កូនភ្លោះ3កើតក្នុងគ្រួសារមួយក្រីក្របំផុត
ខេត្តបន្ទាយមានជ័យ ៖ កូនភ្លោះ៣ដែលចាត់ទុកជាចៅសម្តេចតេជោ និងសម្តេចកិត្តិព្រឹទ្ធបណ្ឌិត បានកើតក្នុងគ្រួសារអ្នកក្រីក្រទៀតហើយ នៅភូមិស្រែព្រៃ ឃុំចំណោម
ខេត្តបន្ទាយមានជ័យ ៖ កូនភ្លោះ៣ដែលចាត់ទុកជាចៅសម្តេចតេជោ និងសម្តេចកិត្តិព្រឹទ្ធបណ្ឌិត បានកើតក្នុងគ្រួសារអ្នកក្រីក្រទៀតហើយ នៅភូមិស្រែព្រៃ ឃុំចំណោម ស្រុកមង្គលបុរី ។
ទារកភ្លោះ៣មានឪពុកឈ្មោះ ហ៊ីង ថើន អាយុ៤៤ឆ្នាំ និងប្រពន្ធឈ្មោះ ញ៉ាន រ៉េន អាយុ៤០ឆ្នាំ ដែលមានកូនក្នុងបន្ទុកចំនួន៤នាក់និងកូនភ្លោះ៣នាក់បន្ថែមទៀត ។ ស្ត្រីជាម្តាយធ្លាប់បង្កើតកូនជាលើកទី៨ហើយ តែកូនបានស្លាប់អស់៣នាក់ នៅសល់តែ៤នាក់ និងពេលនេះមានទារកភ្លោះ៣នាក់បន្ថែមទៀតសរុប៧នាក់ បូករួមនឹងឪពុកម្តាយពីរនាក់ទៀតផង ត្រូវជាសមាជិតគ្រួសារ៩នាក់ ។
តាមសំដីស្ត្រីជាម្តាយកូនភ្លោះបានបញ្ជាក់ថា ការសម្រាលកូនលើកទី៨នេះជាទារកភ្លោះចំនួន៣នាក់ គាត់បានមកសម្រាលនៅមន្ទីពេទ្យគន្ធបុប្ជាខេត្តសៀមរាប ដែលកូនទី១មានទម្ងន់២,៣គីឡូក្រាម កូនទី២មានទម្ងន់១,៩គីឡូក្រាម កូនទី៣មានទម្ងន់១,៨គីឡូក្រាម ។
ស្ត្រីជាម្តាយបានរៀបរាប់ថា គាត់មានជីវភាពជួបការលំបាកដោយសារកូនច្រើន រីឯឪពុកស៊ីឈ្នួលធ្វើកម្មករនៅប្រទេសថៃ ឥឡូវបន្ថែមកូនភ្លោះ៣នាក់ទៀតក្នុងបន្ទុកឡើងដល់កូន៧នាក់ ពិតជាលំបាកណាស់សម្រាប់ចិញ្ចឹមកូនក្នុងបន្ទុកដ៏ធ្ងន់មួយនេះ ។
ជាក់ស្តែងនៅថ្ងៃទី៩ ខែកុម្ភៈ ឆ្នាំ២០១៧នេះមន្ត្រីក្រុមប្រឹក្សាឃុំចំណោម បាននាំយកថវិកាចំនួន១០០.០០០រៀល និងលោកអភិបាលខេត្ត ក៏បាននាំអំណោយជូនដល់ទារកទាំង៣នូវថវិកា៧០ម៉ឺនរៀល សម្ភារប្រើប្រាស់ និងគ្រឿងឧបភោគបរិភោគមួយចំនួនជូនដល់គ្រួសារកូនភ្លោះ សម្រាប់ដោះស្រាយជីវភាពបន្ទាន់ផងដែរទម្រាំអំណោយឧបត្ថម្ភពីសម្តេចបញ្ជូនមកដល់ ៕
ចែករំលែកព័តមាននេះ