ប្តឹងប៉ូលិស ប៉េអឹមគ្មានចំណាត់ការ ប្តឹងតុលាការម្តង
ខេត្តបន្ទាយមានជ័យ ៖ សំណុំរឿងម្ចាស់ហាង ហេង គង់ ដែលមេយោធាសឹករងស្រុកមង្គលបូរី គម្រាមបា.ញ់សម្លា.ប់និងជេរប្រមាថដែលប្តឹងដល់កងរាជអាវុធហត្ថហើយ
ខេត្តបន្ទាយមានជ័យ ៖ សំណុំរឿងម្ចាស់ហាង ហេង គង់ ដែលមេយោធាសឹករងស្រុកមង្គលបូរី គម្រាមបា.ញ់សម្លា.ប់និងជេរប្រមាថដែលប្តឹងដល់កងរាជអាវុធហត្ថហើយ
ខេត្តបន្ទាយមានជ័យ ៖ សំណុំរឿងម្ចាស់ហាង ហេង គង់ ដែលមេយោធាសឹករងស្រុកមង្គលបូរី គម្រាមបាញ់សម្លាប់និងជេរប្រមាថដែលប្តឹងដល់កងរាជអាវុធហត្ថហើយមិនទាន់ចាត់ការទេស្ងាត់ឈឹងក៏បានប្តឹងចូលសាលាដំបូងខេត្តវិញម្តងនៅថ្ងៃទី៧ កុម្ភៈ ។
ក្នុងFacebookរបស់ឈ្មោះ ហេង គង់ ដែលជាម្ចាស់ភោជនីយដ្ឋានយីហោ ហេង គង់ បានបង្ហោះឃ្លីបវីដេអូចំនួន២ ដែលឃើញមានបុរស និងស្ត្រីបម្រើការងារក្នុងភោជនីយដ្ឋានបាននាំគ្នាលើកដៃសំពះ និងអំពាវនាវដល់ក្រសួងការពារជាតិ និងយោធភូមិភាគទី៥ លោកអភិបាលខេត្ត និងអ្នកអនុវត្តច្បាប់ត្រូវមានវិធានការច្បាប់ចំពោះលោក កែវ ស៊ុនលី ឋានន្តរស័ក្តិវរសេនីយ៍ត្រី មុខងារជាមេបញ្ជាការផ្នែកសឹករងមង្គលបូរី បានធ្វើសកម្មភាពគួរឱ្យថ្កោលទោសកាលពីល្ងាចថ្ងៃទី១ កុម្ភៈ នៅក្នុងភោជនីយដ្ឋាន ហេង គង់ ដែលស្ថិតនៅភូមិជំទាវ ឃុំឫស្សីក្រោក ស្រុកមង្គលបូរី ខណៈពេលដែលលោក កែវ ស៊ុនលី បានជិះរថយន្តចូលមកហាងហើយយកកាំភ្លើងអាកាមកគម្រាមបាញ់សម្លាប់ និងជេរប្រមាថគាត់ជាម្ចាស់ហាងឈ្មោះ ហេង គង់ និងអ្នកបម្រើក្នុងហាង ។
លោក ហេង គង់ និងអ្នកបម្រើក្នុងហាងចំនួន៥នាក់ ក្រោយពេលលោក កែវ ស៊ុនលី យកអំណាចជាមេបញ្ជាការផ្នែកសឹករងស្រុកមង្គលបូរី យកកាំភ្លើងមកគម្រាមបាញ់សម្លាប់នាំគ្នារត់បាតជើងសព្រាតចូលព្រៃក្រោយហាង ។
លុះព្រឹកឡើងបាននាំគ្នាទៅប្តឹងស្ថាប័នជំនាញមាននគរបាលអធិការដ្ឋានស្រុកមង្គលបូរី និង ទីបញ្ជាការដ្ឋានកងរាជអាវុធហត្ថស្រុកមង្គលបូរី ដើម្បីឱ្យចាត់ការតាមច្បាប់ ។
ម្ចាស់ហាងលោក ហេង គង់ បានបញ្ជាក់ថា ក្រោយពេលដែលដាក់ពាក្យបណ្តឹងសមត្ថកិច្ចនៅស្រុកមង្គលបូរី ដូចជាមិនឃើញមានការអនុវត្តច្បាប់ចំពោះជនដែលប្រព្រឹត្តបទល្មើសនៅឡើយ ទើបនៅថ្ងៃទី៧ ខែកម្ភៈ លោកបានដាក់ពាក្យបណ្តឹងទៅសាលាដំបូងខេត្ត ដើម្បីចាត់ការឱ្យបានឆាប់ ព្រោះថាពួកគាត់ជាជនរងគ្រោះដេកមិនលក់បក់មិនល្ហើយ ដោយសារជនដែលប្រព្រឹត្តនៅក្រៅរង្វង់ច្បាប់នៅឡើយ ព្រមទាំងមានអាវុធទៀតផង ។
លោកឧត្តមសេនីយ៍ត្រី ភ្លន់ តារ៉ា មេបញ្ជាការតំបន់ប្រតិបត្តិការសឹករងខេត្តធ្លាប់បានប្រាប់ថាលោកវរសេនីយ៍ត្រី កែវ ស៊ុនលី អត្តលេខ០៦២៥០៤មុខងារមេបញ្ជាការផ្នែកសឹករងមង្គលបូរីត្រូវបានជាប់វិន័យទណ្ឌកម្មកងឯកភាពតំបន់ប្រតិបត្តិការសឹករងកាលពីថ្ងៃទី៣ ខែកុម្ភៈ ។
លោក សួន បវរ អភិបាលខេត្តមានប្រសាសន៍ថា បញ្ហាដែលកើតឡើងចំពោះម្ចាស់ហាងលោក ហេង គង់ និងអ្នកបម្រើក្នុងហាងត្រូវបានដាក់ពាក្យទៅស្ថាប័នមានសមត្ថកិច្ចស្រុកមង្គលបូរី និងទៅសាលាដំបូងខេត្ត ដើម្បីចាត់ការតាមច្បាប់រួចហើយ ដូច្នេះសំណុំរឿងនេះស្ថិតលើយុត្ថាធិការរបស់តុលាការហើយ គឺតុលាការមានសមត្ថកិច្ចចាត់ការ ៕
ចែករំលែកព័តមាននេះ