ស្ថានភាពមួយនៅក្នុងអំឡុងពេលសម្រាលកូនត្រូវគេស្គាល់ថា ជាការស្លា.ប់ម្តាយ ។ ការស្លា.ប់ម្តាយអាចជាឧប្បត្តិហេតុរន្ធត់យ៉ាងខ្លាំងសម្រាប់ក្រុមគ្រួសារ ។ ក្នុងករណីមួយចំនួននៃការស្លា.ប់ម្តាយនៅពេលសម្រាល បើ
ស្ថានភាពមួយនៅក្នុងអំឡុងពេលសម្រាលកូនត្រូវគេស្គាល់ថា ជាការស្លាប់ម្តាយ ។ ការស្លាប់ម្តាយអាចជាឧប្បត្តិហេតុរន្ធត់យ៉ាងខ្លាំងសម្រាប់ក្រុមគ្រួសារ ។ ក្នុងករណីមួយចំនួននៃការស្លាប់ម្តាយនៅពេលសម្រាល បើម្តាយនោះមានបញ្ហាសុខភាពច្រើន ទារកក៏មានឱកាសស្លាប់ផងដែរ ។ ការសម្រាលកូន ក៏ដូចមធ្យោបាយវេជ្ជសាស្ត្រផ្សេងទៀតដែរ វាអាចមានផលវិបាកមួយចំនួនដល់រាងកាយយើង ដូច្នេះយើងត្រូវប្រុងប្រយ័ត្នជានិច្ច ។ ដូច្នេះសូមមើលមូលហេតុទូទៅទាំងបីចំពោះការស្លាប់ម្តាយតាមរយៈអត្ថបទខាងក្រោមនេះ។
១-លើសឈាម
មូលហេតុទូទៅនៃការស្លាប់ម្តាយនៅពេលសម្រាលកូន គឺម្តាយមានជំងឺលើសឈាម ឬសម្ពាធឈាមខ្ពស់ ។ បើសិនជាម្តាយមានជំងឺនេះរួចទៅហើយមុនពេលសម្រាលកូន វានឹងអាចកើនឡើងកាន់តែខ្លាំងក្នុងអំឡុងពេលសម្រាលកូន ជំរុញឱ្យមានការបាត់បង់ឈាមកាន់តែធ្ងន់ ឬមានបញ្ហាគាំងបេះដូង ដោយសារតែការកន្ត្រាក់របស់ស្បូន ដូច្នេះអាចបណ្តាលឱ្យម្តាយស្លាប់បាន ។ ដូច្នេះម្តាយដែលមានជំងឺលើសឈាមគួរតែប្រុងប្រយ័ត្នខ្ពស់មុនពេលសម្រាលកូន ។
២-ការហូរឈាមពេលបង្កើតកូន
ការហូរឈាមពេលបង្កើតកូន គឺជាការសង្គ្រោះបន្ទាន់ផ្នែកវេជ្ជសាស្ត្រដែលអាចបង្កឱ្យម្តាយស្លាប់បានក្នុងអំឡុងពេលផ្តល់កំណើត ។ ក្នុងករណីនេះមានការហូរឈាមយ៉ាងច្រើននៅខាងក្នុងរាងកាយស្ត្រីក្រោយពេលឆ្លងទន្លេ ។ ដូច្នេះប្រសិនបើគ្រូពេទ្យមិនអាចបញ្ឈប់ការហូរឈាម ឬប្រសិនបើការព្យាបាលជាបន្ទាន់មិនធ្វើឲ្យទាន់ពេលវេលា ការហូរឈាមដ៏ច្រើននេះអាចនាំខូចសរីរាង្គ បណ្តាលឱ្យម្តាយអាចស្លាប់បាន ។
៣-រហែកស្បូន
មូលហេតុមួយផ្សេងទៀតនៃការស្លាប់ម្តាយពេលសម្រាលកូនគឺជាការរហែកស្បូន ។ ក្នុងអំឡុងពេលសម្រាលកូន ស្បូនរបស់ស្ត្រីទទួលរងការកន្ត្រាក់យ៉ាងខ្លាំងដើម្បីរុញទារកចេញមកក្រៅតាមរយៈការបើកទ្វារមាសនេះ ។ ក្នុងករណីមួយចំនួនការកន្ត្រាក់នេះខ្លាំងពេក ដូច្នេះអាចធ្វើឲ្យស្បូនរហែក ជំរុញឲ្យមានការហូរឈាមច្រើន ហើយចុងក្រោយនឹងធ្វើឲ្យម្តាយស្លាប់បាន ៕
ចែករំលែកព័តមាននេះ