ខេត្តកោះកុង ៖ កម្លាំងកងរាជអាវុធហត្ថខេត្ត និងបុគ្គលិកអង្គការសម្ព័នមិត្តសត្វព្រៃ ប្រចាំខេត្តកោះកុង បានឃាត់ខ្លួនជនសង្ស័យស្លៀកពាក់ស៊ីវិល ចំនួន២នាក់ ក្នុងចំណោមបក្ខពួកចំនួន ៤នាក់ ខណៈជនសង្ស័យ ២នាក់ផ្សេងទៀត បានរត់គេចខ្លួន ។
ការឃាត់ខ្លួនជនសង្ស័យ ២នាក់នេះ ធ្វើឡើងកាលពីវេលាម៉ោង០១និង៤០នាទីយប់រំលងអធ្រាត្រឈានចូលថ្ងៃទី៦ ខែកញ្ញា ឆ្នាំ២០២២ ស្ថិតនៅចំណុចភូមិទឹកល្អក់ឃុំ ជីផាតស្រុកថ្មបាំង ខេត្តកោះកុង ខណៈពួកគេទាំង៤នាក់ បានបើកបរថយន្ត១គ្រឿងស្លាកលេខ«ខ.ម» ចូលទៅតំបន់ការពារធម្មជាតិ«ឧទ្យានជាតិជួរភ្នំ ក្រវាញខាងត្បូង» ដើម្បីបរបា.ញ់សម្លា.ប់សត្វព្រៃដោយខុសច្បាប់។
ជនសង្ស័យ ២នាក់ ដែលត្រូវឃាត់ខ្លួន រួមមាន ៖
ទី១. ឈ្មោះ ស្រី វាសនា ភេទប្រុស អាយុ៣៥ឆ្នាំ ជនជាតិខ្មែរ មុខរបរជាបុគ្គលិកក្រុមហ៊ុន មានទីលំនៅ ភូមិអូរដឹម សង្កាក់ចោមចៅ ខណ្ឌសែនសុខ រាជធានីភ្នំពេញ ។
និងទី២. ឈ្មោះ ហុង រត្នមុនី ភេទប្រុស អាយុ២៩ឆ្នាំ ជនជាតិខ្មែរ មានទីលំនៅសង្កាត់ទឹកល្អក់១ ខណ្ឌទទួលគោក រាជធានីភ្នំពេញ ។
វត្ថុតាងដែលបានដកហូត រួមមាន ៖ រថយន្តម៉ាក ហ្វតពណ៌ត្រេអ៊ី ពាក់ផ្លាកលេខ ខេមរភូមិន្ទ 02 2-4793 ចំនួន ១គ្រឿង, សត្វប្រើស ០១ក្បាល, សម្ពោច ០១ក្បាល, សាច់សត្វមួយស្បោងតូច, អាវុធចំនួន ០៥ដើម វែង០២ដើម ខ្លី០៣ដើម និងគ្រាប់ចំនួន ៥៩គ្រាប់ ។
បច្ចុប្បន្ន ជនសង្ស័យទាំង២នាក់ កំពុងឃុំខ្លួននៅក្នុងមន្ទីរបរិស្ថានខេត្តកោះកុង ដោយបន្តកសាងសំណុំរឿងបញ្ជូនទៅតុលាការ ចាត់ការតាមនីតិវិធីច្បាប់៕
ត្រូវបានកម្លាំងកងរាជអាវុធហត្ថខេត្ត និងបុគ្គលិកអង្គការសម្ព័នមិត្តសត្វព្រៃ បញ្ជូនខ្លួនទៅមន្ទីរបរិស្ថានខេត្តកោះកុង កសាងសំណុំរឿងបញ្ជូនទៅតុលាការ តាមនីតិវិធីច្បាប់ ៕
ចែករំលែកព័តមាននេះ