សមាគមទេសចរណ៍ចំនួន5 បានចុះកិច្ចព្រមព្រៀងសហការគ្នា
រាជធានីភ្នំពេញ ៖ សមាគមធ្វើការងារលើផ្នែកផ្សេងៗគ្នាក្នុងវិស័យទេសចរណ៍ចំនួន៥ បានចុះកិច្ចព្រមព្រៀងសហការគ្នាដើម្បីដោះស្រាយបញ្ហាប្រឈម និងផលប្រយោជន៍រួមគ្នាក្នុងវិស័យនេះ ។
រាជធានីភ្នំពេញ ៖ សមាគមធ្វើការងារលើផ្នែកផ្សេងៗគ្នាក្នុងវិស័យទេសចរណ៍ចំនួន៥ បានចុះកិច្ចព្រមព្រៀងសហការគ្នាដើម្បីដោះស្រាយបញ្ហាប្រឈម និងផលប្រយោជន៍រួមគ្នាក្នុងវិស័យនេះ ។
រាជធានីភ្នំពេញ ៖ សមាគមធ្វើការងារលើផ្នែកផ្សេងៗគ្នាក្នុងវិស័យទេសចរណ៍ចំនួន៥ បានចុះកិច្ចព្រមព្រៀងសហការគ្នាដើម្បីដោះស្រាយបញ្ហាប្រឈម និងផលប្រយោជន៍រួមគ្នាក្នុងវិស័យនេះ ។
លោក ហូ វណ្ឌី អគ្គលេខាធិការសមាគមសម្ព័ន្ធទេសចរណ៍ជាតិកម្ពុជា បានថ្លែងឲ្យដឹងកាលពីព្រឹកថ្ងៃទី១០ កុម្ភៈថា គោលដៅនៃការចុះកិច្ចព្រមព្រៀងនេះ ធ្វើឡើងដើម្បីឈ្វេងយល់ពីតម្រូវការ និងការសហការគ្នាឲ្យបានទូលំទូលាយជាងមុន និងមិនប្រកួតប្រជែងគ្នាតាមរយៈការអូសទាញភ្ញៀវពីគ្នាទៅវិញទៅមក ។ លោកបន្តថា យើងផ្តោតលើគោលដៅអ្វីជាផលប៉ះពាល់ និងនិរន្តរភាពក្នុងវិស័យទេសចរណ៍ ដោយឈ្វេងយល់ពិគ្រោះយោបល់គ្នាដើម្បីកុំឲ្យមានការចោទប្រកាន់គ្នាទៅវិញទៅមក ជាពិសេស ការទប់ស្កាត់សកម្មភាពទាំងឡាយណាដែលធ្វើឲ្យប៉ះពាល់ដល់វិស័យនេះទាំងមូល ។
លោកបន្តថា ៖ « យើងចង់ទប់ស្កាត់ការរកស៊ីដែលគ្មានគុណធម៌ក្នុងវិស័យនេះ ស្របពេលសកម្មភាពលក់កញ្ចប់ទេសចរណ៍ហ្សេរ៉ូ ឬមិនចំណេញប្រាក់កើនឡើង ។ យើងចង់ឃើញការជួបជុំគ្នាក្នុងរង្វង់អ្នករកស៊ីក្នុងវិស័យនេះជួបគ្នាញឹកញាប់ ដើម្បីចែករំលែកបទពិសោធន៍ និងដោះស្រាយបញ្ហាប្រឈមជាមួយគ្នា » ។
សមាគមចំនួន៥ ដែលចុះកិច្ចព្រមព្រៀងរួមគ្នាមានដូចជា ១-សមាគមសម្ព័ន្ធទេសចរណ៍ជាតិកម្ពុជា, ២-សមាគមទីភ្នាក់ងារទេសចរណ៍កម្ពុជា, ៣-សមាគមដឹកជញ្ជូនទេសចរណ៍ផ្លូវទឹក រាជធានីភ្នំពេញ, ៤-សមាគមដឹកជញ្ជូនទេសចរណ៍ផ្លូវគោក រាជធានីភ្នំពេញ និង៥-សមាគមមគ្គុទ្ទេសក៍ទេសចរណ៍រាជធានីភ្នំពេញ ។
លោក ហេង ហាក់ ប្រធានសមាគមមគ្គុទេ្ទសក៍ទេសចរណ៍រាជធានីភ្នំពេញ ថ្លែងថា កន្លងមក សមាគមទាំងនេះមិនទាន់បានធ្វើការសហការគ្នាពេញលេញនៅឡើយទេ តែយើងបានជួបគ្នាខ្លះៗនៅពេលមានតម្រូវការ ប៉ុន្តែចាប់ពីពេលចុះកិច្ចព្រមព្រៀងនេះទៅ យើងនឹងធ្វើយ៉ាងណា ឲ្យកិច្ចសហប្រតិបត្តិការនេះកាន់តែមានភាពល្អប្រសើរជាងមុន ។ លោកបន្តថា ៖ «ការជួបគ្នាធ្វើឲ្យយើងអាចដោះស្រាយបញ្ហារួមគ្នា រិះរកយុទ្ធសាស្ត្រ និងដំណោះស្រាយដើម្បីធ្វើឲ្យវិស័យនេះមានភាពរីកចម្រើន ។ អ្វីសំខាន់ គឺយើងអាចលើកជាគំនិត និងបញ្ហាប្រឈមរបស់យើងក្នុងវិស័យនេះ ដើម្បីដាក់សំណើទៅរាជរដ្ឋាភិបាលជួយអន្តរាគមន៍ ឬដោះស្រាយដើម្បីធ្វើឲ្យយើងរីកចម្រើនទាំងអស់គ្នា » ។
ប្រធានសមាគមទីភ្នាក់ងារទេសចរណ៍កម្ពុជា លោកស្រី ឆាយ ស៊ីវលីន ថ្លែងថា ពីមុនសមាគមមិនសូវបានសហការគ្នាល្អប្រសើរទេ ប៉ុន្តែអ្វីដែលបានចុះកិច្ចព្រមព្រៀងនេះ គឺធ្វើឡើងដើម្បីពង្រឹងកិច្ចសហប្រតិបត្តិការក្នុងវិស័យនេះ ហើយលោកស្រីក៏មានបំណងចង់សិក្សាពីរាមច្បងដែលមានបទពិសោធន៍ក្នុងវិស័យនេះបន្ថែមផងដែរ ។
លោកស្រីបន្តថា ៖ « ការចែករំលែកបទពិសោធន៍គ្នា ការមិនគួរលូកលាន់គ្នាលើការធ្វើជំនួញក្នុងវិស័យនេះ ពិតជាមានសារសំខាន់ ព្រោះបើយើងប្រកួតប្រជែងគ្នា យើងនឹងខាតបង់ទាំងអស់គ្នា ។ ផ្ទុយទៅវិញ បើយើងសហការគ្នា យើងនឹងបានផលប្រយោជន៍ទាំងអស់គ្នា » ។
កម្ពុជាទទួលបានភ្ញៀវទេសចរប្រមាណ៥លាននាក់កាលពីឆ្នាំមុន កើនឡើង៥%ធៀបនឹងឆ្នាំ២០១៥ និងទទួលបានចំណូលពីវិស័យនេះប្រមាណ៤ពាន់លានដុល្លារអាមេរិកផងដែរ ៕
ចែករំលែកព័តមាននេះ