រាជធានីភ្នំពេញ ៖ អ្នកស្រុកតំបន់ភ្នំប្រសិទ្ធិ៍ក្មេងចាស់ប្រុសស្រីបានសប្បាយរីករាយទស្សនា តារា ល្បីៗរបស់ផលិតកម្មថោនសម្តែងខារ៉ាអូខេបទថ្មីសម្រាប់រដូវចូលឆ្នាំថ្មីប្រពៃណីជាតិ ។ ផលិតកម្មថោននាំតារាប្រុសស្រីរាប់រយនាក់ថតខារ៉ាអូខេអបអរបុណ្យចូលឆ្នាំថ្មី កាលពីរសៀលថ្ងៃទី១៣ កុម្ភៈ ឆ្នាំ២០១៧ ។
ផលិតកម្មថោនរៀបចំថតនៅជើងភ្នំប្រសិទ្ធិ៍។ លោកករុណា ពេជ្រដែលវិវឌ្ឍខ្លួនពីតារាចម្រៀង ទៅជាអ្នកគ្រប់គ្រងទូទៅប្រចាំផលិតកម្មថោន ឲ្យដឹងថា«ផលិតកម្មថោនឆ្នាំនេះសម្រិតសម្រាំងខ្លាំងមែនទែន ចំពោះការថតបទចម្រៀងសម្រាប់ឱកាសបុណ្យចូលឆ្នាំខ្មែរ ព្រោះមានបទចម្រៀងច្រើនណាស់សម្រាប់ចង្វាក់ប្រពៃណីខ្មែរយើងរាំកម្សាន្ត ធានាថាពេញចិត្តបំផុតក្រោយការបញ្ចេញសំឡេងពីតារាចម្រៀងខ្មែរសុរិន្ទ កញ្ញាសាយចៃ, លោកខុន ខយ និងតារា ផ្សេងៗទៀតមានមាស សុខសោភា, ឈិត សុវណ្ណបញ្ញា ព្រមជាមួយតារាថោន ល្បីៗជាច្រើនទៀតដែលយើងបានចែកបទឲ្យច្រៀងតាមលំដាប់លំដោយមិនឲ្យខ្វះខាតឡើយ ។ មានប្លង់ជាច្រើនយើងចែកគ្នាថត មានទាំងប្លង់សម្តែងលើឆាក់តន្ត្រី ប្លង់សម្តែងតាមភូមិទេសភាពស្រុកស្រែជាដើម។ ផលិតកម្មថោនតែងតែរិះរកគំនិត ថ្មីៗជាច្រើនសម្រាប់បំពេញតម្រូវការទីផ្សារចម្រៀងចែកជូនបងប្អូនអ្នកស្តាប់ដូច្នេះហើយរំពឹងថាបងប្អូននឹងជួយគាំទ្រចម្រៀងរបស់ថោនជាបន្តទៀត» ។
សម្រាប់កម្មវិធីថតខារ៉ាអូខេនេះមានការចូលរួមពីតារាចម្រៀងថោន និងតារាសម្តែងថ្មីចាស់រាប់រយនាក់ ។ តារាដែលមានវត្តមាននាឱកាសនោះមានដូចជា អ្នកនាងយក់ ឋិតរដ្ឋា, អ្នកនាងមាស សុខសោភា, លោក ម៉ៅ ហាជី, រ៉ាប៊ី, សុគន្ធ ថេរ៉ាយុ, លោករ៉ូលីន, នាងកាតុ, កញ្ញាលី អីុវ៉ាធីណា, កញ្ញាឈិត សុវណ្ណបញ្ញា, លោកប៊ឺរី, សាយ សៀរ៉ា, កញ្ញាទឹម រដ្ឋា, អ្នកនាងសារ៉ាយ សក្ខណា, បេប៊ី, ញឹម ចាន់ថន, ប៉ុបពី, តូច ស្រីពេជ្រ, អ៊ុន សុធា, អាលីហ្សា, ឌួង ហ្សូរីម៉ា, អុឹង និមល, ទេព កញ្ញា, អឹុម ជីវ៉ា, គន់ រៀមរតនៈ, លី ណូរ៉ា, លោកឆាលី, អម្រុងរ័ត្ន ជេស៊ីកា, ឯក សុវណ្ណារ័ត្ន, នរៈវិទ្យា, កញ្ញាមុនី រក្សា, ប៉ែន សារ៉ាវ, រំដួលលិចទឹក, ដួង ម៉ានិច្ច, ថាច ផល្លា, ឌីជេអាឡូស្កា, កញ្ញាលីលី, ទឹម វត្តី, ព្រះកាយច័ន្ទ និងសុធា ពិសិដ្ឋជាដើម ៕
ចែករំលែកព័តមាននេះ