រាជធានីភ្នំពេញ ៖ ស្ត្រីម្នាក់បើករថយន្តទើបតែចេញពីហូបការគេ ជិះមកស្ទះចរាចរណ៍តែចេះតែបើករុលទៅៗ ក៏ជ្រុលទៅបុកគូទរថយន្តរបស់ស្ថានទូតអាមេរិក ដោយរងការខូចខាតតិចតួច ប៉ុន្តែភាគីទាំងពីរចរចាមិនត្រូវគ្នាសោះ រហូតដល់ទៅ៣ម៉ោង បង្កឱ្យកកស្ទះចរាចរណ៍ ធ្វើឱ្យដំណើរម្នាក់ៗតឹងចិត្តខ្លាំងណាស់ កាលពីវេលាម៉ោង០៨ និង៣០នាទីយប់ថ្ងៃទី៩ កុម្ភៈ ស្ថិតតាមបណ្តោយផ្លូវសុរាម្រិតកែងផ្លូវសុធារស ក្នុងសង្កាត់ចតុមុខ ខណ្ឌដូនពេញ។
បើតាមសាក្សីឃើញហេតុការណ៍ឱ្យដឹងថា មុនពេលកើតហេតុ គេឃើញស្ត្រីខាងលើ បើករថយន្តម៉ាកកាមរីបាឡែន ពណ៌.ស ពាក់ស្លាកលេខភ្នំពេញ 2AK-4350 បើកបរតាមបណ្តោយផ្លូវសុរាម្រិត ក្នុងទិសដៅពីកើតទៅលិច ។ លុះមកដល់ចំណុចកើតហេតុ ផ្លូវកំពុងតែស្ទះចរាចរណ៍ចេះតែបើករំកិលទៅមុខម្តងបន្តិចៗ ក៏ជ្រុលទៅបុកគូទរថយន្ត MONTERO SPORT ពណ៌ខ្មៅ ពាក់ស្លាកលេខភ្នំពេញ2H2147 (ជារថយន្តរបស់ស្ថានទូតអាមេរិក) បើកបរស្របទិសគ្នា ក៏ប៉ះគ្នារងការខូចខាតបន្តិចបន្តួច ប៉ុន្តែភាគីទាំងសងខាងចរចាគ្នាទេ ។
ក្រោយមក គេឃើញខាងភាគីរថយន្តបង្កបានទូរស័ព្ទហៅប្តីមកជួយដោះស្រាយនៅតែមិនត្រូវគ្នា ដោយខាងរថយន្តស្ថានទូតអាមេរិកទាមទារសំណងចំនួន50$ ប៉ុន្តែខាងរថយន្តបង្កមានតែ២០ដុល្លារ ខាងរថយន្តរងគ្រោះមិនព្រម នៅចរចាគ្នា៣ម៉ោង នៅតែមិនត្រូវគ្នា ទើបសមត្ថកិច្ចវាស់វែងយកទៅរក្សាទុកនៅការិយាល័យចរាចរណ៍ជើងគោក រង់ចាំដោះស្រាយគ្នាពេលក្រោយ ។
ចែករំលែកព័តមាននេះ