រាជធានីភ្នំពេញ ៖ ស្ត្រីម្នាក់រួមជាមួយថ្នាំញៀន១កូនកញ្ចប់ធំ ត្រូវកម្លាំងសមត្ថកិច្ចនគរបាលច្បារអំពៅ២ ធ្វើការឃាត់ខ្លួនភ្លាមៗ
ខណៈកំពុងត្រៀមចែកចាយលក់បន្ត នៅចំណុចផ្ទះជួលគ្មានលេខ ភូមិដើមស្លែង១ សង្កាត់ច្បារអំពៅ២ ខណ្ឌច្បារអំពៅ កាលពីវេលាម៉ោង០៨ និង៣០នាទីព្រឹកថ្ងៃទី១៣ កុម្ភៈ នេះ ។
ប្រភពឱ្យដឹងថា ស្ត្រីខាងលើឈ្មោះលី គឹមហ៊ួ ហៅតើយ អាយុ៤២ឆ្នាំ ជាជនជាតិវៀតណាម ស្នាក់នៅផ្ទះជួលគ្មានលេខ ភូមិដើមស្លែង១ សង្កាត់ច្បារអំពៅ២ ខណ្ឌច្បារអំពៅ រាជធានីភ្នំពញ ។
លោកទេព ប៉ូរ៉ា នាយប៉ុស្តិ៍ច្បារអំពៅ២បានឱ្យដឹងថា ក្នុងការឃាត់ខ្លួននេះ ត្រូវបានសមត្ថកិច្ចដកហូតថ្នាំញៀនម្សៅក្រាម.សថ្លា ហៅម៉ាទឹកកក ១កូនកញ្ចប់ធំ ។ បច្ចុប្បន្ន ជនសង្ស័យ រួមនិងវត្ថុតាងត្រូវបញ្ចូនទៅអធិការដ្ឋាននគរបាលខណ្ឌច្បារអំពៅ ដើម្បីបន្តនីតិវិធីច្បាប់ ។
ចែករំលែកព័តមាននេះ