ស្ត្រីកាណាដាលាក់សពកូនតូចរបស់ខ្លួន6នាក់ក្នុងទូ
«រ៉យទ័រ»ផ្សាយថាចៅក្រមកាណាដាបានសម្រេច កាលពីថ្ងៃទី៦ កុម្ភៈ ២០១៧ ឱ្យស្ត្រីម្នាក់ទទួលកំហុសពីបទលាក់សពកូនតូច៦នាក់របស់ខ្លួនដែលស្អុយរលួយនៅក្នុងទូដាក់របស់របរ ។
«រ៉យទ័រ»ផ្សាយថាចៅក្រមកាណាដាបានសម្រេច កាលពីថ្ងៃទី៦ កុម្ភៈ ២០១៧ ឱ្យស្ត្រីម្នាក់ទទួលកំហុសពីបទលាក់សពកូនតូច៦នាក់របស់ខ្លួនដែលស្អុយរលួយនៅក្នុងទូដាក់របស់របរ ។
នាងAndrea Giesbrecht អាយុ៤៣ឆ្នាំ ទទួលការចោទប្រកាន់ពីបទលាក់សពកូនតូច៦នាក់ កាលពីខែតុលា ២០១៤ ប្រទះឃើញដោយបុគ្គលិកសម្អាតផ្ទះ«U-Haul»នៅក្នុងទូផ្ទុករបស់របរ ។ តាមការត្រួតពិនិត្យរបស់ប៉ូលិសប្រទះឃើញសពក្មេងប្រុស៥នាក់ និងក្មេងស្រី១នាក់ មានអាយុប្រហែលពី៣៤ទៅ៤០សប្តាហ៍ នៅក្នុងថង់សម្រាមប្លាស្ទិក រួមទាំងវត្ថុលេង និងសម្លៀកបំពាក់កុមារ ។
របាយការណ៍បញ្ជាក់ថា សាកសពទារកម្នាក់ ដាក់ស្រោបដោយស៊ីម៉ង់ត៍ និងម្នាក់ទៀត ស្ថិតក្នុងម្សៅសាប៊ូ ។ សពទាំងអស់ស្អុយរលួយទៅហើយ ដូច្នេះពិបាកក្នុងការបញ្ជាក់ពីមូលហេតុនៃការស្លាប់ ។
មេធាវីរបស់ចុងចោទបានតវ៉ាថា នាងមិនមែនលាក់សាកសពទេ ប៉ុន្តែរក្សាទុកដើម្បីព្យាបាល ។
ចំណែក លោកចៅក្រម Murray Thompson នៅក្រុង«វីនីនផេក»សម្រេចថាស្ត្រីនោះវេចខ្ចប់សាកសពកុមារជាការបិទបាំងការស្លាប់របស់ពួកគេ ដោយទុកនៅក្នុងថតទូរក្សាទុករបស់របរ ។
រឿងក្តីនេះគ្រោងបើកសវនាការកាត់ទោសនៅពេលក្រោយ ៕
ចែករំលែកព័តមាននេះ