ក្រោយបានធ្វើការតាមដាន និងស្វែងរកមុខសញ្ញារួចមក កម្លាំងសមត្ថកិច្ចបានធ្វើប្រតិបត្តិការបង្ក្រាបករណីជួញដូរ រក្សាទុក ដឹកជញ្ជូន ចែកចាយ និងប្រើប្រាស់នូវសាធាតុញៀ.នដោយខុសច្បាប់០១ករណី និងចាប់ឃាត់ខ្លួនជនសង្ស័យបានចំនួន០៨នាក់ ក្នុងនោះ
ខេត្តមណ្ឌលគិរី ៖ មនុស្សប្រុសស្រីចំនួន៨នាក់ត្រូវបានឃាត់ខ្លួន ក្នុងប្រតិបត្តិការបង្ក្រាបគ្រឿងញៀ.នកាលពីនៅថ្ងៃទី០៨ ខែកញ្ញា ឆ្នាំ២០២២ វេលាម៉ោង១៩និង០០នាទីយប់ ស្ថិតនៅចំណុចភូមិរង្សី ក្នុងឃុំស្រែសង្គម ស្រុកកោះញែក ខេត្តមណ្ឌលគិរី ។
សេចក្តីរាយការណ៍បានឲ្យដឹងថា ក្រោយបានធ្វើការតាមដាន និងស្វែងរកមុខសញ្ញារួចមក កម្លាំងសមត្ថកិច្ចបានធ្វើប្រតិបត្តិការបង្ក្រាបករណីជួញដូរ រក្សាទុក ដឹកជញ្ជូន ចែកចាយ និងប្រើប្រាស់នូវសាធាតុញៀ.នដោយខុសច្បាប់០១ករណី និងចាប់ឃាត់ខ្លួនជនសង្ស័យបានចំនួន០៨នាក់ ក្នុងនោះស្ត្រី០២នាក់។
ជនសង្ស័យខាងលើនេះ រួមមាន ៖ ទី១- ឈ្មោះ ហួត ផាន់នី ភេទស្រី អាយុ៣៥ឆ្នាំ ជនជាតិខ្មែរ រស់នៅភូមិរង្សី ឃុំស្រែសង្គម ស្រុកកោះញែក (ជួញដូរ)។ ទី២- ឈ្មោះ សូរ វ៉ាន់នី ភេទប្រុស អាយុ២៤ឆ្នាំ ជនជាតិឡាវ រស់ភូមិកោះម្យើល ឃុំណងឃីលិក ស្រុកកោះញែក ខេត្តមណ្ឌលគិរី ។ ទី៣- ឈ្មោះ ឃឿន ហ្វឿន ភេទប្រុស អាយុ២០ឆ្នាំ ជនជាតិឡាវ រស់នៅភូមិកោះម្យើលក្រោម ឃុំណងឃីលិក ស្រុកកោះញែក។ ទី៤- ឈ្មោះ សន មករា ភេទប្រុស អាយុ១៧ឆ្នាំ ជនជាតិឡាវ រស់នៅភូមិកោះម្យើល ឃុំណងឃីលិក ។ ទី៥- ឈ្មោះ ស្រឿន តុលា ភេទប្រុស អាយុ២៣ ឆ្នាំជនជាតិខ្មែរ មុខរបរមិនពិតប្រាកដ រស់នៅភូមិរង្សី ឃុំស្រែសង្គម ស្រុកកោះញែក ។
ទី៦- ហ៊ុន វណ្ណរ៉ា ភេទប្រុស អាយុ៣០ឆ្នាំ ជនជាតិខ្មែរ មុខរបរជាងឡានរស់នៅភូមិស្រែហ៊ុយ ឃុំស្រែហ៊ុយ ស្រុកកោះញែក ។ ទី៧- ឈ្មោះ ឈួន សុភ ភេទស្រី អាយុ៣២ឆ្នាំ ជនជាតិខ្មែរ មុខរបរកសិករ រស់នៅភូមិណងប៊ូ ឃុំណងឃីលិក ស្រុកកោះញែក។ ទី៨- ឈ្មោះ ប៊ុន ដី ភេទប្រុស អាយុ២០ឆ្នាំ ជនជាតិឡាវ មុខរបរកសិករ រស់នៅភូមិណងប៊ូ ឃុំណងឃីលិក ។ ជនសង្ស័យ គឺអនុវត្តតាមដីកាបង្គាប់ឲ្យចាប់ខ្លួនលេខ ២០ / ២២ ចុះថ្ងៃទី១៥ ខែមិថុនា ឆ្នាំ២០២២ របស់លោកស្រី ចាន់ សុភារ៉ា ចៅក្រម នៃសាលាដំបូងខេត្តមណ្ឌលគិរី ។
ក្រោយពេលឃាត់ជនសង្ស័យខាងលើ សមត្ថកិច្ចដកហូតសម្ភារៈ និងវត្ថុតាង រួមមាន ៖ ១- ម្សៅក្រាម ពណ៌សថ្លា សង្ស័យថាជាសារធាតុញៀ.នចំនួន១កញ្ចប់ធំ (ទម្ងន់ ១០០.៦៨ ក្រាមថ្លឹងទាំងសំបក)។ ២- ជញ្ជីងថ្លឹងថ្នាំញៀ.នចំនួន០១គ្រឿង។ ៣- ឧបករណ៍កែច្នៃសម្រាប់ជក់ថ្នាំញៀ.នមួយចំនួន ។ ៤- ថង់សម្រាប់វេចខ្ចប់ថ្នាំញៀ.នមួយចំនួន។ ៥- ប្រាក់រៀលចំនួន៣៥ម៉ឺនរៀល។ ៦- ទូរស័ព្ទចំនួន៧គ្រឿង។ ៧- ម៉ូតូម៉ាកវេវឆ្លាមចំនួន០២គ្រឿង (ពណ៌បាញ់ ឌុកគ្មានផ្លាកលេខ ចំនួន១គ្រឿង និងពណ៌ខ្មៅ ផ្លាកលេខ បាត់ដំបង ១AP៨២២៦ ចំនួន១គ្រឿង)។ ៨- អត្តសញ្ញាណប័ណ្ណចំនួន០២សន្លឹក។ ៩- សំបុត្រកំណើតចំនួន ០១ សន្លឹក។
បច្ចុប្បន្នជនសង្ស័យទាំង០៨នាក់ខាងលើ ត្រូវបានកម្លាំងសមត្ថកិច្ចការិយាល័យប្រឆាំងគ្រឿងញឿ.ន នៃស្នងការដ្ឋាននគរបាលខេត្ត កំពុងកសាងសុំណុំរឿង និងបញ្ជូនខ្លួនជនសង្ស័យទៅកាន់តុលាការចាត់ការទៅតាមនីតិវិធីច្បាប់៕
ចែករំលែកព័តមាននេះ