ព្រឹកស្អែក សម្តេចតេជោ ហ៊ុន សែន អញ្ជើញសម្ពោធស្ពានកោះធំ
ខេត្តកណ្តាល ៖ តាមកម្មវិធីដែលបានគ្រោងទុក នៅព្រឹកថ្ងៃទី១៣ កុម្ភៈ ២០១៧ សម្តេចអគ្គមហាសេនាបតីតេជោ ហ៊ុន សែន នឹងអញ្ជើញជាអធិបតីភាពសម្ពោធដាក់ឲ្យប្រើបា្រស់ជាផ្លូវការស្ពានកោះធំ ។
ខេត្តកណ្តាល ៖ តាមកម្មវិធីដែលបានគ្រោងទុក នៅព្រឹកថ្ងៃទី១៣ កុម្ភៈ ២០១៧ សម្តេចអគ្គមហាសេនាបតីតេជោ ហ៊ុន សែន នឹងអញ្ជើញជាអធិបតីភាពសម្ពោធដាក់ឲ្យប្រើបា្រស់ជាផ្លូវការស្ពានកោះធំ ។
សូមបញ្ជាក់ថា ស្ពានកោះធំ ត្រូវបានបើកការដ្ឋានសាងសង់កាលពីថ្ងៃទី២៥ មីនា ២០១៣ ក្រោមអធិបតីភាពសម្តេចតេជោ នាយករដ្ឋមន្រ្តី និងត្រូវបានចាក់បេតុងតភ្ជាប់នៅថ្ងៃទីទី០៨ សីហា ២០១៦ដោយសម្តេចតេជោ ហ៊ុន សែន ផងដែរ។
ស្ពានកោះធំនេះមានប្រវែងសរុប ៨២៤ម៉ែត្រ ចំណាយថវិកាសាងសង់សរុប ១៩.៣៩ លានដុល្លារអាមេរិក ជាថវិកាកម្ចីឥណទានពីរដ្ឋាភិបាលចិន និងថវិកាបដិភាគរបស់រាជរដ្ឋាភិបាលកម្ពុជាប្រមាណជា ២.៨លានដុល្លារអាមេរិក។ ស្ពាននេះមានទីតាំងចាប់ពីត្រង់គីឡូម៉ែត្រលេខ ៥៨+២០០ ស្ថិតលើផ្លូវជាតិលេខ២១ ត្រង់ចំណុចភូមិព្រែកធន់ ឃុំព្រែកថ្មី ស្រុកកោះធំ តភ្ជាប់ពីផ្លូវជាតិលេខ២១ ពីត្រើយខាងលិចទន្លេបាសាក់ ឆ្លងទៅផ្លូវជាតិលេខ១១០ ដែលជាផ្លូវប្របមាត់ទន្លេនៅត្រើយខាងកើតទន្លេបាសាក់ ស្ថិតនៅក្នុងភូមិព្រែកថ្មី ឃុំជ្រោយតាកែវ ស្រុកកោះធំ ៕
ចែករំលែកព័តមាននេះ