អតិថិជនតវ៉ាប្រឆាំងក្រុមហ៊ុនលក់សំបុត្រយន្តហោះឆបោក
រាជធានីភ្នំពេញ ៖ កម្លាំងសមត្ថកិច្ចនៃកងរាជអាវុធហត្ថរាជធានី សហការជាមួយកម្លាំងអាវុធហត្ថខណ្ឌ៧មករា កាលពីម៉ោង៨និង៣០នាទីយប់ ថ្ងៃទី១៣ កុម្ភៈ
រាជធានីភ្នំពេញ ៖ កម្លាំងសមត្ថកិច្ចនៃកងរាជអាវុធហត្ថរាជធានី សហការជាមួយកម្លាំងអាវុធហត្ថខណ្ឌ៧មករា កាលពីម៉ោង៨និង៣០នាទីយប់ ថ្ងៃទី១៣ កុម្ភៈ
រាជធានីភ្នំពេញ ៖ កម្លាំងសមត្ថកិច្ចនៃកងរាជអាវុធហត្ថរាជធានី សហការជាមួយកម្លាំងអាវុធហត្ថខណ្ឌ៧មករា កាលពីម៉ោង៨និង៣០នាទីយប់ ថ្ងៃទី១៣ កុម្ភៈ បានធ្វើការឃាត់ខ្លួននាយិកាក្រុមហ៊ុន ស្រីរ័ត្ន ទេសចរណ៍អន្តរជាតិ នៅចំណុចផ្ទះលេខ១៧E0 ផ្លូវលេខ១២៨ សង្កាត់មិត្តភាព ខណ្ឌ៧មករា ដែលបានធ្វើឡើងតាមពាក្យបណ្តឹងរបស់អតិថិជនប្រមាណ៤០នាក់ ដែលបានទៅតវ៉ានៅមុខក្រុមហ៊ុន ដោយចោទប្រកាន់ថា ក្រុមហ៊ុនបោកប្រាស់លក់សំបុត្រយន្តហោះតែអត់មានកៅអីអង្គុយ ។
នាយិកាឈ្មោះ រស់ សុធីរ័ត្ន អាយុ៣៥ឆ្នាំ ស្នាក់នៅអាស័យដ្ឋានដែលជាកន្លែងឃាត់ខ្លួនខាងលើនេះតែម្តង ។ ដើមចម នៃការឃាត់ខ្លួននាយិកាក្រុមហ៊ុននេះ ត្រូវបានមន្ត្រីកងរាជអាវុធហត្ថឲ្យដឹងថា កន្លងទៅមានអតិថិជនច្រើននាក់ បានយកប្រាក់ទៅកក់ក្រុមហ៊ុនទេសចរណ៍អន្តរជាតិនេះ ដើម្បីទិញសំបុត្រយន្តហោះ ធ្វើដំណើរទៅក្រៅប្រទេស ហើយខាងក្រុមហ៊ុនបានសន្យាជាមួយអតិថិជនថា នឹងប្រគល់សំបុត្រយន្តហោះឲ្យទៅអតិថិជនតាមថ្ងៃកំណត់ ។
លុះដល់ថ្ងៃកំណត់ត្រូវធ្វើដំណើរទៅទេសចរណ៍នៅក្រៅប្រទេស ស្រាប់តែក្រុមហ៊ុនមិនបានប្រគល់សំបុត្រយន្តហោះឲ្យអតិថិជនទៅវិញ ។ មន្ត្រីកងរាជអាវុធហត្ថបន្តថា មានអតិថិជនខ្លះត្រូវក្រុមហ៊ុនប្រគល់សំបុត្រយន្តហោះឲ្យដល់ដៃហើយ ប៉ុន្តែនៅពេលដល់ម៉ោងត្រូវឡើងយន្តហោះ ស្រាប់តែទៅដល់ព្រលានត្រូវបានមន្ត្រីអាកាសយានដ្ឋានបញ្ជាក់ថា សំបុត្រនោះមិនមានកន្លែងអង្គុយទេ ពោលគឺ មានគេទិញបាត់ហើយ ។ ដូច្នោះអតិថិជនបង្ខំចិត្តត្រូវទិញសំបុត្រថ្មីនៅព្រលានយន្តហោះក្នុងតម្លៃខ្ពស់ ធ្វើយ៉ាងណាឲ្យខាងតែបានឡើងយន្តហោះ ព្រោះដល់ថ្ងៃត្រូវចេញដំណើរ ។
ដោយសារតែមានបាតុភាពកើតឡើងញឹកញាប់យ៉ាងដូច្នេះ អតិថិជនបានទៅទាមទារយកប្រាក់កក់ពីក្រុមហ៊ុននោះវិញ ម្តងហើយម្តងទៀត ដោយសារតែនាយិកាក្រុមហ៊ុនសំដីផ្អែមត្រជាក់ តែគេចវេសមិនព្រមសងប្រាក់កក់ឲ្យទៅអតិថិជនវិញទេ បានជានៅថ្ងៃទី១៣ កុម្ភៈ អតិថិជនប្រមាណ៤០នាក់ បាននាំគ្នាប្រមូលផ្តុំទៅតវ៉ានៅមុខទីស្នាក់ការក្រុមហ៊ុន ដោយភ្ជាក់នូវពាក្យបណ្តឹងរឿងៗខ្លួនទៅជាមួយផង ។
មន្ត្រីដដែលនិយាយថា ដោយសារបណ្តឹងនេះហើយ ជាហេតុធ្វើឲ្យសមត្ថកិច្ចកងរាជអាវុធហត្ថសម្រេចឃាត់ខ្លួនស្រី្តជានាយិកាក្រុមហ៊ុនឈ្មោះ រស់ សុធីរ័ត្ន ទៅកាន់ទីបញ្ជាការកងរាជអាវុធហត្ថរាជធានីភ្នំពេញ ដើម្បីធ្វើការសាកសួរ និងដោះស្រាយលើពាក្យបណ្តឹងរបស់ជនរងគ្រោះដែលជាអតិថិជន ត្រូវក្រុមហ៊ុន ស្រីរ័ត្ន ទេសចរណ៍អន្តរជាតិរំលោភលើទំនុកចិត្ត ៕
ចែករំលែកព័តមាននេះ