ថ្ងៃក្រោយឲ្យរាង ! ដើរពពាយនាយលក់ម៉ូតូក្នុងតម្លៃថោក
ខេត្តបន្ទាយមានជ័យ ៖ បុរសម្នាក់ខណៈដើរពពាយនាយលក់ម៉ូតូក្នុងតម្លៃថោកត្រូវបានសមត្ថកិច្ចចាប់ខ្លួនកាលពីរសៀលថ្ងៃទី៩ ខែកុម្ភៈ ឆ្នាំ២០១៧ នៅចំណុចភូមិក្បាលកោះ …
ខេត្តបន្ទាយមានជ័យ ៖ បុរសម្នាក់ខណៈដើរពពាយនាយលក់ម៉ូតូក្នុងតម្លៃថោកត្រូវបានសមត្ថកិច្ចចាប់ខ្លួនកាលពីរសៀលថ្ងៃទី៩ ខែកុម្ភៈ ឆ្នាំ២០១៧ នៅចំណុចភូមិក្បាលកោះ …
ខេត្តបន្ទាយមានជ័យ ៖ បុរសម្នាក់ខណៈដើរពពាយនាយលក់ម៉ូតូក្នុងតម្លៃថោកត្រូវបានសមត្ថកិច្ចចាប់ខ្លួនកាលពីរសៀលថ្ងៃទី៩ ខែកុម្ភៈ ឆ្នាំ២០១៧ នៅចំណុចភូមិក្បាលកោះ សង្កាត់ប៉ោយប៉ែត ក្រុងប៉ោយប៉ែត ។
ជនសង្ស័យឈ្មោះ សុខ ស៊ីណា ភេទប្រុស អាយុ៣៥ឆ្នាំ មានទីលំនៅភូមិចំការសំរោង សង្កាត់ចំការសំរោង ក្រុងបាត់ដំបង ។
ប្រភពពីសមត្ថកិច្ចបានឲ្យដឹងថា កាលពីយប់ថ្ងៃទី៨ ខែកុម្ភៈ ឆ្នាំ២០១៧ ជនសង្ស័យបានខ្ចីម៉ូតូម៉ាកហុងដាឌ្រីម សេ១២៥ ពណ៌ខ្មៅ ស៊េរីឆ្នាំ២០១៦របស់ឈ្មោះ ទូច សួស្តី ភេទប្រុស អាយុ២៦ឆ្នាំ ជាយោធាវរ៥០៦ប្រចាំការនៅបន្ទាត់ព្រំដែនស្រុកសំពៅលូន ខេត្តបាត់ដំបង ដោយប្រាប់ថា ខ្ចីទៅហូបបាយមួយភ្លែត ស្រាប់តែជិះបង្ហួសទៅលក់នៅក្រុងប៉ោយប៉ែតក្នុងតម្លៃ៩០០ដុល្លារអាមេរិក ។
ប្រភពបន្តថា បន្ទាប់ពីមានសេចក្តីរាយការណ៍ពីប្រជាពលរដ្ឋថា មានគេដើរលក់ម៉ូតូក្នុងតម្លៃថោកគួរឲ្យសង្ស័យ សមត្ថកិច្ចបានចុះទៅដល់ភ្លាម ហើយឃាត់សួរនាំ និងពិនិត្យលេខម៉ាស៊ីនទើបដឹងថាជាម៉ូតូដែលជនរងគ្រោះកំពុងតាមរក ។
នៅចំពោះមុខសមត្ថកិច្ច ជនសង្ស័យសារភាពថា ខ្លួនពិតជាបានប្រព្រឹត្តដូចការចោទប្រកាន់មែន ។
លោកវរសេនីយ៍ទោ ធិន ស៊ិនដេត អធិការនគរបាលក្រុងប៉ោយប៉ែត បានប្រាប់តាមទូរស័ព្ទឲ្យដឹងថា ជនសង្ស័យនិងម៉ូតូក្រោយធ្វើកំណត់ហេតុរួច ត្រូវបានបញ្ជូនទៅស្នងការដ្ឋាននគរបាលខេត្តដើម្បីបន្តនីតិវិធី ព្រោះជនសង្ស័យបានកាច់ស្លាកលេខម៉ូតូចោលនៅក្រុងសិរីសោភ័ណ ៕
ចែករំលែកព័តមាននេះ