កាលពីពេលថ្មីៗកន្លងមក សារព័ត៌មានបរទេសផ្សាយថា នាងម៉ាដូណា តារាចម្រៀងដ៏ល្បីនៅលើពិភពលោក បានបង្ហោះលើInstagram បង្ហាញរូបថតរបស់ខ្លួនដឹកដៃក្មេងស្រីភ្លោះជនជាតិម៉ាឡាវី ជាក្មេងកំព្រាដែលនាងបានទទួលចិញ្ចឹមចុងក្រោយ បន្ទាប់ពីច្រើនឆ្នាំកន្លងមក នាងទទួលក្មេងក្រីក្រពីម៉ាឡាវី ធ្វើជាកូនចិញ្ចឹមចំនួន២នាក់ រួចមកហើយ ។
លើ Instagram តារាចម្រៀងម៉ាដូណា បានសរសេរថា «បច្ចុប្បន្នអាចបញ្ជាក់ជាផ្លូវការថា ខ្ញុំបានបញ្ចប់ដំណាក់កាលក្នុងការទទួលក្មេងស្រីម៉ាឡាវីមកចិញ្ចឹមរួចរាល់ និងមានអារម្មណ៍ត្រេកអរដែលបានពួកគេធ្វើជាផ្នែកមួយនៅក្នុងគ្រួសាររបស់យើង ។
ខ្ញុំថ្លែងអំណរគុណយ៉ាងជ្រាលជ្រៅដល់ពលរដ្ឋគ្រប់រូបនៅម៉ាឡេស៊ីដែលជួយជ្រោមជ្រែងធ្វើឱ្យរឿងក្លាយជាការណ៍ពិត និងស្នើសុំឱ្យប្រព័ន្ធផ្សព្វផ្សាយត្រូវជួយផ្ដល់ការគោរពលើសិទ្ធិផ្ទាល់ខ្លួនរបស់ពួកយើង» ៕
ចែករំលែកព័តមាននេះ