«Metro» ផ្សាយកាលពីពេល ថ្មីៗកន្លងមកថា នាងParis Green អ្នកទោសក្នុងរឿងក្ដីឃាតកម្មនៅតំបន់អេឌីនប៊ើក ប្រទេសស្កុតលែន ត្រូវផ្លាស់ចេញពីគុកស្ដ្រីទៅឃុំឃាំងក្នុងគុកបុរសវិញ ក្រោយពីមានរបាយការណ៍បញ្ជាក់ថា អ្នកទោសជាស្ដ្រីកេភេទរូបនេះលួចរួមរ័កជាមួយអ្នកទោសស្រីផ្សេងទៀត ។
Paris Green ពីដើមឡើយឈ្មោះ«ពីទ័រ លែង» ជាបុរស ប៉ុន្ដែជាប់ទោសនៅក្នុងគុកស្ដ្រី ដោយសារគេបញ្ជាក់ថា ជាមនុស្សកេភេទជាស្រី និងកំពុងរង់ចាំទទួលការវះកាត់ប្ដូរប្រដាប់ភេទ ។
នាងParis ត្រូវជាប់គុករយៈពេល១៨ឆ្នាំ ក្រោយពីរួមជាមួយមិត្ដភក្ដិបុរស២នាក់ទៀត សម្លាប់បុរស អាយុ៤៥ឆ្នាំម្នាក់ ។
«Daily Mail» កាលពីខែធ្នូ ឆ្នាំ២០១៣ ផ្សាយថា អាជ្ញាធរធ្លាប់ប្ដូរParis ចេញពីគុកស្ដ្រីម្ដងរួមមកហើយ ក្រោយពីទទួលការចោទ ប្រកាន់ថា លួចរួមរ័កជាមួយអ្នកទោសស្រីផ្សេងទៀតប៉ុន្ដែគឺជាការផ្លាស់ចេញពីគុកស្ដ្រីមួយទៅគុកស្ដ្រីមួយទៀត ដើម្បីកុំឱ្យមានបញ្ហា ។ ចុងក្រោយអ្នកទោសនោះបង្កកំហុសដដែលនោះទៀត ទើបសម្រេចចិត្ដឱ្យទៅនៅគុកបុរសវិញ ។
ប្រភពដដែលបន្ដទៀតថា «អ្នកទោសស្រីទាំងឡាយនៅក្នុងគុកត្រូវការរួមរ័ក ហើយParis ជាមនុស្សម្នាក់អាចបំពេញបំណងដល់ពួកនាង» ៕
ចែករំលែកព័តមាននេះ