វត្តទើបកកើតថ្មី មានទំនាស់ដោះស្រាយមិនចេញ
ខេត្តព្រៃវែង ៖ ទីវត្តអារាមមួយកន្លែងដែលទើបនឹងកកើតថ្មី មិនទាន់មាន កុដិ សាលាឆាន់ វិហារ របង ចេតិយ និងព្រះចៅអធិការវត្តផងនោះ បែរជាមានទំនាស់រឿង …
ខេត្តព្រៃវែង ៖ ទីវត្តអារាមមួយកន្លែងដែលទើបនឹងកកើតថ្មី មិនទាន់មាន កុដិ សាលាឆាន់ វិហារ របង ចេតិយ និងព្រះចៅអធិការវត្តផងនោះ បែរជាមានទំនាស់រឿង …
ខេត្តព្រៃវែង ៖ ទីវត្តអារាមមួយកន្លែងដែលទើបនឹងកកើតថ្មី មិនទាន់មាន កុដិ សាលាឆាន់ វិហារ របង ចេតិយ និងព្រះចៅអធិការវត្តផងនោះ បែរជាមានទំនាស់រឿងលុយកាក់កើតឡើងដោះស្រាយមិនចេញទៅវិញ ។
វត្តដែលកំពុងកើតជម្លោះរឿងលុយកាក់ដោះស្រាយមិនចេញនោះមានឈ្មោះថា វត្តសច្ចវាទីអង្គ្រង ដែលស្ថិតនៅភូមិអង្គ្រង ឃុំអង្គរ.ស ស្រុកមេសាង ខេត្តព្រៃវែង ហើយជម្លោះនោះទៀតសោតគឺផ្តើមចេញពីការកសាងឧបដ្ឋានសាលារបស់វត្ត ដោយជាងម៉ៅការសំណង់បានកើតចិត្តក្តៅក្រហាយ ដោយសារតែមិនអាចបើកលុយថ្លៃសាងសង់បាន ខណៈព្រះសង្ឃនិងគណៈកម្មការអាចារ្យវត្តចោទថា អ្នកម៉ៅការ សាងសង់មិនគោរពកិច្ចសន្យា ។
លោក គង់ គារាសី អាយុ៣៥ឆ្នាំ មានទីលំនៅភូមិលេខ៥ សង្កាត់កំពង់លាវ ក្រុងព្រៃវែង បានលើកឡើងថា លោកមានការឈឺចាប់ពាក់ព័ន្ធនឹងទំនាស់មួយនេះ ហើយសូមឲ្យអាជ្ញាធរ រកយុត្តិធម៌ឲ្យខ្លួន ខណៈព្រះសង្ឃមានចេតនាបោកប្រាស់ខ្លួន និងកម្មករទាំង២៥នាក់ ។
លោកបញ្ជាក់ថា ដើមចមដំបូង ខ្លួនបានម៉ៅការសាងសង់ធ្វើគ្រឹះសាលាឆាន់ ដោយចាក់ធ្នឹម ចាក់សរសរឡើងលើ ហើយបានព្រមព្រៀងធ្វើកិច្ចសន្យាក្នុងតម្លៃ៣៣០០០ដុល្លារសហរដ្ឋអាមេរិក ទាំងប្រាក់ឈ្នួល និងពលកម្ម លុះធ្វើបានរយៈពេលជាងកន្លះខែ ដោយចំណាយទាំងសម្ភារៈ និងពលកម្ម ប្រមាណជាង១ម៉ឺនដុល្លារហើយនោះ ស្រាប់តែព្រះសង្ឃព្រះនាម យ៉ាន់ វណ្ណធឿន ដែលជាម្ចាស់លុយ បញ្ជាឲ្យបិទការដ្ឋានទាំងទទឹងទិស ក្រោមហេតុផលថា ពួកគាត់ធ្វើធ្វើខុសលក្ខណៈបច្ចេកទេស ។
លោកបន្តទៀតថា លោកទទួលស្គាល់ថា ក្រុមការងាររបស់លោកបានសាងសង់មានបញ្ហាបច្ចេកទេសបន្តិចបន្ទួចពិតមែន ហើយលោកនឹងកែតម្រូវតាមព្រះសង្ឃ និងគណៈកម្មការត្រូវការវិញ ។ ប៉ុន្តែទោះបីជាលោកព្យាយាមសម្របសម្រួល និងកែតម្រូវយ៉ាងណាក៏ព្រះសង្ឃ និងគណៈកម្មការវត្ត មិនព្រមដែរ ដោយពួកគាត់នៅតែទាមទារបញ្ឈប់ការដ្ឋាន និងមិនព្រមបើកថ្លៃចាយវាយ ដែលលោកបានចំណាយទៅលើសម្ភារៈ និងកម្លាំងពលកម្មរបស់ក្រុមកម្មករអស់ជាង១ម៉ឺនដុល្លារ ខណៈដែលព្រះសង្ឃ និងអាចារ្យវត្តទើបតែបើកឱ្យគាត់បានចំនួន៥០០ដុល្លារប៉ុណ្ណោះ ។
ដោយឡែក ព្រះតេជគុណ យ៉ាន់ វណ្ណធឿន ចៅអធិការវត្តសំរោងធំ ស្រុកកៀនស្វាយ ខេត្តកណ្ដាល និងជាម្ចាស់ជំនួយក្នុងការកសាងឧបដ្ឋានសាលាដែលមានទំនាស់ខាងលើ មានសង្ឃដីការថា ព្រះអង្គបានជួលជាងពេញថ្លៃ តែជាងបែរជាធ្វើការសាងសង់ខុសជាច្រើនដង ដែលធ្វើឱ្យព្រះអង្គមិនអាចទទួលយកបាន ហើយមុននេះព្រះអង្គក៏ធ្លាប់បានធ្វើកិច្ចសន្យាចំនួន២ដងហើយដែរ ដោយលើកចុងក្រោយសរសេរថា បើជាងធ្វើខុសស្តង់ដាលក្ខណៈបច្ចេកទេស និងបិទការដ្ឋានដោយគ្មានសំណងអ្វីទាំងអស់ ។
ឯលោក កែវ ពិសី អភិបាលស្រុកមេសាងបានឲ្យដឹងថា រឿងនេះលោកបានចុះទៅពិនិត្យដល់ការដ្ឋានសំណង់កាលពីរសៀលថ្ងៃទី១២ ខែកុម្ភៈ ឆ្នាំ២០១៧ និងបានអញ្ជើញទាំងព្រះសង្ឃ និងជាងឲ្យមកដោះស្រាយនៅសាលាស្រុកកាលពីព្រឹកទី១៣កុម្ភៈទៀត តែសម្រួលយ៉ាងណាក៏មិនត្រូវ ខណៈព្រះសង្ឃសំអាងលើកិច្ចសន្យា ថាមិនព្រមសងការខូចខាតអ្វីទាំងអស់ ។ ដូចនេះលោកក៏អស់លទ្ធភាពក្នុងការសម្របសម្រួលដែរ មានតែបញ្ជូនរឿងនេះទៅថ្នាក់ខេត្តបន្តទៀត ។
គូរបញ្ជាក់ផងដែរថា វត្តសច្ចវាទីអង្គ្រង នេះជាវត្តថ្មី មានការខ្វះខាតច្រើន ព្រោះនៅទីជនបទ មានព្រះសង្ឃគង់នៅ៤អង្គ និង១អង្គបានសុំនិមន្តចេញ ដោយសារមានទំនាស់រញ៉េរញ៉ៃបែបនេះ ៕
ចែករំលែកព័តមាននេះ