រាជធានីភ្នំពេញ ៖ បុរស៣នាក់ដួលរដូករណែលរងរបួសធ្ងន់ពេញលើផ្លូវ ខណៈជិះម៉ូតូប្រដេញគ្នាជ្រុលទៅបុកជាមួយរថយន្តកុងតឺន័រកំពុងបត់ឆ្វេង កើតឡើងកាលពីវេលាម៉ោង១០ និង៤០នាទីយប់ថ្ងៃទី១៣ កុម្ភៈ ស្ថិតតាមបណ្តោយផ្លូវ៣០ម៉ែត្រ កែងផ្លូវជាតិលេខ៣ ក្នុងភូមិព្រៃកីខ សង្កាត់ពងទឹក ខណ្ឌដង្កោ ។
រថយន្តកុងតឺន័រម៉ាក FRIIGHT LINER ពណ៌.ស ពាក់ស្លាកលេខភ្នំពេញ3C-3616 បើកបរទិសដៅពីជើងទៅត្បូង ហើយបានបត់ឆ្វេង ។ ចំណែកខាងជនរងគ្រោះទាំង៣នាក់ ជិះម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខ កំពង់ស្ពឺ1B-1736 បើកក្នុងទិសដៅពីជើងទៅត្បូង ស្របជាមួយម៉ូតូមួយគ្រឿងទៀតម៉ាកហុងដាឌ្រីម ពណ៌ខ្មៅ ពាក់ស្លាកភ្នំពេញ1Z-7371 ជិះគ្នា២នាក់។
ប្រភពបន្តថា មុនពេលកើតហេតុ គេឃើញយុវជន៣នាក់ ជិះម៉ូតូ២គ្រឿងបានបើកម៉ូតូប្រដេញគ្នាយ៉ាងលឿននៅតាមបណ្តោយផ្លូវជាតិលេខ៣ទិសដៅពីជើងទៅត្បូង លុះបើកមកដល់ចំណុចកើតហេតុ បានបើកជែករថយន្តកុងតឺន័រនៅចំណុចផ្លូវកែងកំពុងបត់ឆ្វេង ធ្វើឲ្យម៉ូតូរងគ្រោះមិនបានមើលរថយន្តស៊ីញ៉ូបត់ឆ្វេងចូលផ្លូវ៣០ម៉ែត្រ ធ្វើឲ្យម៉ូតូទាំង២គ្រឿងចាប់ហ្វ្រាំងមិនទាន់ជ្រុលទៅ
បុកកាងរថយន្ត បណ្តាលឱ្យបោកនឹងរថយន្តដួលរណូករណែលរងរបួសធ្ងន់ទាំង៣នាក់ ចំណែកអ្នកបើករថយន្តកុងតឺន័រគេចខ្លួនបាត់ ។
ចែករំលែកព័តមាននេះ