រាជធានីភ្នំពេញ ៖ សេចក្តីរាយការណ៍ឱ្យដឹងថា ករណីរំលោភលើទំនុកចិត្ត ស្ថិតនៅក្នុងក្រុមហ៊ុនលក់សំបុត្រយន្តហោះមួយកន្លែង កាលពីវេលាម៉ោង០៨ និង៣០នាទីយប់ថ្ងៃទី១៣ កុម្ភៈ ត្រង់ចំណុចផ្ទះលេខ17Eo ផ្លូវ128 ក្នុងសង្កាត់មិត្តភាព ខណ្ឌ៧មករា ខណៈគេឃើញជនរងគ្រោះប្រហែល៤០នាក់ បាននាំគ្នាមកស្រែកតវ៉ានៅមុខក្រុមហ៊ុន ។
ប្រភពឱ្យដឹងថា ស្ត្រីជាប់សង្ស័យឈ្មោះរស់ សុធីរត្ន័ អាយុ៣៥ឆ្នាំ ជានាយកក្រុមហ៊ុន «ស្រីរ័ត្នទេសចរណ៍អន្តរជាតិ» ដែលមានទីតាំងនៅកន្លែងកើតហេតុ ។
ប្រភពបន្តថា កាលពីពេលកន្លងមក ជនរងគ្រោះម្នាក់ៗបានយកប្រាក់ទៅកក់នៅក្រុមហ៊ុន ដើម្បីទិញសំបុត្រយន្តហោះទៅលេងនៅស្រុកក្រៅ ដោយខាងក្រុមហ៊ុនបានសន្យាជាមួយពួកគាត់ថា នឹងប្រគល់សំបុត្រយន្តហោះតាមថ្ងៃកំណត់ ប៉ុន្តែដល់ថ្ងៃ ស្រាប់តែក្រុមហ៊ុនពុំបានប្រគល់សំបុត្រយន្តហោះ ដល់ជនរងគ្រោះនាះទេ ។ លុះដល់ថ្ងៃទី១៣ កុម្ភៈ វេលាម៉ោងខាងលើ ត្រូវជនរងគ្រោះនាំគ្នាមកតវ៉ានៅមុខក្រុមហ៊ុន ដើម្បីឱ្យសមត្ថកិច្ចនាំខ្លួនស្ត្រីសង្ស័យទៅសាកសួរ ។
ចែករំលែកព័តមាននេះ