រាជធានីភ្នំពេញ ៖ បុរសជាអ្នករត់ម៉ូតូឌុបកំពុងដឹកស្ត្រីម្នាក់ ស្រាប់តែត្រូវជនបង្កជិះដេញតាមជេរ និងវាយ រហូតធ្វើឱ្យអ្នកលក់បន្លែនៅផ្សារដើម.គ ស្មានតែជាអ្នកកាងស្រីក៏នាំគ្នាព្រួតវាយបុរសម៉ូតូឌុបឡើងទ្រមខ្លួន និងវាយម៉ូតូខ្ទេចមួយកំណាត់មុខ បង្កភ្ញាក់ ផ្អើល កាលពីវេលាម៉ោង១១ និង៣០នាទីយប់ថ្ងៃទី៩ កុម្ភៈ ស្ថិតតាមបណ្តោយផ្លូវមុនីរ៉េត (ចំណុចផ្សារដើម.គ) ក្នុងសង្កាត់ផ្សារដើមគ ខណ្ឌទួលគោក ។
មុនពេលកើតហេតុ គេឃើញបុរសម្នាក់ជិះម៉ូតូម៉ាកហុងដាឌ្រីម ពណ៌ខ្មៅ ស៊េរី២០១៦ ពាក់ស្លាកលេខភ្នំពេញ1FV-2653 ធ្វើដំណើរ តាមបណ្តោយផ្លូវព្រះមុនីរ៉េត ក្នុងទិសដៅពីលិចទៅកើត ខណៈពេលមកដល់ចំណុចកើតហេតុ ឃើញបុរស២នាក់ជិះម៉ូតូម៉ាកអាយខុនមួយគ្រឿង មិនចាំពណ៌ បានជិះមកពីក្រោយ ហើយជេរស្ត្រីម្នាក់នោះ រហូតដល់បុរសរងគ្រោះឈប់ម៉ូតូនៅចំណុចផ្សារដើម.គ ស្រាប់តែបុរស២នាក់ជិះម៉ូតូអាយខន បានវាយស្ត្រីដែលជិះម៉ូតូ ហើយត្រូវបុរសអ្នកឌុប ក៏បានវាយទៅលើបុរសនោះវិញ ធ្វើឲ្យប្រជាពលរដ្ឋ រួមនិងអាជីវករលក់បន្លែផ្សារដើមគនឹកស្មានថា បុរសជិះម៉ូតូហុងដាឌ្រីមជាអ្នកកាងស្រី បាននាំគ្នាព្រួតវាយមួយដៃមួយជើង រងរបួសយ៉ាងដំណំនិងវាយម៉ូតូបែកចង្កៀងមុខ ។
ភ្លាមៗនោះ ជនបង្កបានរត់គេចខ្លួនចូលក្នុងផ្សារបាត់អស់ ចំណែកស្ត្រីដែលជិះម៉ូតូជនរងគ្រោះ និងបុរស២នាក់ជិះម៉ូតូអាយខុន ក៏បានជិះចេញទៅបាត់អស់ ។
បើតាមសម្តីជនរងគ្រោះថា គាត់ជាអ្នករត់ម៉ូតូឌុប មុនពេលកើតហេតុ គាត់បានដឹកស្ត្រីម្នាក់ មិនស្គាល់អត្តសញ្ញាណពីស្ទឹងមានជ័យទៅព្រែកលៀប ។ ខណៈពេលដែលគាត់ជិះមកដល់ផ្សារដើមគរ ក្នុងទិសដៅពីលិចទៅកើត ក៏ស្រាប់តែមានបុរស២នាក់ជិះម៉ូតូអាយខុន ជិះមកតាមពីក្រោយ ហើយជេរស្ត្រីដែលគាត់ឌុបពេលនោះរហូត គាត់ស្មានថា ពីរនាក់នឹងតាមរករឿងរកវ៉ៃគាត់ឬក៏ប៉ុន ប៉ងប្លន់យកម៉ូតូរបស់គាត់ ព្រោះម៉ូតូថ្មីទើបនឹងទិញ ។
ពេលនោះ គាត់បានជិះទៅដល់ស្តុបអាងទឹកក៏បត់ត្រឡប់មកដល់ផ្សារដើមគរ គាត់បានឈប់ឲ្យគេជួយ ស្រាប់តែជនបង្កទាំង២នាក់បានឈប់វាយស្ត្រី ដែលគាត់ឌុបហើយខ្លាច ជនបង្កវាយទាំងគាត់ទៀត គាត់ក៏វាយទៅ លើជនបង្កវិញ ធ្វើឲ្យអ្នកលក់ដូរនៅក្បែរនោះស្មានតែគាត់ជាអ្នកកាងស្រីក៏បាននាំគ្នាព្រួត វាយរូបគាត់មួយដៃមួយជើងទ្រពខ្លួននិងវាយម៉ូតូខ្ទេចអស់មួយកំណាត់មុខ ។
ចែករំលែកព័តមាននេះ