ត្រីសួតពូជត្រីអូស្ត្រាលី (Australian Lungfish) ជាត្រីចំណាស់អាយុ៩០ឆ្នាំ ត្រូវសារមន្ទីរសត្វទឹក «Shedd Aquarium» ក្រុងស៊ីកាហ្គោ រដ្ឋអុីលីណយសហរដ្ឋអាមេរិក សម្លា.ប់ដោយដាក់ថ្នាំសន្លប់ហួសកម្រិតទៅក្នុង
ត្រីសួតពូជត្រីអូស្ត្រាលី (Australian Lungfish) ជាត្រីចំណាស់អាយុ៩០ឆ្នាំ ត្រូវសារមន្ទីរសត្វទឹក «Shedd Aquarium» ក្រុងស៊ីកាហ្គោ រដ្ឋអុីលីណយសហរដ្ឋអាមេរិក សម្លាប់ដោយដាក់ថ្នាំសន្លប់ហួសកម្រិតទៅក្នុងអាងទឹករបស់វា ព្រោះយល់ថាវាមានអាយុចាស់ណាស់ទៅ ហើយ ។
«CBS NEW» របស់អាមេរិកចុះផ្សាយដោយយោងតាមសេចក្តីថ្លែងការណ៍របស់សារមន្ទីរថា ហេតុផលសម្លាប់ត្រីសួតអូស្ត្រាលី ព្រោះវាមានអាយុច្រើន ។ ត្រីសួតចំណាស់អូស្ត្រាលីមានដងខ្លួនប្រវែង១,២ម៉ែត្រ និងទម្ងន់១១,២៥គីឡូក្រាម បានបង្ហាញអាការមិនសូវល្អ ដោយឈប់ស៊ីចំណី រួមទាំងការធ្វើចលនារបស់អវយវៈចុះខ្សោយដូច្នេះហើយសារមន្ទីរសត្វទឹកសម្រេចចិត្តសម្លាប់វាកាលពីថ្ងៃទី៥ កុម្ភៈ ២០១៧ ។
លទ្ធផលនៃការធ្វើកោសល្យវិច័យត្រីចំណាស់នោះបង្ហាញថា អាការដែលកើតឡើងស្របតាមអាយុកាលត្រីជាង៩០ឆ្នាំ ដោយផ្អែកលើទិន្នន័យរបស់សារមន្ទីរ ។ លោកប្រ៊ីដជែត ស៊ី ខូលីន ប្រធានសារមន្ទីរសត្វទឹកនិយាយថា ត្រីដែលចំណាយពេលយូរនៅក្នុងទឹកបានបង្កើតចំណុចសង្ស័យដល់អ្នកទេសចរដែលចូលទស្សនា និងអាចសន្និដ្ឋានបានថាថាមពលរាងកាយវាចុះខ្សោយស្របតាមវ័យ ៕
ចែករំលែកព័តមាននេះ