ស្ថាបនាផ្លូវតាមខ្សែក្រវាត់ព្រំដែនកម្ពុជា-វៀតណាមនៅខេត្តរតនគិរី
ខេត្តរតនគិរី ៖ លោកឧត្តមសេនីយ៍ឯក សៀក សុជាតិ នាយកទីចាត់ការ ការពារព្រំដែន អគ្គបញ្ជាការនៃកងយោធពលខេមរភូមិន្ទ និងលោកថង សាវុន អភិបាលខេត្ត
ខេត្តរតនគិរី ៖ លោកឧត្តមសេនីយ៍ឯក សៀក សុជាតិ នាយកទីចាត់ការ ការពារព្រំដែន អគ្គបញ្ជាការនៃកងយោធពលខេមរភូមិន្ទ និងលោកថង សាវុន អភិបាលខេត្ត
ខេត្តរតនគិរី ៖ លោកឧត្តមសេនីយ៍ឯក សៀក សុជាតិ នាយកទីចាត់ការ ការពារព្រំដែន អគ្គបញ្ជាការនៃកងយោធពលខេមរភូមិន្ទ និងលោកថង សាវុន អភិបាលខេត្តរតនគិរី នាព្រឹកថ្ងៃទី៨ កុម្ភៈ បានអញ្ជើញទៅពិនិត្យការងារឈូសឆាយ ស្ថាបនាផ្លូវតាមបណ្តោយខ្សែក្រវាត់ព្រំដែនកម្ពុជា-វៀតណាម ។
លោកឧត្តមសេនីយ៍ឯកសៀក សុជាតិ មានប្រសាសន៍ថា រាជរដ្ឋាភិបាលកម្ពុជាក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន តែងតែគិតគូរជានិច្ចចំពោះការអភិវឌ្ឍតាមតំបន់ព្រំដែន ដើម្បីប្រែក្លាយតំបន់តាមព្រំដែនឱ្យទៅជាព្រំដែនសន្តិភាព មិត្តភាព និងការអភិវឌ្ឍ ។ ជាក់ស្តែងការឈូសឆាយ ស្ថាបនាផ្លូវតាមបណ្តោយព្រំដែនខេត្តរតនគិរី នៃព្រះរាជាណាចក្រកម្ពុជា និងខេត្តយ៉ាឡាយ នៃសាធារណរដ្ឋសង្គមនិយមវៀតណាម ពីចំណុចបង្គោលព្រំដែនលេខ៣០ ឆ្ពោះទៅតំបន់មុំបីកន្ទុយនាគ ។
ផ្លូវនេះស្ថាបនាឈូសសឆាយដោយកងវិស្វកម្មនៃយោធពលខេមរភូមិន្ទ បច្ចុប្បន្នឈូសឆាយត្រាសសេបើកផ្លូវបានប្រវែង២៧គីឡូម៉ែត្រ ហើយនឹងបន្តឈូសឆាយឱ្យដល់តំបន់មុំបីកន្ទុយនាគតាមផែនការ ។
លោកឧត្តមសេនីយ៍ឯកសៀក សុជាតិ លើកឡើងថា ផ្លូវនេះជំហានដំបូងគឺក្រាលក្រួសក្រហមសិន ហើយនឹងឈានទៅក្រាលបេតុង ឬក្រាលកៅស៊ូតែម្តងនាពេលអនាគត ពីព្រោះផ្លូវតាមខ្សែក្រវាត់ព្រំដែនគឺជាផ្លូវយុទ្ធសាស្ត្រសម្រាប់ការពារបូរណភាពទឹកដី ក៏ដូចជាបម្រើឱ្យផលប្រយោជន៍រួមរបស់ប្រជាពលរដ្ឋទូទៅ ៕
ចែករំលែកព័តមាននេះ