ភ្នំពេញ ៖ ជនសង្ស័យជាម៉ូយដែលជាម៉ូយទូរស័ព្ទបានលួចគាស់តូបយកទូរស័ព្ទ៥គ្រឿង ឆ្នាំងសាកទូរស័ព្ទ កាស និងគ្រឿងបន្លាស់ទូរសព្ទ័អស់រលីងពីក្នុងតូបបានមួយថ្ងៃយកទៅលក់នៅតូបក្បែរនោះត្រូវម្ចាស់ដឹងទាន់…
ភ្នំពេញ ៖ ជនសង្ស័យជាម៉ូយដែលជាម៉ូយទូរស័ព្ទបានលួចគាស់តូបយកទូរស័ព្ទ៥គ្រឿង ឆ្នាំងសាកទូរស័ព្ទ កាស និងគ្រឿងបន្លាស់ទូរសព្ទ័អស់រលីងពីក្នុងតូបបានមួយថ្ងៃយកទៅលក់នៅតូបក្បែរនោះត្រូវម្ចាស់ដឹងទាន់ប្តឹងសមត្ថកិច្ចឃាត់ខ្លួនបាន៤នាក់បង្កឱ្យមានការភ្ញាក់កាលពីវេលាម៉ោង៧និង៣០នាទីយប់ថ្ងៃទី៨ កុម្ភៈ នៅចំណុចក្នុងផ្សារវីនមីង ក្បែរកន្លែងកើតហេតុ ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ។
ជនសង្ស័យដែលជាអ្នកធ្វើសកម្មភាពមាន២នាក់ ទី១ឈ្មោះ អែម លាងគា ភេទប្រុស អាយុ២១ឆ្នាំ ជាកម្មកររោងចក្រ ស្នាក់នៅកើតហេតុខាងលើមានស្រុកកំណើតនៅស្រុកឧដុង ខេត្តកំពង់ស្ពឺ និងទី២-ឈ្មោះ សៅ វេងហាក់ អាយុ១៧ឆ្នាំ ជាជាងឈើ ស្នាក់នៅភូមិកើតហេតុខាងលើមានស្រុកកំណើតនៅស្រុកសំរោង ខេត្តតាកែវ រួមជាមួយបក្សពួក២នាក់ទៀតនាំទៅលក់មានឈ្មោះ ណយ សាំង ភេទប្រុស អាយុ៣៦ឆ្នាំ មុខរបរជួសជុលទូរស័ព្ទស្នាក់នៅភូមិថ្មគោល សង្កាត់ចោមចៅ មានស្រុកកំណើតនៅស្រុកគងពិសី ខេត្តកំពង់ស្ពឺ និងឈ្មោះគា ហ្វីណូ ភេទប្រុស អាយុ៣៧ឆ្នាំ មុខរបររត់ម៉ូតូឌុប ស្នាក់នៅភូមិត្រពាំងថ្លឹង សង្កាត់ចោមចៅ មានស្រុកកំណើតនៅខេត្តតាកែវ ។
តាមសម្តីម្ចាស់តូបបានឲ្យដឹងថា នៅព្រឹកថ្ងៃទី៨ កុម្ភៈ រូបគេបានមកចាក់សោបើកតូបដូចសព្វដង លុះពេលបើកទ្វារតូបស្រាប់តែឃើញបាត់របស់របរដូចជា ទូរស័ព្ទ៥គ្រឿង កាស ឆ្នាំងសាក ថ្មទូរស័ព្ទ សំបក និងគ្រឿងបន្លាស់ទូរស័ព្ទមួយចំនួនទៀត ។
ជនរងគ្រោះបានបន្តថា បន្ទាប់ពីដឹងថាបាត់ហើយ រូបគាត់មានបងប្អូនជាអ្នកលក់និងជួសជុលទូរស័ព្ទនៅម្តុំនោះច្រើននាក់បានដើរផ្តែផ្តាំថាបើឃើញជនសង្ស័យណាយករបស់របររបស់ខ្លួនទៅលក់ជួយទាក់ទងមករូបគេផង គេនិងនាំគ្នាទៅចាប់ លុះដល់ម៉ោង៧និង៣០នាទីថ្ងៃទី៨ កុម្ភៈ ក៏មានជនសង្ស័យទាំង៤នាក់ខាងលើដើរយករបស់ដែលលួចបានយកទៅលក់ចំកន្លែងរបស់បងប្អូនគាត់លក់ទូរស័ព្ទនៅក្បែរនោះ ទើបបងប្អូនរបស់គាត់ទូរស័ព្ទមកប្រាប់ភ្លាមរូបគាត់បាននាំគ្នាទៅចាប់បានទាំង៤នាក់តែម្តងរួចបានទាក់ទងទៅនគរបាលប៉ុស្តិ៍ចោមចៅឃាត់ខ្លួន ។
បើតាមចម្លើយសារភាពរបស់ជនសង្ស័យបានឲ្យដឹងថា ពួកគេមានគ្នា២នាក់បានធ្វើសកម្មភាពគាស់ផ្ទះកាលពីវេលាម៉ោង១១យប់ថ្ងៃទី ៧ កុម្ភៈ រហូតដល់ម៉ោងកើតហេតុខាងលើពួកគេទាំង៤នាក់បាននាំគ្នាទៅយករបស់របរដែលលួចបានទៅលក់ក៏ត្រូវម្ចាស់ឃាត់ខ្លួនតែម្តង ៕
ចែករំលែកព័តមាននេះ