ផ្នែកសារព័ត៌មានរបស់សហគ្រាសផលិតគ្រឿងម៉ាស៊ីន ODK រុស្ស៊ីរាយការណ៍កាលពីថ្ងៃទី១៤ កុម្ភៈ ថា យន្តហោះប្រដេញជំនាន់ថ្មីមួយនឹងចេញហោះហើរសាកល្បងលើកដំបូងនៅត្រីមាសទី៤ឆ្នាំ២០១៧ ។
អ្នកនាំពាក្យសហគ្រាសនោះ គូសបញ្ជាក់ថា ការផលិតម៉ាស៊ីនថ្មីកំពុងប្រព្រឹត្តទៅតាមកាលបរិច្ឆេទដែលបានគ្រោងទុក ។ បច្ចុប្បន្នបណ្តាយន្តហោះប្រដេញធុន T-50 បំពាក់ដោយម៉ាស៊ីនដំណាក់កាលទីមួយ ហើយម៉ាស៊ីនដំណាក់កាលទី២ កាន់តែមានប្រសិទ្ធភាពខ្លាំង ជាងម៉ាស៊ីនមុន បើនិយាយពីការសន្សំសំចៃប្រេងឥន្ធនៈ និងកម្លាំងដែលសមស្របទាំងស្រុង នឹងកម្រិតអន្តរជាតិនៃម៉ាស៊ីនជំនាន់ទី៥ ។
យន្តហោះប្រដេញ T-50 បំពេញសេចក្តីត្រូវការសំខាន់របស់យន្តហោះប្រដេញទំនើបៗដូចជា វាជា «យន្តហោះមានបញ្ញា» មួយ ។ រ៉ាដាតែមួយរបស់វាប្រើប្រព័ន្ធអេឡិចត្រូនិកសកម្មផលិតដោយវិទ្យាស្ថាន TIKHOMIRON ដែលអាចចាប់ឃើញរាល់អ្វីដែលកើតមានក្នុងដែនអាកាស និងនៅលើដីក្នុងរង្វង់ច្រើនរយគីឡូម៉ែត្រ ។ វាអាចតាមដានគោលដៅជាច្រើនដោយបំបាំងកាយ ។ យោងតាមបណ្តាអ្នកផលិតថា វាអាចវាយប្រហារដំណាលគ្នាបណ្តាគោលដៅទាំងនេះ ដោយបាញ់បណ្តាមីស៊ីល ។ វាអាចវាយប្រហារទាំងគោលដៅលើអាកាស ទាំងគោលដៅលើដី ៕
ចែករំលែកព័តមាននេះ