ទារកអវយវៈភេទ2 ជើង4 វះកាត់នៅឥណ្ឌា
CNN កាលពីពេល ថ្មីៗកន្លងមកផ្សាយថា ទារកជនជាតិឥណ្ឌាម្នាក់កើតមកមានអវយវៈភេទ២ និងជើង៤ កាលពីចុងខែមករា ឆ្នាំ២០១៧ ។ ទោះជាយ៉ាងណាក្ដី ទារកចម្លែកនោះវះកាត់ដោយជោគជ័យ ។ នេះបើ
CNN កាលពីពេល ថ្មីៗកន្លងមកផ្សាយថា ទារកជនជាតិឥណ្ឌាម្នាក់កើតមកមានអវយវៈភេទ២ និងជើង៤ កាលពីចុងខែមករា ឆ្នាំ២០១៧ ។ ទោះជាយ៉ាងណាក្ដី ទារកចម្លែកនោះវះកាត់ដោយជោគជ័យ ។ នេះបើតាមការបញ្ជាក់ពីមន្ទីរពេទ្យកាលពីថ្ងៃទី៩ កុម្ភៈ ។
ទារកនោះកើតមកមានលក្ខណៈពិការមួយហៅថា «ប៉ូលីម៉េលីយ៉ា» (Polymelia) ជាស្ថានភាពពិការតាំងពីកំណើតមិនកើតមានជាញឹកញាប់ទេ ដោយមានដៃជើង ឬអវយវៈផ្សេងលើសចំនួនធម្មជាតិ ។
ក្រុមវេជ្ជបណ្ឌិតក្នុងមន្ទីរពេទ្យ«Narayana Health City» បាននិយាយពីផលលំបាកាលពីថ្ងៃទី៩ កុម្ភៈ ថា «នេះជាបញ្ហាកម្រកើតឡើង និងមិនកំណាត់លើអ្នកមាន ឬអ្នក្រីក្រទេ» ។
ក្មេងប្រុសដែលមានជើងច្រើននោះ ជាជំងឺពូជ មូលហេតុដោយសារភាពខុសប្រក្រតីផ្នែកក្រូម៉ូស្យូម ។ ស្ថានភាពបែបនេះ អាចកើតឡើងបាននៅពេលទារកភ្លោះក្នុងផ្ទៃ ប៉ុន្ដែកូនភ្លោះមួយឈប់លូតលាស់ ដូច្នេះផ្នែកខ្លះនៃរាងកាយបានចូលទៅភ្ជាប់ជាមួយទារកមួយទៀត ។
លោកវេជ្ជបណ្ឌិតថ្លែងថា «ការវះកាត់បានដំណើរការកាលពីសប្ដាហ៍កន្លងមក និងប្រើគ្រូពេទ្យជំនាញជាង២០នាក់» ។
បច្ចុប្បន្នប៉ាន់ប្រមាណថា ក្មេងប្រុសរូបនោះអាចត្រឡប់ទៅផ្ទះបានក្នុងរយៈពេលប៉ុន្មានថ្ងៃខាងមុខ ៕
ចែករំលែកព័តមាននេះ