រាជធានីភ្នំពេញ ៖ សំណុំរឿងក្តីស៊ីដាច់ផ្ទះជួល នៅម៉ោង១០ព្រឹកថ្ងៃទី១៥ កុម្ភៈ ២០១៧ មានការតវ៉ាមួយនៅកន្លែងលក់ឡាន ស្ថិតនៅផ្លូវ២០៦ សង្កាត់ផ្សារដេប៉ូ១
រាជធានីភ្នំពេញ ៖ សំណុំរឿងក្តីស៊ីដាច់ផ្ទះជួល នៅម៉ោង១០ព្រឹកថ្ងៃទី១៥ កុម្ភៈ ២០១៧ មានការតវ៉ាមួយនៅកន្លែងលក់ឡាន ស្ថិតនៅផ្លូវ២០៦ សង្កាត់ផ្សារដេប៉ូ១ ខណ្ឌទួលគោក រាជធានីភ្នំពេញ ដែលស្ត្រីម្នាក់ជាប្រពន្ធម្ចាស់ផ្ទះបានអះអាងថា គាត់បានឈ្នះក្តីនៅតុលាការ ប៉ុន្តែបែបជាមិនបានផ្ទះមកវិញ នេះបើតាមគេហទំព័រក្នុងស្រុកមួយបានចុះផ្សាយ ។
បើតាមស្ត្រីម្នាក់ទៀតដែលជាប្អូនស្រីរបស់សពវរសេនីយ៍ឯក ស៊ឹម សុផល លោកជាម្ចាស់ផ្ទះជួល បានអះអាងតាមរយៈវីដេអូផ្សាយផ្ទាល់បានអោយដឹងថា ផ្ទះរបស់លោកស៊ឹម សុផល បានជួលអោយឈ្មួញម្នាក់ ដែលគេស្គាល់ងារថា ជាលោកឧកញ៉ា លឹម ហុង ក្នុង១ខែបាន៧០០ដុល្លារ ហើយលោក ស៊ឹម សុផល បានយកប្រាក់ទាំងនោះទៅជួលផ្ទះតម្លៃថោករស់នៅបន្ត សល់ប្រាក់ប៉ុន្មានទុកចិញ្ចឹមកូនទាំង៦នាក់ក្នុងបន្ទុក និងមើលជំងឺខ្លួនងង ។
យោងតាមប្រភពពីគេហទំព័រដើមអម្ពិលបានផ្សាយអោយដឹងថា គួរឲ្យអនិច្ចារណាស់ អតីតវរសេនីយ៍ឯក ស៊ឹម សុផល នៃនាយកដ្ឋានព្រហ្មទណ្ឌ ក្រសួងមហាផ្ទៃ ធ្វើអត្តឃាតដោយខាំអណ្តាតស្លាប់ក្នុងមន្ទីរពេទ្យ ក្រោយពីកើតរឿងជួលផ្ទះស៊ីដាច់ ។
ប្រភពដដែលបន្តថា រឿងក្តីជួលផ្ទះស៊ីដាច់ បានអូសបន្លាយអស់រយៈពេល១ទសវត្សរ៍ គិតត្រឹមឆ្នាំ២០១៧ នេះ ។ មកទល់នឹងពេលក៏ជាខួបឆ្នាំទី៧ (១២ មិថុនា ២០១០) ។បើតាមអ្នកស្រី ម៉ក់ ពៅ ភរិយាលោកវីរៈសេនីយ៍ឯក ស៊ឹម សុផល បានឲ្យដឹងថា មរណភាពរបស់លោក សុផល មិនមែនដោយសារជម្ងឺរ៉ាំរៃទេ តែដោយសារឈឺចិត្ត នឹងវាសនាខ្លួន ដែលខំបំរើជាតិតាំងពី១៩៧៩ ប៉ុន្តែនៅដែលធ្លាក់ខ្លួន បែរជាគេលេចមុខក្រុមគូរកន លឹម ហុង សូត្រ ស្រីយ៉ា និង សៅ សុខដែន រៀបចំគម្រោងទុរយស ស៊ីដាច់ផ្ទះរបស់ខ្លួន ដែលជាកេរ្តិ៍អាករចុងក្រោយ បន្សល់ពីឆ្នាំ១៩៧៩ ទៅវិញ ។
បើតាមគម្រោងនៅព្រឹកថ្ងៃទី១៥ ខែកុម្ភៈ ឆ្នាំ២០១៧ នេះ លោកស្រី ពេជ ម៉ារ៉ែន ចៅក្រមស៊ើបសួរនៃសាលាដំបូងរាជធានីភ្នំពេញ នឹងចុះទៅវាស់វែងដីទំនាស់ ក្នុងសំណុំរឿងព្រហ្មទណ្ឌលេខ២២០ ចុះថ្ងៃទី២០ ខែមករា ឆ្នាំ២០១៥ របស់សាលាដំបូងរាជធានីភ្នំពេញ ដែលមានទីតាំងនៅផ្ទះលេខ១៦៥អឺ០ ផ្លូវ២១៥ កែងផ្លូវលេខ២០៦ ក្រុម៤៤ ភូមិ១០ សង្កាត់ផ្សារដេប៉ូ១ ខណ្ឌទួលគោក រាជធានីភ្នំពេញ ។ ប៉ុន្តែលោកស្រីចុះទៅបានប្រហែល១០នាទី ក៏បាត់ចេញពីកន្លែងវាស់វែង ដោយពុំដឹងមូលហេតុឡើយ ។ តាមរយៈការចុះវាស់វែងនេះសង្ឃឹមថា តុលាការនឹងរកការពិត ជូនក្រុមគ្រួសាររងគ្រោះ ។
ទោះជាយ៉ាងណា គិតមកត្រឹមរសៀលថ្ងៃដដែលនេះ កោះសន្តិភាពនៅមិនទាន់សុំការបំភ្លឺ ពីភាគីលោក លឹម ហុង បាននៅឡើយទេ ៕
ចែករំលែកព័តមាននេះ