ហ៊ានម្ល៉េះ ! ស្ទុះចូលទៅឱបនិងលេងប្រដាប់ភេទរបស់នាង
ខេត្តបន្ទាយមានជ័យ ៖ នារីវ័យក្មេងម្នាក់ខណៈកំពុងងូតទឹកនៅក្នុងបន្ទប់ទឹក ស្រាប់តែបងប្រុសចិញ្ចឹមរបស់នាងសម្រុកចូលទៅចាប់ឱប ហើយប្រើម្រាមដៃលេងប្រដាប់ភេទ …
ខេត្តបន្ទាយមានជ័យ ៖ នារីវ័យក្មេងម្នាក់ខណៈកំពុងងូតទឹកនៅក្នុងបន្ទប់ទឹក ស្រាប់តែបងប្រុសចិញ្ចឹមរបស់នាងសម្រុកចូលទៅចាប់ឱប ហើយប្រើម្រាមដៃលេងប្រដាប់ភេទ …
ខេត្តបន្ទាយមានជ័យ ៖ នារីវ័យក្មេងម្នាក់ខណៈកំពុងងូតទឹកនៅក្នុងបន្ទប់ទឹក ស្រាប់តែបងប្រុសចិញ្ចឹមរបស់នាងសម្រុកចូលទៅចាប់ឱប ហើយប្រើម្រាមដៃលេងប្រដាប់ភេទរបស់នាងធ្វើឲ្យនាងភ័យស្រែកហៅឪពុកចិញ្ចឹមជួយ រួចនាំគ្នាទៅសមត្ថកិច្ចឲ្យជួយអន្តរាគមន៍ ។
ជនសង្ស័យឈ្មោះ សារិន តុសិតា ហៅម៉េង ភេទប្រុស អាយុ២២ឆ្នាំ រស់នៅភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ត្រូវបានអាវុធហត្ថក្រុងប៉ោយប៉ែតចាប់ខ្លួនកាលពីវេលាម៉ោង៣រសៀល ថ្ងៃទី៨ ខែកុម្ភៈ ឆ្នាំ២០១៧ ដោយចោទប្រកាន់ពីបទប្រទូសកេរ ហិង្សាក្នុងគ្រួសារ និងប្រើប្រាស់គ្រឿងញៀន ចំណែកនារីរងគ្រោះឈ្មោះ ខ.ស.ណ អាយុ២២ឆ្នាំ ត្រូវជាប្អូនចិញ្ចឹមរបស់ជនសង្ស័យ ។
នារីរងគ្រោះបានឲ្យសមត្ថកិច្ចដឹងថា កាលពីវេលាម៉ោង៨យប់ ថ្ងៃទី៧ ខែកុម្ភៈ ឆ្នាំ២០១៧ ខណៈនាងខ្លួនទទេកំពុងងូតទឹកក្នុងបន្ទប់ទឹក ស្រាប់តែជនសង្ស័យជាបងចិញ្ចឹមបានស្ទុះចូលទៅក្នុងបន្ទប់ទឹក រួចចាប់ឱបនាង និងយកម្រាមដៃលេងប្រដាប់ភេទរបស់នាងទៀត ភ្លាមៗនោះនាងក៏ស្ទុះទៅទាញក្រមារុំខ្លួន តែជនសង្ស័យបានស្ទុះទៅចាប់ឱបនាង និងលេងប្រដាប់ភេទនាងម្តងទៀត នាងក៏ស្រែកផ្អើលឆោឡោឲ្យគេជួយ ធ្វើឲ្យជនសង្ស័យភ័យក៏រត់ចេញពីបន្ទប់ទឹកវិញទៅ ។
លោក ជា សារិន ឪពុកចិញ្ចឹមនារីរងគ្រោះ និងជាឪពុកបង្កើតរបស់ជនសង្ស័យ បានឲ្យសមត្ថកិច្ចដឹងថា ក្រោយពេលកើតហេតុ គាត់បានហៅកូនប្រុសមកសួរ ស្រាប់តែកូនប្រុសខឹងគាត់យ៉ាងខ្លាំង ក៏ប្រតាយប្រតប់ជាមួយគាត់ និងទាញកាំបិតដេញកាប់គាត់ ថែមទាំងស្រែកគំរាមចង់សម្លាប់ចោលមួយពូជទៀតផង ធ្វើឲ្យគាត់ទ្រាំមិនបានក៏នាំកូនស្រីចិញ្ចឹមមកប្តឹងសមត្ថកិច្ចឲ្យចាប់ខ្លួនកូនប្រុសចិត្តតិរច្ឆាននេះដើម្បីយកមកកាត់ទោសតាមច្បាប់ ។ ឪពុកជនសង្ស័យបញ្ជាក់ថា កន្លងមកកូនប្រុសរបស់គាត់បានប្រើប្រាស់គ្រឿងញៀន ហើយបំផ្លាញទ្រព្យសម្បត្តិ និងលុយកាក់អស់ជាច្រើនមកហើយ ។
ប្រភពពីអាវុធហត្ថក្រុងប៉ោយប៉ែតបានឲ្យដឹងថា បន្ទាប់ពីទទួលពាក្យបណ្ដឹងពីនារីរងគ្រោះ និងឈ្មោះ ជា សារិន ភេទប្រុស អាយុ៥០ឆ្នាំ ជាឪពុកចិញ្ចឹមរបស់នារីរងគ្រោះ និងជាឪពុកបង្កើតរបស់ជនសង្ស័យ កម្លាំងអាវុធហត្ថបានធ្វើការស្រាវជ្រាវរហូតចាប់ខ្លួនជនសង្ស័យបាន រួចបញ្ជូនមកទីបញ្ជាការអាវុធហត្ថដើម្បីធ្វើការសាកសួរបន្ត ។
នៅចំពោះមុខសមត្ថកិច្ច ជនសង្ស័យបានសារភាពថា ខ្លួនពិតជាបានប្រព្រឹត្តដូចការចោទប្រកាន់របស់ប្អូនស្រីចិញ្ចឹម និងឪពុកបង្កើតពិតប្រាកដមែន ៕
ចែករំលែកព័តមាននេះ