លោកRoger Logan អាយុ៥៧ឆ្នាំ នៅរដ្ឋមីស៊ីស៊ីពី សហរដ្ឋអាមេរិក ក្រោយពីតស៊ូរស់នៅជាមួយដុំសាច់អស់រយៈពេលជាច្រើនឆ្នាំកន្លងមក មិនអាចដើរបាន និងដេកតែលើសាឡុង ទីបំផុតបានវះកាត់យកចេញហើយ ។
វេបសាយ«Metro»កាលពីថ្ងៃទី៧ ខែកុម្ភៈ ២០១៧ បញ្ជាក់ថាលោកRogerបានចូលវះកាត់នៅមន្ទីរពេទ្យBakerfield កាលពីថ្ងៃទី៣១ មករា យកសាច់ដុះដ៏ធំទម្ងន់ជិត៥៩គីឡូក្រាមចេញ ។
លោកវេជ្ជបណ្ឌិតជាអ្នកវះកាត់ឱ្យដឹងថា សាច់ដុះបានញែកចេញពីក្បាលពោះផ្នែកខាងមុខអស់រយៈពេលជាង១០ឆ្នាំមកហើយ មូលហេតុអាចមកពីឆ្លងវីរុស ។
កាលពីច្រើនឆ្នាំមុន លោកRogerធ្លាប់ត្រួតពិនិត្យដងខ្លួននៅមន្ទីរពេទ្យ ប៉ុន្តែគ្រូពេទ្យត្រឹមតែប្រាប់ថា«លោកធាត់»ធ្វើឱ្យសាមីខ្លួនត្រូវទ្រាំទ្រនឹងដុំសាច់ក្នុងរាងកាយបន្តទៀតរហូតមានទម្ងន់ជិត៥៩គីឡូក្រាម ។ ក្រោយមកទៅជួបគ្រូពេទ្យម្តងទៀតត្រូវពេទ្យប្រាប់ថាដុះសាច់ធំប្រឈមមុខនឹងការវះកាត់ដែលមានឱកាសរស់រានមានជីវិតប្រហែល៥០%ប៉ុណ្ណោះ ។
ប្រពន្ធរបស់លោកRogerព្យាយាមមករកគ្រូពេទ្យជំនាញព្យាបាលឱ្យខាងតែបាន និងរកពេទ្យជំនាញនៅមន្ទីរពេទ្យមួយក្នុងរដ្ឋកាលីហ្វ៊័រនីញ៉ា ឆ្ងាយពីផ្ទះរបស់អ្នកខ្លួនប្រហែល៣.២០០គីឡូម៉ែត្រ ។
ការវះកាត់នោះប្រកបដោយសុវត្ថិភាព និងអាចដើរបានជាលើកដំបូងក្នុងរយៈពេលជាច្រើនឆ្នាំកន្លងទៅ ដោយសង្ឃឹមថាRogerអាចរស់នៅដូចមនុស្សទូទៅដែរ ៕
ចែករំលែកព័តមាននេះ