ប្រធានាធិបតីអាមេរិកលោកដូណាល់ ត្រាំ ខឹងខ្លាំង ហើយបញ្ចេញប្រតិកម្មភ្លាមៗ ក្រោយពីសាលាឧទ្ធរណ៍សហព័ន្ធសាន់ហ្វ្រាន់ស៊ីស្កូ កាលពីថ្ងៃទី៩ កុម្ភៈ សម្រេចរក្សាទុកការផ្អាកអនុវត្តក្រិត្យរបស់លោកប្រឆាំងពួកអន្តោប្រវេសន៍ ។ ចៅក្រមទាំង៣រូបនៃតុលាការសាលាឧទ្ធរណ៍ក្នុងការសម្រេចមួយសរសេរថា សំណើតវ៉ាបន្ទាន់របស់រដ្ឋាភិបាលសហព័ន្ធត្រូវបានបដិសេធជាឯកច្ឆ័ន្ទ ដោយទទូចលើភាពចាំបាច់ ការពារផលប្រយោជន៍ទូទៅ ។
ចៅក្រមទាំង៣រូបក៏គូសបញ្ជាក់ដែរថា រដ្ឋាភិបាលពុំបានបង្ហាញភស្តុតាងដែលជនបរទេសម្នាក់របស់ប្រទេសណាមួយក្នុងចំណោមប្រទេស៧ ដែលហាមឃាត់ធ្លាប់ប្រព្រឹត្តការវាយប្រហារភេរវកម្មមួយនៅសហរដ្ឋអាមេរិកកាលពីមុន ។ តាម TWITTER លោកត្រាំ បញ្ចេញប្រតិកម្មថា សន្តិសុខជាតិរបស់យើងកំពុងមានបញ្ហា ហើយដោយសារតុលាការ ។ សរសេរជាអក្សរធំ លោកត្រាំ បញ្ជាក់ថា សេតវិមានពេលនេះអាចធ្វើការតវ៉ាទៅតុលាការកំពូលសហរដ្ឋអាេមរិក ចំពោះការសម្រេចរបស់តុលាការសាលាឧទ្ធរណ៍ ។
ក្នុងព្យុះភ្លៀងជាមួយបណ្តាចៅក្រមអាេមរិក លោកត្រាំ សន្យាកាលពីថ្ងៃទី៩ កុម្ភៈ ដោយមានវត្តមានរបស់រដ្ឋមន្ត្រីយុត្តិធម៌ថ្មី ពីសករាជថ្មីមួយក្នុងការតស៊ូប្រឆាំងឧក្រិដ្ឋកម្ម និងការគំរាមកំហែងភេរវកម្ម ។
ដោយលើកពីការគំរាមកំហែងខ្លាំងនានាដែលលោកថា ចំពោះអាមេរិក លោកត្រាំ អះអាងពីឆន្ទៈរបស់លោកកម្ទេចបណ្តាក្រុមឧក្រិដ្ឋជនដែលកំពុងរីករាលដាលក្នុងប្រទេស ហើយបំផ្លាញយុវជនអាមេរិក ។ លោកមានប្រសាសន៍ថា យើងកំពុងប្រឈមមុខនឹងឧក្រិដ្ឋកម្មដែលមានការកើនឡើង ហើយកំពុងរងការគំរាមកំហែងភេរវកម្មបង្ហូរឈាម ។ មុនពេលចុះហត្ថលេខាលើក្រិត្យ៣ដែលគ្រោង ជាពិសេសបង្កើតក្រុមការងារមួយទទួលបន្ទុកកាត់បន្ថយឧក្រិដ្ឋកម្មហិង្សា លោកត្រាំ បន្តថា សករាជថ្មីនៃយុត្តិធម៌ចាប់ផ្តើម ហើយចាប់ផ្តើមភ្លាមៗតែម្តង ៕
ចែករំលែកព័តមាននេះ