រាជធានីភ្នំពេញ ៖ កុមារនៅអង្គការមូលនិធិកុមារកម្ពុជា (CCF) បានទទួលការយកចិត្តទុកដាក់ពីសំណាក់ សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) កុមារ បុគ្គលិក និងប្រជាពលរដ្ឋប្រមាណជិត១០០នាក់ នៅអង្គការមូលនិធិកុមារកម្ពុជា (CCF) ស្ថិតនៅភូមិដំណាក់ធំ សង្កាត់ស្ទឹងមានជ័យ រាជធានីភ្នំពេញ ព្យាបាលជម្ងឺមាត់ធ្មេញ ពីសំណាក់ក្រុមការងារស្ម័គ្រចិត្តចំនួន៣៤នាក់ នៃសមាគមគ្រូពេទ្យស្ម័គ្រចិត្តយុវជនសម្តេចតេជោបាន នាថ្ងៃអាទិត្យចុងសប្តាហ៍ចុងសប្តាហ៍នេះ។
កាលពីពេលកន្លងមក លោក ហ៊ុន ម៉ាណែត និងលោកជំទាវ តែងតែបានគិតគូរពីសុខទុក្ខ និងតម្រូវការផ្សេងៗរបស់កុមារនៅក្នុងអង្គការនេះ ដោយបានផ្តល់នូវសំលៀកបំពាក់ សម្ភារសិក្សា និងអំណោយផ្សេងៗដល់ក្មួយដើម្បីឱ្យពួកគេមានសេចក្តីសង្ឃឹមនិងភាពកក់ក្តៅក្នុងការកសាងអនាគតដ៍ប្រសើរ ។
លើសពីនេះ លោកទាំង២ បានគិតពីសុខភាពរបស់សុខភាពរបស់ក្មួយកុមារៗ តាមរយៈការចុះពិនិត្យ និងព្យាបាលមាត់ធ្មេញជូនពួកគេដោយឥតគិតថ្លៃ ។ ទាំងអស់នេះបានផ្តល់នូវការអាណិតស្រលាញ់ស្រឡាញ់កុមារដោយផ្តោតសំខាន់ទាំងផ្លូវកាយនិង ផ្លូវចិត្ត និងគំនិតប្រាជ្ញារស់ពួកគេ។
បុគ្គលិកនិងប្រជាពលរដ្ឋ ប្អូនៗកុមារនៅក្នុងអង្គការមូលនិធិកុមារកម្ពុជា (CCF)បានបង្ហាញអារម្មណ៍សប្បាយរីករាយដោយពួកគេទទួលបានភាពកក់ក្តៅ និងការយកចិត្តទុកដាក់ចំពោះការថែទាំសុខភាពនិងការសិក្សារបស់ពួកគេ។និងសូមអរគុណចំពោះសកម្មភាពមនុស្សធម៌ដ៍ល្អប្រពៃរបស់សមាគមគ្រូពេទ្យស្ម័គ្រចិត្តយុវជនសម្តេចតេជោ(TYDA)ចំពោះ កុមារ បុគ្គលិកនិងប្រជាពលរដ្ឋ។
សូមបញ្ជាក់ថា ការចុះពិនិត្យនិងព្យាបាលកុមារកំព្រាដោយឥតគិតថ្លៃនៅបណ្តាអង្គការនានាគឺជាកម្មវិធីមួយក្នុងចំណោមកម្មវិធីមួយចំនួនរបស់សមាគមTYDAដែលរួមមានការចុះពិនិត្យនិងព្យាបាលប្រជាពលរដ្ឋដោយឥតគិតថ្លៃនៅតាមបណ្តាខេត្ត ការចុះពិនិត្យនិងព្យាបាលកម្មករកម្មការិនី ប្រជាពលរដ្ឋដោយឥតគិតថ្លៃនៅតាមបណ្តារោងចក្រ ការចុះអប់រំសុខភាពតាមសហគមន៍ និងសកម្មភាពផ្សេងៗរបស់សមាគម ។
ចែករំលែកព័តមាននេះ