អគ្គីភ័យលេបត្របាក់ផ្ទះមួយខ្នង អស់គ្មានសល់ក្លាយជាផេះ (មានវីដេអូ)
ខេត្តមណ្ឌលគិរី ៖ ផ្ទះឈើប្រក់ស័ង្កសីមួយខ្នង និងសម្ភារប្រើប្រាក់ ព្រមទាំងរបស់មានតម្លៃទាំងអស់ត្រូវបានអគ្គីភ័យលេបត្របាក់អស់គ្មានសល់
ខេត្តមណ្ឌលគិរី ៖ ផ្ទះឈើប្រក់ស័ង្កសីមួយខ្នង និងសម្ភារប្រើប្រាក់ ព្រមទាំងរបស់មានតម្លៃទាំងអស់ត្រូវបានអគ្គីភ័យលេបត្របាក់អស់គ្មានសល់ ក្លាយជាផេះក្នុងពេលមួយពព្រិចភ្នែក ។ ដោយហេតុការណ៍នេះកើតឡើងនៅម៉ោងប្រមាណជា១១និង៩នាទីយប់ ថ្ងៃទី១៤ កុម្ភៈ នៅចំណុចផ្លូវចូលសាលាស្រុកចាស់ ស្ថិតក្នុងភូមិអូររណា ឃុំស្រែខ្ទុម ស្រុកកែវសីមា ។
លោក ស៊ុន ប៊ុនធឿន អធិការនគរបាលស្រុកកែវសីមាបានឱ្យដឹងថា នគរបាលបានជួយសង្គ្រោះដោយប្រើរថយន្តពន្លត់អគ្គីភ័យបាញ់ទឹកអស់ចំនួន២គ្រឿង ទើបអាចពន្លត់អគ្គីភ័យដែលកំពុងតែឆេះយ៉ាងខ្លាំងលាយឡំជាមួយខ្យល់ដែលកំពុងតែបោកបក់ ។
យោងតាមរបាយការណ៍នគរបាលបញ្ជាក់ថា ផ្ទះខាងលើមានម្ចាស់ឈ្មោះ ចន រ៉ា ភេទស្រី អាយុ២៩ឆ្នាំ ជនជាតិខ្មែរ ជាកសិករ ។ ទ្រព្យសម្បត្តិខូចខាតសរុបទាំងតម្លៃផ្ទះប្រហែល១៣.០០០ដុល្លារ ដោយសម្ភារទាំងនោះរួមមាន ទូរទស្សន៍១គ្រឿង ទូសំអាង១ គ្រែដេក១ ប្រាក់រៀលចំនួន៦៨ម៉ឺន សម្ភារប្រើប្រាស់មួយចំនួនទៀតដែលភាគច្រើនធ្វើឡើងពីឈើប្រណិត ។ បើទោះជាយ៉ាងណាសមត្ថកិច្ចនៅមិនទាន់បញ្ជាក់ពីមូលហេតុបណ្តាលឲ្យមានករណីអគ្គិភ័យឆេះផ្ទះនេះនៅឡើយទេ ខណៈសមត្ថកិច្ចកំពុងបន្តស្រាវជ្រាវ ៕
ចែករំលែកព័តមាននេះ