រាជធានីភ្នំពេញ ៖ ស្ត្រីម្នាក់បានបង្កឲ្យមានការភ្ញាក់ផ្អើលយ៉ាងខ្លាំង តាមបណ្តាញសង្គមហ្វេសប៊ុក បន្ទាប់ពីនាងបានទម្លាយនូវអាថ៌កំបាំងពីតារាចម្រៀងនាងលាង សុផាឡែន បានដណ្តើមប្តីរបស់ខ្លួន ដែលបញ្ហានេះ បានបង្កឲ្យមានការភ្ញាក់ផ្អើលយ៉ាងខ្លាំង ជាពិសេសប្រិយមិត្តគាំទ្ររបស់តារាចម្រៀងរូបនេះ។
គណនេយ្យហ្វេសប៊ុកដែលមានឈ្មោះថា Mekarla Zeelo បានសសេរសារបង្ហោះជាមួយនឹងរូបភាពរបស់តារាចម្រៀងនាង លាង សុផាឡែន និងបុរស ដែលជាតារាចម្រៀងម្នាក់ផងដែរ និងបានអះអាងជាស្វាមីរបស់ខ្លួនថា ស្គាល់ស្រីអ្នកចំរៀងនេះដែរទេ? ស្រីអ្នកចំរៀង ដែលថោកទាប ទាក់ទងប្តីគេ បើទោះជាដឹងគេ មានប្រពន្ធកូនក៏ដោយចុះធ្លាប់តេ ទៅនិយាយគ្នាស្រួលៗ បែបភាសាមនុស្ស ហើយវាថាឈប់តែធាតុពិត វាមិនបានឈប់នោះទេ ថែមទាំង រំអុកប្តីគេ អោយយកវាទៅអនាគតទៀត។
ហួសពីការទ្រាំបានហើយដែលខ្ញុំត្រូវលាក់ការឈឺចាប់ហ្នឹង តែឯង ដែលមនុស្សដែលថោកទាបរស់បានសុខ ហើយគ្មានអ្នកណាដឹងពី មុខមាត់ពិតវា !។ គេមានប្រពន្ធកូន ហើយ នៅប្រើ មាយារ ភាពថោកទាប ក្នុងការឆក់ប្តីគេ ទៀត មិនអាណិត ដល់ប្រពន្ធកូនគេដែល មិនដឹងខ្យល់ទៀត ……..នៅបណ្តើគ្នាទៅណាចេញ មុខចេញមាត់ មិនខ្មាស ឆ្កែ ឆ្មាសោះ តែថាទៅបើវាចេះខ្មាស វាធ្វើ ចឹង ទៅមិនរួចទេ ។
ចង់ដឹងថាវា មាន ដែលគិតទេ បើរឿងហ្នឹងកើតលើគ្រួសារវា វិញ នឹងគិតយ៉ាងមេច !!!!!មើលតែមុខ មិនសមថោកថ្នាក់ហ្នឹងសោះ តែធាតុពិត ថោកហួសពីការស្មាន ។គ្មានសមត្ថភាព រកប្រុស បាន អោយតែឃើញប្តី អ្នកណាទាក់ភ្លាម និយាយទៅស្រលាញ់តែប្តីគេ ។ មកពីខ្ញុំ និង ក្រុមគ្រួសារ ជាមនុស្សជឿលើបុណ្យបាប បើប៉ះ ចំគេហ៊ាន ប្រហែលជាស្រីហ្នឹងមិនដឹងទៅជាស្អីទៅហើយទេ។
យ៉ាងណាក៏ដោយ បន្ទាប់ពីបែកធ្លាយនូវបញ្ហាខាងលើនេះតារាចម្រៀងនៅក្នុងផលិតកម្មភ្លេងរីខតនាង លាង សុផាឡែន បានអះអាងប្រាប់សារព័ត៌មានអេឡិចត្រូវនិចនៅក្នុងស្រុកមួយថា នាងទទួលស្គាល់ពីទំនាក់ទំនងជាមួយបុរសខាងលើដែលជាតារាចម្រៀងឈ្មោះ T.O មែន ប៉ុន្តែនាងមិនបានដឹងរឿងរ៉ាវរបស់ T.O មានប្រពន្ធពីមុនមកទេ។
នាងបញ្ជាក់ថា បើសិនជានាងដឹង នាងមិនទាក់ទងប្តីគេដាច់ខាត ប៉ុន្តែអ្វីដែលសំខាន់ពេលនេះកេរ្តិ៍ឈ្មោះនាងត្រូវបានគេផ្សព្វផ្សាយ ពាសពេញបណ្តាញសង្គមហ្វេសប៊ុក ដូចជាត្រូវដុតកេរ្តិ៍ឈ្មោះនាងទាំងស្រុងតែម្តង។តាម លាង សុផាឡែន បន្ទាប់ពីបែកធ្លាយរឿងនេះមក ពួកនាងទាំងពីរក៏បានផ្តាច់ទំនាក់ទំនងជាមួយគ្នាហើយ ខណះពេលដែលតារាចម្រៀងលោក T O ក៏បានអះអាងស្រដៀងគ្នានេះដូចគ្នា ៕
ចែករំលែកព័តមាននេះ