ខេត្តកណ្តាល ៖ បុរសម្នាក់ត្រូវបានកម្លាំងនគរបាលប៉ុស្តិ៍ឃុំភូមិធំ ធ្វើការឃាត់ខ្លួនតាមពាក្យបណ្តឹងរបស់ឪពុកបង្កើតពីបទបំផ្លិចបំផ្លាញទ្រព្យសម្បត្តិក្នុងផ្ទះកាលពីវេលាម៉ោង១និង១០នាទីរសៀលថ្ងៃទី១២ កុម្ភៈ។ ឪពុកឈ្មោះគឹម ណាវី ភេទប្រុស អាយុ៥៥ឆ្នាំ ជាកសិករ ស្ថិតក្នុងភូមិរទាំង ឃំុភូមិធំ ស្រុកកៀនស្វាយ ។
ខេត្តកណ្តាល ៖ យុវជនម្នាក់ត្រូវបានកម្លាំងនគរបាលប៉ុស្តិ៍ឃុំភូមិធំ ធ្វើការឃាត់ខ្លួនតាមពាក្យបណ្តឹងរបស់ឪពុកបង្កើតពីបទបំផ្លិចបំផ្លាញទ្រព្យសម្បត្តិក្នុងផ្ទះ កាលពីវេលាម៉ោង១និង១០នាទីរសៀលថ្ងៃទី១២ កុម្ភៈ។ ឪពុកឈ្មោះគឹម ណាវី ភេទប្រុស អាយុ៥៥ឆ្នាំ ជាកសិករ ស្ថិតក្នុងភូមិរទាំង ឃុំភូមិធំ ស្រុកកៀនស្វាយ ។
បើតាមរបាយការណ៍របស់នគរបាលប៉ុស្តិ៍បានឱ្យដឹងថា ឈ្មោះគឹម ណាវី ជាឪពុក បានប្តឹងសមត្ថកិច្ចចោទឈ្មោះវី សុវណ្ណារ៉ា ភេទប្រុស អាយុ២៤ឆ្នាំ ត្រូវជាកូនបានស្រែកឡូឡារករឿងក្រុមគ្រួសារ និងកាប់បំផ្លិចបំផ្លាញទ្រព្យសម្បត្តិក្នុងផ្ទះដូចជាទូរទស្សន៍១៤អីុញ១គ្រឿង កង្ហារ១គ្រឿង និងទូដាក់ខោអាវ១ ។
បន្ទាប់ពីទទួលបានពាក្យបណ្តឹងឪពុកភ្លាមនគរបាលប៉ុស្តិ៍បានចុះទៅកន្លែងកើតហេតុ ធ្វើការឃាត់ខ្លួនបុរសជាកូន រួមនឹងវត្ថុតាងកាំបិតប៉័ងតោមួយ យកមកប៉ុស្តិ៍ដើម្បីសួរនាំ ។ ក្រោយសាកសួរត្រូវបានបញ្ជូនទៅអធិការដ្ឋាននគរបាលស្រុកចាត់ការបន្តតាមនីតិវិធីច្បាប់ ៕
ចែករំលែកព័តមាននេះ