រាជធានីភ្នំពេញ ៖ ដោយសារតែសាច់រឿង «វិកលចរិត» មានភាពប្រទាក់ក្រឡាគ្នាតាំងពីដើមរឿងដល់ទីបញ្ចប់រឿងធ្វើឱ្យអ្នកទស្សនាជក់ចិត្តភ្ញាក់ផ្អើលជាមួយនឹងរឿងខ្មែរមួយនេះ កាលពីអំឡុងចុងឆ្នាំ២០១៦ ។ មុននេះ
រាជធានីភ្នំពេញ ៖ ដោយសារតែសាច់រឿង «វិកលចរិត» មានភាពប្រទាក់ក្រឡាគ្នាតាំងពីដើមរឿងដល់ទីបញ្ចប់រឿងធ្វើឱ្យអ្នកទស្សនាជក់ចិត្តភ្ញាក់ផ្អើលជាមួយនឹងរឿងខ្មែរមួយនេះ កាលពីអំឡុងចុងឆ្នាំ២០១៦ ។ មុននេះផលិតករបានសម្រេចដាក់បញ្ចាំងជាផ្លូវការតាមខេត្តមួយចំនួន។
ការពាំនាំខ្សែរឿងដែលល្បី និងកក្រើកដល់មហោស្រពភាពយន្តនៅប្រទេសចិនទៀតនោះពិតជាបានបន្ថែមល្បឿនទាក់ទាញអ្នកខេត្តនៅកម្ពុជាមួយអន្លើបន្ថែមទៀត ក្រោយពីទទួលបានព័ត៌មានមួយនេះហើយ មកកៀកភូមិស្រុករបស់ពួកគេ។
លោក ហ៊ុយ យ៉ាឡេង ផលិតករក្នុងខ្សែរឿង «វិកលចរឹត» និងជាតួអង្គវិកលចរឹតផ្ទាល់តែម្តង បានថ្លែងឱ្យដឹងថា ដោយទទួលបានការចាប់អារម្មណ៍ច្រើននៅពេលដាក់បញ្ចាំងនៅរោងកុននៃរាជធានីភ្នំពេញកាលពីអំឡុងចុងឆ្នាំ២០១៦ កន្លងទៅ ក្រោមការកោតសរសើរពីទស្សនិកជនរួចមក ជាគោលការណ៍បន្តទៀតលោកក៏បានរៀបចំកម្មវិធីចាក់បញ្ចាំងតាមបណ្តាខេត្តមួយចំនួនតាមផែនការដែលគ្រោងទុក។
លោកថា នេះជាការចង់ឱ្យបងប្អូននៅតាមបណ្តាខេត្តដែលមិនទាន់បានទស្សនាអាចមកជាវសំបុត្រនៅតាមរោងកុនប្រចាំខេត្តដែលបានរៀបចំរួចជាស្ថាពរ នឹងមកកៀកភូមិស្រុកលោកអ្នកហើយ។
លោកថា តាមរយៈរឿងដែលទើបទទួលពានពីបរទេសថ្មីៗនេះ បងប្អូននិងជួយគាំទ្រជាបន្តទៀត។ ចំពោះពេលវេលាបញ្ចាំងតាមកាលកំណត់រួមមានចាប់ពីថ្ងៃទី១១ កុម្ភៈ តទៅនៅខេត្តបាត់ដំបង បញ្ចាំងពីថ្ងៃទី១១ ដល់ថ្ងៃទី១៤ កុម្ភៈ, ខេត្តកំពង់ចាម ចាប់ពីថ្ងៃ១៨ ដល់ថ្ងៃទី១៩ នារោងភាពយន្ត KL3D និងខេត្តបន្ទាយមានជ័យ នឹងចាក់បន្តពីថ្ងៃទី២៤ ដល់ថ្ងៃទី២៨ កុម្ភៈ ខាងមុខនេះ។
ដូចនេះសម្រាប់បងប្អូនដែលទទ្ទឹងរង់ចាំទស្សនារឿងនេះ អាចលៃលកពេលមកកក់ និងទិញសំបុត្រតាមការកំណត់រយៈពេលមានកំណត់ ហើយផលិតកម្មមាតុចក្រហ្វីម និងរិះរកគំនិតថ្មីៗបន្តទៀត សម្រាប់ផលិតកុនខ្មែរឱ្យទាក់ចិត្តអ្នកទស្សនាដូចរឿងមុនៗជាបន្តទៀត សុំតែការជួយលើកទឹកចិត្តពីខ្មែរយើងដូចគ្នា៕
ចែករំលែកព័តមាននេះ