បាត់គោមួយក្បាល សំណាងល្អរកឃើញវិញហើយឃាត់ខ្លួនជនសង្ស័យ៣នាក់
ខេត្តពោធិ៍សាត់ ៖ ជនសង្ស័យ០៣នាក់បានត្រូវបានកម្លាំងកងរាជអាវុធហត្ថឃាត់ខ្លួន បន្ទាប់ពីលួចគោកូនកាត់មួយក្បាលរបស់ប្រជាពលរដ្ឋនៅឃុំត្រពាំងជងកាលពីថ្ងៃទី០៧
ខេត្តពោធិ៍សាត់ ៖ ជនសង្ស័យ០៣នាក់បានត្រូវបានកម្លាំងកងរាជអាវុធហត្ថឃាត់ខ្លួន បន្ទាប់ពីលួចគោកូនកាត់មួយក្បាលរបស់ប្រជាពលរដ្ឋនៅឃុំត្រពាំងជងកាលពីថ្ងៃទី០៧
ខេត្តពោធិ៍សាត់ ៖ ជនសង្ស័យ០៣នាក់បានត្រូវបានកម្លាំងកងរាជអាវុធហត្ថឃាត់ខ្លួន បន្ទាប់ពីលួចគោកូនកាត់មួយក្បាលរបស់ប្រជាពលរដ្ឋនៅឃុំត្រពាំងជងកាលពីថ្ងៃទី០៧ ខែកុម្ភៈ ហើយបានតាមទៅរកឃើញនៅឃុំស្វាយដូនកែវ ស្រុកបាកាន នៅថ្ងៃទី០៨ កុម្ភៈ វេលាម៉ោង៤និង៣០នាទីល្ងាច។ លោកអនុសេនីយ៍ឯក ហួន ហាំង មេបញ្ជាការមូលដ្ឋានកងរាជអាវុធហត្ថស្រុកបាកានបានឲ្យដឹងថា ជនសង្ស័យដែលឃាត់ខ្លួនទាំង០៣នាក់នេះមានឈ្មោះ ១.ស សិត ភេទប្រុស អាយុ២១ឆ្នាំ រស់នៅភូមិអូរតាប៉ោង ឃុំអូរតាប៉ោង ២.ឈ្មោះ ថង ចាន់ថន ភេទប្រុស អាយុ៣៥ឆ្នាំ រស់នៅភូមិនិគមន៍ ឃុំស្វាយដូនកែវ និង៣.ឈ្មោះ ខុន នី ភេទប្រុសអាយុ៣២ឆ្នាំ រស់នៅភូមិគុម្ពោតអាង ឃុំស្វាយដូនកែវ ស្រុកបាកាន។
ឃាត់ខ្លួនតាមពាក្យបណ្ដឹងរបស់ប្រជាពលរដ្ឋឈ្មោះ យ៉ែម ញឹប ភេទប្រុស អាយុ៤៨ឆ្នាំ រស់នៅភូមិអូររំចេក ឃុំត្រពាំងជង ស្រុកបាកាន ដែលបានមកដាក់ពាក្យបណ្ដឹងថា កាលពីថ្ងៃទី០៧ ខែកុម្ភៈ គាត់បានបាត់គោឈ្មោលកូនកាត់មួយក្បាលសប្បុរ សអាយុ១១ខែ ខណៈពេលចងឲ្យស៊ីស្មៅនៅវាលស្រែខាងក្រោយភូមិ។ លោក ហួន ហាំង បន្តថា នៅពេលទទួលបានពាក្យបណ្ដឹងនេះ លោកបានដឹកនាំកម្លាំងចុះទៅស្រាវជ្រាវមុខសញ្ញាចាស់ដោយបានយកម្ចាស់គោទៅជាមួយផងដែរ។
កម្លាំងរបស់លោកបានចុះសព្វទីកន្លែងក្នុងភូមិសាស្ត្រស្រុកបាកាន លុះវេលាម៉ោង១៦និង៣០នាទី រសៀលថ្ងៃទី០៨ ស្រាប់តែឃើញក្រុមមុខសញ្ញាខាងលើកំពុងដឹកនៅភូមិនិគមន៍ ឃុំស្វាយដូនកែវ ក៏ធ្វើការឃាត់ខ្លួនទាំង០៣នាក់តែម្ដង។ លោកមេបញ្ជាការមូលដ្ឋានកងរាជអាវុធហត្ថស្រុកបានឲ្យដឹងថា ចំពោះគោឈ្មោលមួយក្បាលនេះបានប្រគល់ឲ្យទៅម្ចាស់ដើមវិញនៅថ្ងៃទី០៩នេះ ដោយមានការអនុញ្ញាតពីលោក ឡុង ជាប ព្រះរាជអាជ្ញាអមសាលាដំបូងខេត្ត។ ចំណែកជនសង្ស័យទាំង០៣នាក់បានបង្កសំណុំរឿងបញ្ជូនទៅសាលាដំបូងដើម្បីចាត់ការបន្តតាមនីតិវិធី៕
ចែករំលែកព័តមាននេះ