្ភៈ ឆ្នាំ២០១៧ គណៈបញ្ជាការឯកភាពខណ្ឌដឹកនាំដោយលោក ហោ វាសនា អភិបាលរងខណ្ឌ និងមានការចូលរួមពីលោក …
រាជធានីភ្នំពេញ ៖ កាលពីព្រឹកថ្ងៃទី១៥ ខែកុម្ភៈ ឆ្នាំ២០១៧ គណៈបញ្ជាការឯកភាពខណ្ឌដឹកនាំដោយលោក ហោ វាសនា អភិបាលរងខណ្ឌ និងមានការចូលរួមពីលោក …
រាជធានីភ្នំពេញ ៖ កាលពីព្រឹកថ្ងៃទី១៥ ខែកុម្ភៈ ឆ្នាំ២០១៧ គណៈបញ្ជាការឯកភាពខណ្ឌដឹកនាំដោយលោក ហោ វាសនា អភិបាលរងខណ្ឌ និងមានការចូលរួមពីលោកវរៈសេនីយ៍ឯក ម៉ក់ ហុង អធិការនគរបាលខណ្ឌ បានវាយកម្ទេចបន្ទាប់ចំនួន៦៩ ក្នុងចំណោម៧៣ នៅតំបន់ត្រពាំងឈូក ស្ថិតក្នុងភូមិបុរីកម្មករ សង្កាត់ទឹកថ្លា ខណ្ឌសែនសុខ ឡើងខ្ទេចអស់ក្នុងពេលតែមួយប៉ប្រិចភ្នែក ដោយអាជ្ញាធរចាត់ទុកថា តំបន់នេះជាទីតាំងជួញដូរ និងប្រើប្រាស់គ្រឿងញៀន ។
ទន្ទឹមនឹងនោះគេឃើញមន្ត្រីភូមិបាល និងគណៈកម្មការចម្រុះ បានចុះទៅវាស់វែង បាញ់ថ្នាំសំណង់ដែលនៅសេសសល់និងបានធ្វើជំរឿនអ្នករស់នៅតំបន់នោះ ជាហេតុធ្វើឲ្យប្រជាពលរដ្ឋមានការព្រួយបារម្ភជាខ្លាំងពីសុវត្តិភាពក្នុងការរស់ ។
ប្រភពព័ត៌មានបានឱ្យដឹងថា រហូតមកដល់ថ្ងៃទី១៥កុម្ភៈនេះ អាជ្ញាធរខណ្ឌសែនសុខបានរុះរើសំណង់ដែលជាទីតាំងជួញដូរ និងប្រើប្រាស់គ្រឿងញៀនបានចំនួន៦៩បន្ទប់ នៅសល់៤បន្ទប់ទៀតម្ចាស់បានសុំតុលាការរស់នៅជាបណ្តោះអាសន្ន ។ ចំពោះបន្ទប់ដែលរុះរើទាំង៦៩នោះ ដំណាក់កាលពីទី១ កាលពីថ្ងៃទី១២ ខែកុម្ភៈកន្លងទៅ អាជ្ញាធរបានរុះជញ្ចាំង និងក្តារក្រាល តែជំហានទី២ ថ្ងៃទី១៥ ខែកុម្ភៈនេះ អាជ្ញាធររុះចោលទាំងស្រុងតែម្តង ។
ប្រភពព័ត៌មានឲ្យដឹងទៀតថា ការរុះរើរបស់អាជ្ញាធរគឺបានវាយកម្ទេចចោលតែម្តង ធ្វើឲ្យសំណង់ទាំងនោះនៅរប៉ាត់រប៉ាយ និងខ្លះទៀតនៅលើផ្លូវរបស់ប្រជាពលរដ្ឋធ្វើដំណើរក៏មានដែរ ។
លោក ប៉ឹល កុសល អភិបាលខណ្ឌសែនសុខ បានឲ្យដឹងថា ការចុះវាស់វែងគឺគ្រាន់តែចង់ដឹងពីទិន្នន័យតំបន់បឹងឈូក តើដីមានប៉ុនណា ហើយរាយការណ៍ទៅសាលារាជធានីភ្នំពេញ ។
ប្រជាពលរដ្ឋម្នាក់សូមមិនបញ្ចេញឈ្មោះបានឲ្យដឹងថា ផ្ទះ និងដីរបស់គាត់បានទិញដោយស្របច្បប់ មិនមែនជាដីរបស់រដ្ឋដូចការចោទប្រកាន់របស់អាជ្ញាធរនោះទេ ។ បើសិនជាដីរបស់រដ្ឋ ហេតុអ្វីអាជ្ញាធរមិនហាមឃាត់ការសាងសង់ និងដោះស្រាយជួនពួកគាត់តាំងពីឆ្នាំ២០០៨ ពេលដែលភ្លើងឆេះ ហើយពេលដែលពួកគាត់បានចូលសង់ផ្ទះឡើងវិញ ដោយអាជ្ញាធរជាអ្នកធ្វើស្ពានឲ្យដើរទៀត បែរជាពេលនេះចាត់ទុកថាជាដីរបស់រដ្ឋទៅវិញ ។
ប្រជាពលរដ្ឋបានធ្វើការរិះគន់ថា ទប់ស្កាត់គ្រឿងញៀនមិនបាន បែរជាមករុះរើផ្ទះរបស់ពួកគាត់ទៅវិញ ៕
ចែករំលែកព័តមាននេះ