ខេត្តប៉ៃលិន ៖ ស្ត្រីសមាជិកភូមិម្នាក់រងរបួសថ្ងាស និងជាំមុខ ដោយសារប្អូនប្រុសបង្កើតដាល់ខណៈឈ្លោះប្រកែកគ្នារឿងមើលម្តាយដេកឈឺនៅក្នុងផ្ទះ លុះប្រកែកគ្នាចុះឡើងៗក៏បង្កហិ.ង្សារងរបួសតែម្តង ។ ហេតុការណ៍នេះ បានកើតឡើងកាលពីវេលាម៉ោង៨និង១៥នាទីថ្ងៃទី០៦ កញ្ញា…
ខេត្តប៉ៃលិន ៖ ស្ត្រីសមាជិកភូមិម្នាក់រងរបួសថ្ងាស និងជាំមុខ ដោយសារប្អូនប្រុសបង្កើតដាល់ខណៈឈ្លោះប្រកែកគ្នារឿងមើលម្តាយដេកឈឺនៅក្នុងផ្ទះ លុះប្រកែកគ្នាចុះឡើងៗក៏បង្កហិ.ង្សារងរបួសតែម្តង ។ ហេតុការណ៍នេះ បានកើតឡើងកាលពីវេលាម៉ោង៨និង១៥នាទីថ្ងៃទី០៦ កញ្ញា ស្ថិតនៅក្នុងភូមិប៉ាងរលឹម សង្កាត់អូរតាវ៉ៅ ក្រុងប៉ៃលិន ខេត្ដប៉ៃលិន។
ប្រភពព័ត៌មានពីនគរបាលបានឱ្យដឹងថា ស្ត្រីជនរងគ្រោះឈ្មោះ ប៉ែន ចាន់ថន អាយុ៥០ឆ្នាំ ជាសមាជិកភូមិ រស់នៅភូមិប៉ាងរលឹម សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន (ត្រូវជាបងស្រីបង្កើតរបស់ជនសង្ស័យ)។ ចំណែកជនសង្ស័យមានឈ្មោះ ប៉ែន ចាន់រ៉ាម ភេទប្រុស អាយុ៤៣ឆ្នាំ ជាកសិករ រស់នៅភូមិជាមួយគ្នា ត្រូវជាប្អូនប្រុសបង្កើតរបស់ជនរងគ្រោះ ។
ប្រភពព័ត៌មានបានឱ្យដឹងទៀតថា កម្លាំងផែននគរបាលយុត្តិធម៌នៃអធិការដ្ឋាននគរបាលក្រុងប៉ៃលិនបានទទួលពាក្យបណ្តឹងករណីហិ.ង្សាក្នុងគ្រួសារ កើតឡើងនៅចំណុចផ្ទះលោកស្រី ប៉ែន ចាន់ថន ជាសមាជិកភូមិ ដោយនៅថ្ងៃកើតហេតុ ជនសង្ស័យខាងលើបានជិះម៉ូតូមកដល់ផ្ទះជនរងគ្រោះជាបងស្រី ដើម្បីមើលម៉ែឈឺ ។ តែពេលមកដល់ក៏បាននិយាយថា «ហេតុអីមិនមើលថែម៉ែឲ្យបានល្អ ហើយថ្នាំដែលទិញមកម៉េចមិនដាក់ឲ្យម៉ែលេប» ។
ពេលនោះ ជនរងគ្រោះជាបងស្រីបានឆ្លើយតបថា «បើគាត់មិនដឹងថ្នាំអីផង បើឱ្យម៉ែលេបអាចនឹងមានគ្រោះថ្នាក់» ទើបបង្កជាមានទំនាស់ពាក្យសម្ដីគ្នាទៅវិញទៅមក រហូតឈានដល់វ៉ៃគ្នាតប់គ្នាទៅវិញទៅមកដោយប្រើដៃនិងដៃ បណ្ដាលឲ្យមានស្នាមហើមជាំនៅចំថ្ងាស និងរបួសហូរឈាមតែម្តង។
បើយោងតាមពាក្យបណ្តឹងនិងសំណូមពររបស់ដើមបណ្តឹងដែលជាជនរងគ្រោះ សំណូមពរឲ្យកម្លាំងសមត្ថកិច្ចអនុវត្តតាមនីតិវិធី ៕
ចែករំលែកព័តមាននេះ