ចាប់ឈើមួយឡាននេះពិតជាលំបាកមែន
ខេត្តរតនគិរី ៖ យោងតាមបទបញ្ជារបស់លោកឧត្តមសេនីយ៍ត្រី គឹម រស្មី មេបញ្ជាការអាវុធហត្ថខេត្ត នៅវេលាម៉ោង៦ និង៣០នាទីយប់ ថ្ងៃទី១០ ខែកុម្ភៈ កន្លងទៅ …
ខេត្តរតនគិរី ៖ យោងតាមបទបញ្ជារបស់លោកឧត្តមសេនីយ៍ត្រី គឹម រស្មី មេបញ្ជាការអាវុធហត្ថខេត្ត នៅវេលាម៉ោង៦ និង៣០នាទីយប់ ថ្ងៃទី១០ ខែកុម្ភៈ កន្លងទៅ …
ខេត្តរតនគិរី ៖ យោងតាមបទបញ្ជារបស់លោកឧត្តមសេនីយ៍ត្រី គឹម រស្មី មេបញ្ជាការអាវុធហត្ថខេត្ត នៅវេលាម៉ោង៦ និង៣០នាទីយប់ ថ្ងៃទី១០ ខែកុម្ភៈ កន្លងទៅកម្លាំងអាវុធហត្ថខេត្ត១០នាក់ មធ្យោបាយរថយន្ត២គ្រឿងដឹកនាំដោយលោកអនុសេនីយ៍ឯក សោម សុផល នាយការិយាល័យព័ត៌មាន និងសន្តិសុខ បានជួបរថយន្ត១គ្រឿងម៉ាកហ៊ីហ្វាច្នៃ ផ្ទុកឈើចំនួន៨ដុំនៅចំណុចភូមិសំ ឃុំយ៉ាទុង ស្រុកអូរយ៉ាដាវ ដោយម្ចាស់រត់គេចខ្លួនបាត់ ។
លោកអនុសេនីយ៍ឯក សោម សុផល ប្រាប់ថា បន្ទាប់ពីកម្លាំងអាវុធហត្ថគ្រប់គ្រងស្ថានការបង្ក្រាបបានហើយ នៅវេលាម៉ោង១ និង៤៥នាទីរសៀល ថ្ងៃទី១១ ខែកុម្ភៈ ដោយមានបទបញ្ជាពីលោកឧត្តមសេនីយ៍ត្រី គឹម រស្មី ឲ្យសហការជាមួយជំនាញរដ្ឋបាលព្រៃឈើស្រុកអូរយ៉ាដាវដឹកជញ្ជូនទៅស្នាក់ការ ។ ប៉ុន្តែការនាំយកវត្ថុតាងមកដល់ពាក់កណ្តាលផ្លូវ ត្រង់ចំណុចចន្លោះភូមិសំ និងភូមិតេន រថយន្តដឹកបទល្មើសឈើនោះដាច់កង់ក្រោយ ហើយកម្លាំងបានឈប់ដើម្បីធ្វើការជួសជុលរហូតដល់ម៉ោង៦ និង៣០នាទីល្ងាច ស្រាប់តែមានប្រជាពលរដ្ឋជាង៨០នាក់បានស្ទាក់កម្លាំងអាវុធហត្ថមិនឲ្យធ្វើការជួសជុលរថយន្ត និងយកសម្ភារៈគប់ចោល ដោយខ្លាចប្រឈមជាមួយប្រជាពលរដ្ឋ ក៏បានសុំយោបល់លោកមេបញ្ជាការដកកម្លាំងថយពីកន្លែងកើតហេតុ ដើម្បីរកដំណោះស្រាយ និងសុំយោបល់ថ្នាក់លើ ។ លុះដល់ម៉ោង៧ និង៣០នាទីយប់ថ្ងៃដដែល(ថ្ងៃទី១១កុម្ភៈ) លោកឧត្តមសេនីយ៍ត្រី គឹម រស្មី មេបញ្ជាការអាវុធហត្ថខេត្តបានបញ្ជូនកម្លាំងបន្ថែមចំនួន៣៥នាក់ ក្នុងនោះមានកម្លាំងនគរបាល១០នាក់ រថយន្ត CMC១គ្រឿង, រថយន្តតូច៥គ្រឿង ដឹកនាំដោយលោកឧត្តមសេនីយ៍ត្រី ថាវ យ៉េន មេបញ្ជាការរង និងជានាយសេនាធិការអាវុធហត្ថខេត្ត បានចុះដល់កន្លែងកើតហេតុ តែត្រូវជនល្មើសទម្លាក់ឈើចោល និងបើករថយន្តដាច់កង់យកទៅលាក់ និងធ្វើការគេចខ្លួនបាត់អស់ ។
លោកអនុសេនីយ៍ឯក សោម សុផល បញ្ជាក់ថា បន្ទាប់មកកម្លាំងបានធ្វើការរុករកទើបប្រទះឃើញរថយន្តក្នុងរណ្តៅដែលមានចម្ងាយប្រមាណ៦គីឡូម៉ែត្រពីកន្លែងកើតហេតុ ។ លុះដល់ថ្ងៃទី១២ ខែកុម្ភៈ ឆ្នាំ២០១៧ កម្លាំងដែលចុះប្រតិបត្តិការបានធ្វើការសណ្តោងរថយន្តដឹកបទល្មើសឈើដាច់កង់នោះមករក្សាទុកនៅទីបញ្ជាការអាវុធហត្ថខេត្តរតនគិរី រីឯឈើមិនទាន់ដឹកជញ្ជូនមកទេ ដោយខ្វះមធ្យោបាយ ៕
ចែករំលែកព័តមាននេះ