កំពុងបង់សំណាញ់ម្នាក់ឯង ស្រាប់តែប្រកាច់លង់ទឹកស្លា.ប់
រាជធានីភ្នំពេញ ៖ បុរសម្នាក់ខណៈទៅបង់សំណាញ់ម្នាក់ឯងនៅក្រោយផ្ទះគេ តែម្ចាស់ផ្ទះមិនបានចាប់អារម្មណ៍ឡើយ លុះប្រហែល១ម៉ោងក្រោយមកម្ចាស់ផ្ទះក្រឡេកមើល …
រាជធានីភ្នំពេញ ៖ បុរសម្នាក់ខណៈទៅបង់សំណាញ់ម្នាក់ឯងនៅក្រោយផ្ទះគេ តែម្ចាស់ផ្ទះមិនបានចាប់អារម្មណ៍ឡើយ លុះប្រហែល១ម៉ោងក្រោយមកម្ចាស់ផ្ទះក្រឡេកមើល …
រាជធានីភ្នំពេញ ៖ បុរសម្នាក់ខណៈទៅបង់សំណាញ់ម្នាក់ឯងនៅក្រោយផ្ទះគេ តែម្ចាស់ផ្ទះមិនបានចាប់អារម្មណ៍ឡើយ លុះប្រហែល១ម៉ោងក្រោយមកម្ចាស់ផ្ទះក្រឡេកមើលមិនឃើញបុរសនោះសោះ ក៏ដើរទៅមើលស្រាប់តែប្រទះឃើញបុរសនោះជាប់នឹងសំណាញ់ក្នុងទឹកស្លាប់បាត់ទៅហើយ ។ ហេតុការណ៍នេះកើតឡើងកាលពីវេលាម៉ោង៧ និង៤០នាទីព្រឹក ថ្ងៃទី៩ ខែកុម្ភៈ ឆ្នាំ២០១៧ នៅចំណុចស្ទឹងព្រែកត្នោត ស្ថិតក្នុងភូមិស្ពានថ្ម សង្កាត់ស្ពានថ្ម ខណ្ឌដង្កោ ។
ប្រជាពលរដ្ឋដែលមានលំនៅឋានជិតកន្លែងកើតហេតុបានឲ្យដឹងថា បុរសរងគ្រោះឈ្មោះ ទូច មុន្នីរ័ត្ន អាយុ២៩ឆ្នាំ មុខរបរនៅផ្ទះ មានទីលំនៅភូមិកើតហេតុ ។ មុនពេលកើតហេតុ គាត់បានឃើញបុរសរងគ្រោះខាងលើទៅបង់សំណាញ់តែម្នាក់ឯងនៅខាងក្រោផ្ទះគាត់ លុះក្រោយមកដោយសារតែជាប់រវល់ធ្វើការងារគាត់មិនបានមើលនិងដឹងថាមានរឿងអ្វីកើតឡើងនោះឡើយ គ្រាន់តែដឹងថា បុរសនោះជាមនុស្សម្នាក់មានជម្ងឺតេតាណូសប្រចាំកាយ ឧស្សាហ៍ប្រកាច់យូរមកហើយ ។
ប្រភពដដែលបានបន្តថា លុះរយៈពេលប្រហែល១ម៉ោងក្រោយមក បន្ទាប់ពីធ្វើការងាររួច ក្រឡេកមើលទៅកន្លែងដែលបុរសនោះបង់សំណាញ់ ស្រាប់តែបាត់មិនឃើញ ដោយមានការសង្ស័យក៏បាននាំគ្នាដើរទៅមើល ស្រាប់តែប្រទះឃើញជនរងគ្រោះស្លាប់នៅក្នុងទឹកដោយជាប់នឹងសំណាញ់របស់ខ្លួនឯង ក៏នាំគ្នាលើកឡើងហើយធ្វើចលនាបេះដូងជាការសង្ក្រោះបឋម តែអកុសលបុរសនោះបានដាច់ខ្យល់ស្លាប់បាត់ទៅហើយ ។
ក្រោយពេលកើតហេតុ កម្លាំងនគរបាលមូលដ្ឋានបានចុះទៅពិនិត្យសព និងបានសន្និដ្ឋានថា ពិតជាលង់ទឹកស្លាប់ពិតប្រាកដមែន ពុំមែនមានជាប់ពាក់ព័ន្ធទៅនឹងករណីឃាតកម្មអ្វីនោះឡើយ និងបានប្រគល់សពឲ្យក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ