ឃុំខ្លួននាងហ្គិចរឿងបើករថយន្តបង្កគ្រោះថ្នាក់
រាជធានីភ្នំពេញ ៖ តំណាងអយ្យការសាលាដំបូងរាជធានីកាលពីព្រឹកថ្ងៃទី១៤ កុម្ភ: ២០១៧ បានធ្វើការចោទប្រកាន់ស្ត្រីឈ្មោះ ហេង ហ្គិច ហៅកែវ រតនៈ អាយុ៣៦ឆ្នាំ
រាជធានីភ្នំពេញ ៖ តំណាងអយ្យការសាលាដំបូងរាជធានីកាលពីព្រឹកថ្ងៃទី១៤ កុម្ភ: ២០១៧ បានធ្វើការចោទប្រកាន់ស្ត្រីឈ្មោះ ហេង ហ្គិច ហៅកែវ រតនៈ អាយុ៣៦ឆ្នាំ
រាជធានីភ្នំពេញ ៖ តំណាងអយ្យការសាលាដំបូងរាជធានីកាលពីព្រឹកថ្ងៃទី១៤ កុម្ភ: ២០១៧ បានធ្វើការចោទប្រកាន់ស្ត្រីឈ្មោះ ហេង ហ្គិច ហៅកែវ រតនៈ អាយុ៣៦ឆ្នាំ ជាផ្លូវការពីបទការបើកបរធ្វេសប្រហែល ខ្វះការប្រុងប្រយ័ត្ន បង្កគ្រោះថ្នាក់ចរាចរណ៍បណ្តាលឱ្យរងរបួសធ្ងន់ធ្ងរដល់អ្នកដ៏ទៃ តាមមាត្រា៨៣ ច្បាប់ស្តីពីចរាចរណ៍ផ្លូវគោក ។
ក្រោយពីតំណាងអយ្យការធ្វើការចោទប្រកាន់ជាផ្លូវការហើយ សំណុំរេឿងនេះត្រូវបានចាត់បញ្ជូនទៅចៅក្រមស៊ើបសួរគឺលោក កោ វណ្ឌី អនុប្រធានសាលាដំបូង ដើម្បីសម្រេចឃុំខ្លួន ឬមិនឃុំខ្លួនជាឆន្ទានុសិទ្ធិរបស់លោកចៅក្រម ។ រសៀលថ្ងៃដដែលនេះ លោក កោ វណ្ឌី ចៅក្រមស៊ើបសួរបានសម្រេចឃុំខ្លួននាង ហ្គិច ដាក់ពន្ធនាគារព្រៃសជាបណ្តោះអាសន្ន ។
កាលពីរសៀលថ្ងៃទី១៣ ខែកុម្ភៈ ឆ្នាំ២០១៧ លោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញ បានសម្រេចឃាត់ខ្លួននាងហ្គិច ដោយបញ្ជូនទៅកងរាជអាវុធហត្ថរាជធានីភ្នំពេញដើម្បីចាត់ការបន្ត ។
គួររំលឹកថា មានហេតុការណ៍គ្រោះថ្នាក់ចរាចរណ៍មួយធ្វើឱ្យប្អូនប្រុសបង្កើតរបស់លោក ដាំ សិទ្ធ តំណាងរាស្ត្រគណបក្សសង្គ្រោះជាតិរបួសធ្ងន់ ហើយជនដែលបើករថយន្តបុកបានរត់គេចខ្លួន កាលពីយប់ថ្ងៃទី៩ ខែធ្នូ ឆ្នាំ២០១៦ ។
មុនកើតហេតុ យុវជនរងគ្រោះឈ្មោះ មាស សុវុទ្ធី អាយុ២៧ឆ្នាំ បានឈប់អង្គុយលើម៉ូតូម៉ាក ZOOMER-X ពណ៌ខ្មៅ ពាក់ផ្លាកលេខ ភ្នំពេញ1FJ-5711 លើចិញ្ចើមផ្លូវលេខ៦០៨ ត្រង់ចំណុចមុខហាងសមុទ្រកំពត ក្នុងសង្កាត់បឹងកក់ ខណ្ឌទួលគោក ស្រាប់តែមានរថយន្តមួយគ្រឿងម៉ាក LEXUS-570 ពណ៌ខ្មៅ ពាក់ផ្លាកលេខភ្នំពេញAK-7999 បើកបរពីលិចទៅកើតដោយបើកបញ្ច្រាសទិសទៅបុកតែម្តង បណ្ដាលឱ្យរងរបួសធ្ងន់ ។
ក្រោយហេតុការណ៍នេះ ជនបង្កបានរត់គេចខ្លួន ។ ប្រភពព័ត៌មានពីនគរបាលចរាចរណ៍រាជធានីភ្នំពេញ បានឱ្យដឹងថានៅដំណាក់កាលសមត្ថកិច្ច ជនបង្កនិងក្រុមគ្រួសារជនរងគ្រោះ បានជួបចរចាគ្នា ដោយក្រុមជនរងគ្រោះទាមទារសំណងជំងឺចិត្តចំនួន១១ម៉ឺនដុល្លារអាមេរិក ។ ប៉ុន្តែភាគីជនបង្កមានលទ្ធភាពត្រឹម៥០០០ដុល្លារអាមេរិកប៉ុណ្ណោះ ។ ដោយសារការចរចាពីរលើកមិនត្រូវរ៉ូវគ្នា សំណុំរឿងនេះត្រូវបានបញ្ជូនមកអយ្យការអមសាលាដំបូងរាជធានីភ្នំពេញ ដើម្បីបន្តនីតិវិធី ។
ពាក់ព័ន្ធករណីនេះ ក្រុមអ្នកច្បាប់អះអាងថា ជនបង្កអាចប្រឈមនឹងការចោទប្រកាន់ចំនួន២បទល្មើស គឺបទព្រហ្មទណ្ឌក្នុងការបើករថយន្តទៅបុកជនរងគ្រោះដែលអង្គុយលើម៉ូតូនៅលើចិញ្ចើមផ្លូវ និងបទប៉ុនប៉ងធ្វើមនុស្សឃាតកព្រោះ ពេលថយរថយន្តប៉ុនប៉ងកិនមិត្តភក្តិជនរងគ្រោះ ដែលតាមថតផ្លាកលេខរថយន្តក្រោយពេលកើតហេតុ ។
លោក ដាំ សិទ្ធ ស្នើដល់តុលាការចាត់វិធានការទៅលើជនបង្កឈ្មោះ ហេង ហ្គិច ហៅកែវ រតនៈ តាមច្បាប់ ព្រោះជននេះក៏ធ្លាប់មានជាប់ពាក់ព័ន្ធនឹងបទល្មើសនានាពេលកន្លងមកផងដែរ ។
សម្រាប់នាងហ្គិច ដែលកន្លងមកគេតែងហៅថាលោកជំទាវ កែវ រតនៈ នោះគឺជាស្ត្រីជើងខ្លាំងម្នាក់ ដែលខ្លះហៅថាស្ត្រីទំនើងដោយសារសកម្មភាពបាញ់បោះកាលពីប៉ុន្មានឆ្នាំមុននេះ ក៏ត្រូវបានចាប់ខ្លួននិងឃុំខ្លួននៅពន្ធនាគារព្រៃស ។ រឿងរ៉ាវពេលនោះល្បីខ្លាំងណាស់នៅក្នុងរាជធានីភ្នំពេញ ៕
ចែករំលែកព័តមាននេះ