ខេត្តស្ទឹងត្រែង ៖ សិស្សសាលាប្រមាណជាង១០នាក់ ទន់ដៃទន់ជើងជាបន្តបន្ទាប់ ដោយស្ថិតក្នុងស្ថានភាពរវើរវា.យ និងស្រែកយំ ដោយពុំដឹងដឹងខ្លួន នៅក្នុងថ្នាក់កំពុងរៀន ភ្លាមៗត្រូវបានលោកគ្រូអ្នកគ្រូនាំយកទៅមណ្ឌលសុខភាព និងខ្លះទៀតយកទៅវត្ត ដើម្បីឲ្យព្រះសង្ឃធ្វើពិធីប្រោសព្រំបណ្ដេញឧបចង្រៃទៅតាមប្រពៃណីក្រែងមានខ្មោចព្រា។យបីសា.ចមកបៀតបៀន។
ហេតុការណ៍ដ៏ភ្ញាក់ផ្អើលខាងលើនេះ បានកើតឡើងសម្រាប់តែសិស្សស្រីៗប៉ុណ្ណោះ នៅល្ងាចថ្ងៃទី៩ ខែកញ្ញា ឆ្នាំ២០២២ ស្ថិតនៅអនុវិទ្យាល័យសេសាន ក្នុងភូមិកំភុន ឃុំកំភុន ស្រុកសេសាន។
នាយកសាលាអនុវិទ្យាល័យសេសាន លោកតែម ប៊ុនជុំ បានប្រាប់អ្នកសារព័ត៌មានថា គ្រាដែលដែលសិស្សក្នុងថ្នាក់ទី៨ កំពុងតែរៀនសូត្រសុខៗស្រាប់តែមានសិស្សស្រីដួលសន្ល.ប់ជាបន្តបន្ទាប់ដោយសិស្សខ្លះទៀតទន់ដៃទន់ជើង និងខ្លះទៀតរវើរវា.យយំស្រែកដោយមិនដឹងខ្លួនថា មានខ្មោចបីសា.ចមកនាំយកទៅ។
លោកបន្តថា ក្រោយកើតហេតុសិស្សស្រីចំនួន១១នាក់ ត្រូវបានលោកគ្រូ អ្នកគ្រូ និងសិស្សានុសិស្សនាំគ្នាបញ្ជូនទៅកាន់មណ្ឌលសុខភាពដើម្បីពិនិត្យមើលឈាមជាតិស្ករ និងដាក់អុកស៊ីហ្សែន មានសភាពធម្មតា តែសិស្សស្រីៗទាំងនោះចេះតែស្រែកយំថា មានខ្មោចមកយកហើយ។
លោកបន្ថែមថា ជាមួយ និងការភ័យខ្លាចនេះ និងរួមគ្នាគិតទៅតាមជំនឿផ្នែកសាសនាផងក៏បាននាំយកទៅវត្ត ដើម្បីអោយព្រះសង្ឃគង់នៅវត្តកំភុន ធ្វើពិធីតាមព្រហ្មមញ្ញសាសនាទើបបានស្ងាប់ចិត្តបាត់យំស្រែក។
ព្រះតេជគុណ ប៊ុន ហ៊ាង ហៅព្រះអង្គក្លាហានមានសង្ឃដីការថាសិស្សានុសិស្សទាំង១១នាក់បានស្រោចទឹកចងខ្សែតាមទំលាប់ដែលព្រះអង្គធ្លាប់ធ្វើឡើង បច្ចុប្បន្នសិស្សទាំងអស់មានស្ថានភាពស្រួលបួលឡើងវិញហើយ។
ទាក់ទិនករណីដោយឡែកកាលពីសប្តាហ៍កន្លងទៅនៅសាលាអនុវិទ្យាល័យឃុំអូររៃ ស្រុកថាឡាបរិវ៉ាត់ ក៏មានករណីសិស្សដួលសន្លា.ប់ចំនួន២លើករួចមកហើយដែរ។ហើយករណីនេះលោក ថៃ ធី មេឃុំអូររៃ បានសហការគ្នាជាមួយមាតាបិតាសិស្ស លោកគ្រូអ្នកគ្រូ និងបាននិមន្តព្រះសង្ឃចំនួន៧វត្តមកធ្វើពិធីសូត្របន្ត-សែនព្រេនក៏ទទួលបានភាពសុខសប្បាយតរៀងមក។
សូមបញ្ជាក់ថា ពាក់ព័ន្ធក្នុងករណីខាងលើនេះ មន្ត្រីសុខាភិបាលខេត្តស្ទឹងត្រែង និងចុះទៅពិនិត្យមើលផ្នែកបរិស្ថាន និងពិនិត្យសុខភាពសិស្សនៅសាលារៀនទាំងនោះ ដើម្បីឲ្យដឹងពីមូលហេតុច្បាស់លាស់ផងដែរ ៕
ចែករំលែកព័តមាននេះ