ខេត្តកំពង់ស្ពឺ ៖ លោកវរសេនីយ៍ត្រី ប៑ុត ប៊ុនធឿន អធិការនគរបាលស្រុកឱរ៉ាល់បានឱ្យដឹងថា កាលពីវេលា០៨យប់ថ្ងៃទី១០ កុម្ភៈ ស្ថិតត្រង់ចំណុចក្រុមហ៊ុនHLH ក្នុងភូមិពោធិមាស ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ បានស្រាវជ្រាវបន្តលើបាញ់ប្រហារអ្នកដឹកកូនឈើ ស្រាប់តែប្រទះឃើញអាវុធនិងគ្រាប់ ដែលជារបស់ក្រុមជនសង្ស័យបានយកទៅលាក់ទុកក្នុងព្រៃ ក្រោយពីបង្កហេតុមក ក្នុងនោះទើបជនសង្ស័យឆ្លើយសារភាពទាំងអស់ ។
បច្ចុប្បន្ន ទាំងវត្ថុតាង រួមក្រុមជនសង្ស័យ ត្រូវបានបញ្ជូនទៅស្នងការដ្ឋាននគរបាលខេត្ត ដើម្បីជំនាញចាត់ការបន្ត ។
គួរបញ្ជាក់ថា ក្រោយពេលកើតករណីឃាតកម្មបាញ់ប្រហារលើជនរងគ្រោះ ដែលជាអ្នកដឹកកូនឈើ បណ្ដាលឱ្យស្លាប់រួចមក ក្រោមការបញ្ជាផ្ទាល់ពីលោកស្នងការនគរបាលខេត្ត កម្លាំងនគរបាលស្រុកឱរ៉ាល់ ក៏បានឃាត់ខ្លួនមនុស្ស៤នាក់ ជាបន្តបន្ទាប់ ។
ក្រោយឃាត់ខ្លួនក្រុមជនសង្ស័យមិនបានឆ្លើយសារភាពនោះទេ បើទោះជាសមត្ថកិច្ចមានបន្ទុកក្នុងការឃាត់ខ្លួនយ៉ាងណាក្តី ។ ការឃាត់ខ្លួននេះ ធ្វើឡើងដោយនគរបាលស្រុកឱរ៉ាល់ ដឹកនាំដោយលោកវរសេនីយ៍ ប៊ុត ប៊ុនធឿន ជាអធិការនគរបាលស្រុក នៅចំណុចក្រុមហ៊ុនHLH ស្ថិតក្នុងឃុំត្រពាំងជោរ ស្រុកឱរ៉ាល់ ខេត្តកំពង់ស្ពឺ។
ជនសង្ស័យទី១-ឈ្មោះ ឈន វុទ្ធី ភេទប្រុស អាយុ៣៧ឆ្នាំ ជាប្រធានសន្តិសុខ ទី២-ឈ្មោះ កែវ វណ្ណា ភេទប្រុស អាយុ៣៧ឆ្នាំ ជាអនុប្រធាន ប្រពន្ធឈ្មោះ ជេង ចំប៉ី អាយុ២៣ឆ្នាំ ទាំង៣នាក់នៅសង្កាត់បឹងរាំង ខណ្ឌដូនពេញ និងទី៤-ឈ្មោះ ដួង ពៅ ភេទប្រុស៥៧ឆ្នាំ រស់នៅក្នុងភូមិពោមាស ឃុំត្រពាំងជោរ ស្រុកឱរ៉ាល់។
លោកអធិការបញ្ជាក់ថា កាលពីថ្ងៃទី០៩ កុម្ភៈ ២០១៧ វេលាម៉ោង៧និង៣០នាទី នៅចំណុចខាងលិច ក្រុមហ៊ុន អេកអិលអេច ភូមិពោធិមាស ឃុំត្រពាំងជោរ ស្រុកឱរ៉ាល់ ខេត្តកំពង់ស្ពឺ មានករណីបាញ់សម្លាប់ ព្រោះតែជនរងគ្រោះមិនព្រមឈប់គោយន្តបង់ប្រាក់ដល់ក្រុមជនសង្ស័យ។ ជនរងគ្រោះឈ្មោះ រុន រ៉េន ភេទប្រុស អាយុ២៣ឆ្នាំ នៅភូមិថ្មគប់ ឃុំអមលាំង ស្រុកថ្ពង ខេត្តកំពង់ស្ពឺ។
ចែករំលែកព័តមាននេះ