យោងតាមប៉ូលិសលុចហ្សំបួរថាព្រឹកថ្ងៃទី១៤ កុម្ភៈ មានការបុកគ្នារវាងរថភ្លើងដឹកអ្នកដំណើរមួយខ្សែនិងរថភ្លើងដឹកទំនិញមួយបណ្តាលឱ្យមនុស្សម្នាក់ស្លាប់និងរបួស២នាក់ ។
បណ្តាសារព័ត៌មានលុចហ្សំបួរគូសបញ្ជាក់ថា គ្រោះថ្នាក់កើតមានក្នុងរង្វង់ម៉ោង៩ព្រឹកម៉ោងក្នុងស្រុកនៅចន្លោះទីក្រុង BETTEMBOURG (លុចហ្សំបួរ) និងក្រុង ZOUFFTGEN (បារាំង) ។
យោងតាមអាជ្ញាធរលុចហ្សំបួរថា អ្នកបើករថភ្លើងដឹកអ្នកដំណើរដែលស្លាប់បានបើកកាត់សញ្ញាឱ្យឈប់ ។ ស្ត្រីនិយោជិតម្នាក់របស់ក្រុមហ៊ុនផ្លូវដែកលុចហ្សំបួរជិះក្នុងរថភ្លើងដឹកអ្នកដំណើររងរបួសស្រាលហើយអ្នកបើករថភ្លើងដឹកទំនិញរងរបួសធ្ងន់ ៕
ចែករំលែកព័តមាននេះ